ເມືອງໄຊສະຖານ ເປັນເມືອງທີ່ 11 ຂອງແຂວງໄຊຍະບູລີ ເຊິ່ງຫ່າງຈາກເທດສະບານແຂວງ ພຽງແຕ່ 65 ກມ, ເປັນເມືອງທີ່ມີອາກາດເຢັນສະບາຍຕະຫຼອດປີ. ພາຍໃນເມືອງ ມີແຫຼ່ງທ່ອງທ່ຽວທີ່ສວຍງາມ ເຊັ່ນ: ຈຸດຊົມວິວ ທີ່ສາມາດເບິ່ງວິວທິວທັດໄດ້ແບບ 360 ອົງສາ, ມີເຮືອນຍາວຈຳລອງຂອງເຜົ່າໄປຣ່, ຊົມຕົ້ນຊາໃຫຍ່ພັນປີ, ອາບນ້ຳໄສໄຫຼເຢັນທີ່ນ້ຳຕົກຕາດນ້ຳປວດ, ນອກຈາກນີ້ ທ່ານຍັງຈະໄດ້ສຳພັດກັບວິຖີຊີວິດຂອງຊົນເຜົ່າໄປຣ່ ເຊັ່ນ: ການເກັບໃບຊາ ແລະ ການຂົ້ວຊາແບບດັ້ງເດີມ.
ທີ່ມາ: Exploring Sayaboury