ຕາງໜ້າລັດຖະບານ ແຫ່ງ ສປປ ລາວ ໂດຍທ່ານສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ແລະ ຕາງໜ້າບໍລິສັດ ພັດທະນາສວນວັດທະນະທໍາ ລ້າງຊ້າງ ຈໍາກັດ ໂດຍທ່ານ ຄອນຄໍາ ອິນທະວົງ ໄດ້ຮ່ວມເຊັນສັນຍາ ການສໍາປະທານໂຄງການພັດທະນາສວນລ້ານຊ້າງຫລັກ 16 ໃນເນື້ອທີ່ 88 ເຮັກຕາ ຢູ່ບ້ານດົງສ້າງຫີນ ເມືອງໄຊທານີ,ນະຄອນຫລວງວຽງຈັນ ດ້ວຍມູນຄ່າການລົງທຶນ 80 ລ້ານໂດລາສະຫະລັດ.
ໂຄງການດັ່ງກ່າວຈະໃຊ້ເວລາການກໍ່ສ້າງທັງ ໝົດ 9 ປີ ແບ່ງອອກເປັນ 3 ໄລຍະການກໍ່ສ້າງປະກອບມີ: ສວນສະນຸກ ແລະ ສວນວັດທະນະທໍາ, ສວນພຶກສາສາດ ແລະ ສວນສັດ,ເຂດສູນການຄ້າ ແລະ ໂຮງແຮມ, ພື້ນຖານໂຄງລ່າງສິ່ງອໍານວຍຄວາມສະດວກໃນໂຄງການ.ພິທີດັ່ງກ່າວໄດ້ຈັດຂຶ້ນໃນວັນທີ 27 ມີນາ 2019ທີ່ນະຄອນຫລວງວຽງຈັນ.
ໂດຍມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ມີບັນດາລັດຖະມົນຕີ-ຮອງລັດ ຖະມົນຕີ, ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມເປັນສັກຄີພິຍານ.