ສົມເດັດພະເຈົ້າອະນຸວົງໄດ້ລົງໄປຢູ່ກຸງເທບ ແຕ່ພະຊົນໄດ້ 11 ປີ ແລະ ໄດ້ທົງສຶກສາວິຊາການຕ່າງໆຮ່ວມກັບບັນດາພະລາຊະໂອລົດ ພະລາຊະວັດ ດາ ຂອງພະເຈົ້າແຜ່ນດິນສະຫຍາມໃນພະບໍລົມມະຫາລາຊະວັງ ຕະຫຼອດມາ ຈົນພະຊົນມາຍຸໄດ້ 27 ປີ.
ເນື່ອງຈາກພະອົງໄດ້ປະທັບຢູ່ໃນກຸງເທບເປັນເວລາເຫິງນານເຖິງ 16 ປີ ພະອົງຈຶ່ງໄດ້ຮູ້ເຫັນແບບຢ່າງຂະນົບທໍານຽມແລະຄຸ້ນເຄີຍຮັກແພງກັບບັນ ດາເຈົ້ານາຍເຊື້ອວົງກະສັດສະຫຍາມເປັນອັນມາກ ໂດຍສະເພາະຢ່າງຍິ່ງ ພະເຈົ້າແຜ່ນດິນສະຫຍາມລັດຊະການທີ 2 ເຊິ່ງກົງພະນາມວ່າພະພຸດທະເລີດ ຫຼ້ານະພາໄລ ຕັ້ງແຕ່ຍັງທົງພະເຍົາໄວມານກັນ ໃນເລື່ອງນີ້ທ່ານຜູ່ອ່ານຈະ ໄດ້ເຫັນສາໍເນົາຈົດຫມາຍທີ່ພະເຈົ້າແຜ່ນດິນສະຫຍາມລັດຊະການທີ 2 ໃຫ້ເຈົ້າ ພະຍາຈັກກຣີຂຽນມາເຖິງພະເຈົ້າອະນຸ ທີ່ຈະກ່າວຂ້າງຫນ້າ.
ເມື່ອເຈົ້າອິນທະວົງ ໄດ້ມາເປັນເຈົ້າແຜ່ນດິນວຽງຈັນແລ້ວ ພະອົງຈຶ່ງທົງສະຖາປະນາເຈົ້າອະນຸວົງ ນ້ອງຂຶ້ນເປັນເຈົ້າມະຫາອຸປະຮາດ ຕາມພະລາຊະປະເພນີສືບຕໍ່ມາ.
