ການກໍ່ສ້າງທາງລົດໄຟ ລາວ-ຈີນ ຈະສຳເລັດໃນປີ 2021 ແຕ່ເສັ້ນທາງລົດໄຟນີ້ບໍ່ໄດ້ເຊື່ອມຕໍ່ກັບ ເຄືອຂ່າຍທາງລົດໄຟຂອງໄທ ຈົນກວ່າຈະຮອດປີ 2023 ທ່ານ ນັດທະພອນ ຊາຕະສີພິທັກ ເຈົ້າໜ້າທີ່ອາວຸດໂສຂອງໄທ ໄດ້ກ່າວເມື່ອອາທິດທີ່ຜ່ານມາວ່າ:
ການກໍ່ສ້າງທາງລົດໄຟໄທ-ຈີນ ຈະດຳເນີນກໍ່ສ້າງຈາກກຸງເທບ ຫາ ໜອງຄາຍ ຮອດຊາຍແດນ ລາວ-ໄທ ໂດຍລັດຖະບານຈະພັກດັນໃຫ້ແລ້ວໃນປີ 2023. ຮອງນາຍົກລັກຖະມົນຕີຂອງໄທ ກ່າວໃນຫນັງສືພີມ ບາງກອກໂພສເມື່ອອາທິດທີ່ຜ່ານມາວ່າ: ເມື່ອເປີດນໍາໃຊ້ລົດໄຟສາຍນີ້ແລ້ວ ມັນຈະເຊື່ອມຕໍ່ກັບທາງລົດໄຟ ລາວ-ຈີນ. ຕາມແຜນແມ່ນຈະໄດ້ແບ່ງອອກເປັນສອງໄລຍະຄື: ໄລຍະທຳອິດຈາກ ກຸງເທບ ຫາ ນະຄອນຣາດຊະສີມາ ລວມໄລຍະທາງແມ່ນ 253 ກິໂລແມັດ ໄລຍະທີສອງແມ່ນ ຈາກນະຄອນຣາດຊະສີມາ ຫາ ໜອງຄາຍ ລວມໄລຍະທາງແມ່ນ 355 ກິໂລແມັດ.
ການກໍ່ສ້າງໃນຊ່ວງທຳອິດແມ່ນເລີ່ມຂຶ້ນມີໄລຍະ 3.5 ກິໂລແມັດ (ບ້ານກາງດົງ - ບ້ານປາງອະໂສກ)ໃຊ້ງົບປະມານ 430ລ້ານບາດ ມີທັງຫມົດ 6 ສະຖານີ ຄາດວ່າຈະແລ້ວໃນປີ 2022 ໂດຍສະມາດຮອງຮັບຜູ້ໂດຍສານໄດ້ 5,300 ຄົນ/ວັນ.
ທີ່ມາ: ໜັງສືພິມ ວຽງຈັນທາມ