ກອງປະຊຸມເຄືອຂ່າຍຄັງປັນຍາຄັ້ງທີ II ຂອງສູນຄົ້ນຄວ້າແມ່ນໍ້າຂອງສາກົນ ໄດ້ຈັດຂຶ້ນໃນວັນທີ 22 ມີນາ 2019 ທີ່ນະຄອນຫລວງວຽງຈັນ. ພາຍໃຕ້ຫົວຂໍ້” ເສີມຂະ ຫຍາຍການຮ່ວມມື ແລະ ການເປັນຄູ່ຮ່ວມມືເພື່ອກ້າວສູ່ການສ້າງປະຊາຄົມແມ່ນໍ້າຂອງ-ແມ່ນໍ້າລ້ານຊ້າງທີ່ມີອານາ ຄົດຮ່ວມກັນ” ກອງປະຊຸມດັ່ງກ່າວ ໄດ້ມີການປຶກສາຫາລືກ່ຽວກັບວິທີທາງກ້າວສູ່ການເປີດກວ້າງ ແລະ ກວມລວມເອົາຂໍ້ລິເລີ່ມຕ່າງໆໃນຂອບ MLC ແລະ ທິດທາງໃນການພັດທະນາສ້າງແລວເສດຖະ ກິດຮ່ວມກັນພາຍໃຕ້ຂອບ MLC.
ໂດຍມີທ່ານ ນາງ ຄໍາເພົາ ເອີທະວັນ ຮອງລັດຖະ ມົນຕີກະຊວງການຕ່າງປະເທດ ແຫ່ງ ສປປ ລາວ, ມີບັນດາປະເທດຈາກສູນຄົ້ນຄວ້າແມ່ນໍ້າຂອງສາກົນຫວຽດນາມ, ມຽນມ້າ, ໄທ ແລະ ກໍາປູເຈຍ, ຜູ້ຕາງໜ້າຈາກອົງການຈັດ ຕັ້ງສາກົນຂອງພາກພື້ນ, ພ້ອມດ້ວຍພາກສວ່ນທີ່ກ່ຽວຂ້ອງ ເຂົ້າຮ່ວມ.