ກຸງສີ ລິດຊິ້ງ ຫລື ບໍລິສັດກຸງສີ ບໍລິການເຊົ່າສິນເຊື່ອ ຈໍາກັດ ໄດ້ໃຫ້ການບໍລິການເຊົ່າສິນເຊື່ອແກ່ປະຊາຊົນລາວ ນັບແຕ່ທ້າຍປີ 2014 ເປັນຕົ້ນມາ, ຊຶ່ງຢູ່ພາຍໃຕ້ການຄຸ້ມຄອງຂອງທະນາຄານແຫ່ງ ສປປ ລາວ.
ໂດຍເນັ້ນບໍລິການໃຫ້ເຊົ່າສິນເຊື່ອປະເພດລົດໃຫຍ່ ແລະ ຜະລິດຕະພັນເຄື່ອງໃຊ້ໄຟຟ້າ, ໃນຂະນະນີ້ ບໍລິສັດດັ່ງກ່າວ ໄດ້ມີຄູ່ຄ້າທັງໝົດ 159 ຮ້ານ ປະກອບມີຕົວແທນຢູ່ຮ້ານຂາຍລົດໃຫຍ່ 29 ຮ້ານ ແລະ ຮ້ານຄ້າປະເພດເຄື່ອງໃຊ້ໄຟຟ້າ 130 ຮ້ານ. ປັດຈຸບັນ ເນັ້ນສະເພາະນະຄອນຫລວງວຽງຈັນ ແລະ ແຂວງຈໍາປາສັກ, ໃນຕໍ່ໜ້າ ຍັງມີແຜນຂະຫຍາຍການບໍລິການ ໃນທົ່ວປະເທດ.