ທີ່ ອາຄານ ເຄຊີ (ນາໄຮ່ດຽວ ເມືອງຈັນທະບູລີ ນະຄອນຫຼວງ ວຽງ ຈັນ) ນະຄອນຫຼວງວຽງຈັນ ຈັດພິທີເປີດຫ້ອງການ ກົງສຸນ ກິຕິມະສັກ ປະເທດ ປ໋ອກຕຸຍການ ປະຈໍາແຫ່ງ ສປປ ລາວ.

ສຳລັບການເປີດຫ້ອງການກົງສຸນກິຕິມະສັກຄັ້ງນີ້ມີຂອບເຂດການເຄື່ອນໄຫວທົ່ວສາທາລະນະລັດ ປະຊາທິປະໄຕ ປະຊາຊົນລາວ ໃນຂອບເຂດເຄື່ອນໄຫວດັ່ງກ່າວນັ້ນ ທ່ານ ນາງ ຈັນທະຈອນ ວົງໄຊ ຈະໄດ້ຮັບຄວາມສະດວກ ອະພິສິດ ແລະ ສິດຄຸ້ມຄອງເປັນທັງກົງສຸນ ທີ່ສາທາລະນະລັດ ປະຊາທິປະໄຕ ປະຊາຊົນລາວ ມອບໃຫ້ ໃນຖານະເປັນກົງສຸນກິຕິມະສັກຂອງຕ່າງປະເທດ ໂດຍການຮັບຮອງຂອງລັດຖະບານແຫ່ງ ສປປ ລາວ ແລະ ລັດຖະບານແຫ່ງປະເທດ ປ໋ອກຕຸຍການ.

ເຂົ້າຮ່ວມໃນພິທີຄັ້ງນີ້ມີ ທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີກະຊວງການຕ່າງປະເທດ ທ່ານ Francisco Vazpatto ເອກອັກຄະລັດຖະທູດແຫ່ງປ໋ອກຕຸຍການ ປະຈໍາບາງກອກ ປະເທດ ໄທ ພ້ອມພາກສ່ວນກ່ຽວຂ້ອງ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

Hits: 10

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້