Wednesday, July 9, 2025
Kbank Laos โอน รับ จ่าย

ໄດ້​ແລ້ວ! ໂສມໜ້ານາງ​ສາວງາມເຂົ້າຮອບ 20 ຄົນສຸດທ້າຍນະ​ຄອນ​ຫຼວງວຽງຈັນ

ພະແນກຖະແຫຼງຂ່າວວັດທະນະທຳ ແລະທ່ອງທ່ຽວນະຄອນ ຫຼວງວຽງຈັນ (ຖວທ ນວ) ຮ່ວມ ກັບບໍລິສັດກຣິດຕະພົງກຣຸບຈຳກັດໄດ້ຈັດງານຖະແຫຼງຂ່າວເປີດໂຕ ນາງສາວນະຄອນຫຼວງວຽງຈັນ (ນວ) ປະຈໍາປີ 2019.

ທ່ານ ນາງ ອໍລະໄທ ສັນຕິຄົງຄາ ຜູ້ອຳນວຍການບໍລິສັດກຣິດຕະ ພົງກຣຸບຈຳກັດທັງເປັນປະທານຈັດງານຄັດເລືອກນາງສາວ ນວ ປະ ຈຳປີ 2019 ໃຫ້ຮູ້ວ່າ: ການປະກວດນາງສາວ ນວ ເປັນເວທີໃນການການສົ່ງເສີມແມ່ຍິງລາວຮຸ່ນໃໝ່ໄດ້ສະແດງຄວາມສາມາດຂອງຕົນຢູ່ເທິງເວທີໃຫ້ສັງຄົມໄດ້ເຫັນທັງ ເປັນການສົ່ງເສີມມໍລະດົກທາງວັດທະນະທຳນຳຄຸນຄ່າສູ່ແມ່ຍິງລາວທັງເປັນການອະນຸຮັກວັດທະນະທຳທາງດ້ານການນຸ່ງຖື.

ສຳລັບການຄັດເລືອກຄັ້ງນີ້ມີນາງສາວເຂົ້າຮ່ວມ ທັງໝົດ 85 ຄົນ ໂດຍຜ່ານການຄັດ ເລືອກຈາກຄະນະກຳມະການໃນ ຮອບນີ້ເພື່ອໄປຄັດຕໍ່ໃນຮອບສຸດ ທ້າຍມີ 20 ຄົນ ຊຶ່ງທັງ 20 ນາງສາວຈະໄປເກັບຕົວ ແລະຮ່ວມ ເຄື່ອນໄຫວກິດຈະກຳຕ່າງໆຂອງ ລາຍການຄັດເລືອກ, ສ່ວນຮອບຄັດເລືອກຊະນະເລີດຈະໄດ້ຈັດຂຶ້ນ ວັນທີ 6 ເມສາ 2019 ໂດຍຈະຄັດເອົາພຽງ 7 ຄົນ ເພື່ອເປັນນາງ ສັງຂານແຫ່ໃນບຸນສົງການປີໃໝ່ ລາວ ປະຈຳປີ 2019. ນອກນີ້ຜູ້ ທີ່ໄດ້ຊະນະເລີດຍັງຈະໄປຄັດເລືອກ ຕໍ່ລາຍການ Miss Chinese ຢູ່ HongKong ປະເທດຈີນ ແລະຮອງຊະນະເລີດ 2 ຄົນ ຈະໄປຄັດເລືອກລາຍການ Miss Asian Pacific ຢູ່ຕ່າງປະເທດຕື່ມອີກ.

ຮ່ວມໂຫວດດ້ວຍການສົ່ງຂໍ້ຄວາມ ຜ່ານເຄືອຄ່າຍ ETL “ສະເພາະຫຼັກ2 ເທົ່ານັ້ນ” ດ້ວຍການພິມໝາຍ ເລກທີ່ທ່ານມັກ MVT…ຈາກນັ້ນ ຂັ້ນດ້ວຍເຄື່ອງໝາຍ “*” ຕາມດ້ວຍ ຈໍານວນ ແລະສົ່ງໄປເບີ 2018 ຕົວຢ່າງ: MVT99*1 ຈະໄດ້ 1 ຄະແນນ (800ກີບຕໍ່ຄັ້ງ) ຫຼື Super Vote: MVT99*10 ຈະໄດ້ 10 ຄະແນນ (8,000 ກີບຕໍ່ຄັ້ງ)- 1 ຄະແນນຕໍ່ 800 ກີບ, ຈຳກັດ ບໍ່ໃຫ້ເກີນ 100 ຄະແນນຕໍ່ຄັ້ງເລີ່ມ ໂຫວດໄດ້ຕັ້ງແຕ່ວັນທີ 1 ມີນາ ຫາ ວັນທີ 6 ພຶດສະພາ 2019.

ພິເສດໃນປີນີ້ທາງຮ້ານຄໍາພູວົງໄດ້ສະໜັບສະໜູນ 3 ມຸງກຸດ ລວມມູນ ຄ່າຫຼາຍກວ່າ 150 ລ້ານກີບ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.