ຄໍາວ່າ ” ສົງນໍ້າ ” ໄດ້ແກ່ອາບນ້ຳ ຫລືຫົດນໍ້າ ບຸນສົງນ້ຳຕາມປະເພນີນິຍົມ ເຮັດກັນໃນເດືອນຫ້າ ໂດຍກໍານົດເວລາເດືອນໜຶ່ງ ຕັ້ງແຕ່ຂຶ້ນ ໑໕ ຄໍ່າເດືອນ ໕ ເຖິງ ຂຶ້ນ ໑໕ ຄໍ່າເດືອນຫົກ ບຸນສົງນໍ້າ ທີ່ຊາວລາວເຮົາເຮັດຢູ່ທຸກວັນນີ້ ຄືສົງນ້ຳພຣະພຸທທະຮູບ, ສົງນໍ້າພຣະສົງ, ຫົດສົງຜູ້ໃຫຍ່ທີ່ເຄົາລົບນັບ ຖື ແລະຫົດສົງລະຫວ່າງຫນຸ່ມບ່າວສາວນໍາກັນ, ຈຸດມຸ່ງຫມາຍຂອງການຫົດນໍ້າ ແມ່ນເພື່ອເປັນການເຊີດຊູພຣະພຸທທະສາສນາ ເພື່ອຄວາມເປັນສິລິມຸງຄຸນ ຄືຄວາມສົມບູນຢູ່ດີມີແຮງ ແລະເພື່ອເຊື່ອມໄມຕຣີຈິດ ມິດຕະະພາບຄວາມສາມັກຄີຮັກແພງກັນ ເພາະນໍ້າເຢັນຂອງເປັນຈຶ່ງໄດ້ເອົານໍ້າຫົດກັນອັນເປັນສັນຍະລັກ ແຫ່ງຄວາມຢູ່ຊູ່ມກິນເຢັນ ແລະ ຄວາມມັ່ງມູນສົມບູນພູນສຸກ ຫາຍທຸກ ຫາຍຮ້ອນຕະຫລອດປີ ປະເພນີຂອງລາວເຮົາເນື່ອງໃນການຫົດນໍ້ານີ້ ພວກເຮົາກໍມີພິທີການທໍາບຸນໃຫ້ທານກັນອີກເທື່ອນຶ່ງ ເຊິ່ງເອີ້ນກັນວ່າ ” ບຸນເດືອນຫ້າຫລືບຸນປີໃຫມ່ລາວ “.
ບຸນສ໌ງນໍ້ານີ້ ເຮົາເອີ້ນກັນ ອີກຢ່າງຫນຶ່ງວ່າ “ບຸນຕຸສສ໌ງການຕ໌ ( ຕຣຸສສົງການຕ໌ ) ” ຄໍາວ່າ ” ຕສ ” ຄືຫມົດ ຫລືສ້ຽງ ຫມາຍຄວາມເຖິງປີເກົ່າ “ສົງການ ( ສົງການຕ໌ ) ” ຄືການຍ້າຍທີ່ໄປ ສະນັ້ນ ຕຸສສົງການຕ໌ ຈຶ່ງຫມາຍຄວາມວ່າ ການທີ່ປີເກົ່າຫມົດສ້ຽງໄປແລ້ວຍາຍເຂົ້າສູ່ປີໃຫມ່ ກໍາຫນົດໃນທາງ ສຸຣິຍະຄະຕິ ວັນທີ່ ໑໓-໑໔-໑໕ ເດືອນເມສາຂອງທຸກປີ ຫລືເວົ້າກັນຢ່າງນຶ່ງປ່ຽນຣາສີມິນຂຶ້ນສູ່ຣາ ສີເມສ.
Hits: 6
