Friday, April 18, 2025

ເປີດງານລ້ຽງຕ້ອນຮັບນັກທ່ອງທ່ຽວຈີນ 1.000 ຄົນ​ຢ່​າງ​ຍິ່ງ​ໃຫຍ່

ທີ່ນະຄອນຫລວງວຽງຈັນ ໄດ້ຈັດງານລ້ຽງຕ້ອນຮັບຄະນະນັກທ່ອງທ່ຽວ ສປ ຈີນ 1.000 ຄົນ ຢ່າງຄຶກຄື້ນ ໃນໂອກາດການເຄື່ອນໄຫວຢູ່ ສປປ ລາວ ລະຫວ່າງວັນທີ 6-9 ເມສາ 2019 ໃນໂອກາດປີທ່ອງທ່ຽວລາວ-ຈີນ 2019.

ງານລ້ຽງໃນຄໍ່າຄືນນີ້ ກໍແມ່ນກິດຈະກຳໜຶ່ງທີ່ປະກອບສ່ວນເຂົ້າໃນວຽກງານໂຄສະນາສົ່ງເສີມປີທ່ອງທ່ຽວລາວ-ຈີນ 2019 ເພື່ອເຮັດໃຫ້ປະຊາຊົນສອງຊາດ ລາວ-ຈີນ ໄດ້ຮັບຮູ້ຊຶ່ງກັນ ແລະ ກັນກວ້າງຂວາງຍິ່ງຂື້ນ ໂດຍຜ່ານການສະແດງສິລະປະວັດທະນະທຳ ແລະ ຮີດຄອງປະເພນີ​ຂອງ​​ລາວ ທີ່ເປັນເອກະລັກອັນດີງາມຂອງປະຊາຊົນລາວບັນດາເຜົ່າ.

ໃນປີ 2017, ມີນັກທ່ອງທ່ຽວຈີນທີ່ໄດ້ເຂົ້າມາທ່ຽວລາວ ຈຳນວນ 639.183 ເທື່ອຄົນ, ໃນປີ 2018 ເພີ່ມຂື້ນເປັນ 799.929 ເທື່ອຄົນ, ຊຶ່ງເພີ່ມຂື້ນ 25%. ພິເສດໃນປີ 2019 ນີ້, ໃນການຈັດຕັ້ງປະຕິບັດປີທ່ອງທ່ຽວລາວ-ຈີນນີ້ ຜູ້ນໍາສອງປະເທດ ລາວ-ຈີນ ມີຄວາມມຸ້ງຫວັງວ່າຈະໄດ້ຕ້ອນຮັບນັກທ່ອງທ່ຽວຊາວຈີນໃນຈຳນວນຫລວງຫລາຍເຂົ້າມາທ່ຽວລາວເພີ່ມຂື້ນ ແລະ ພ້ອມກັນນັ້ນ ກໍໃຫ້ນັກທ່ອງທ່ຽວລາວເຮົາໄດ້ມີໂອກາດໄປທ່ອງທ່ຽວຈີນຫລາຍຂື້ນເຊັ່ນກັນ.

ປັດຈຸບັນນີ້, ລັດຖະບານ ສປປ ລາວ ກໍໄດ້ຫລຸດຄ່າວິຊາທ່ອງທ່ຽວ ໃຫ້ພົນລະເມືອງຊາວຈີນ ຈາກ 20 ໂດລາສະຫະລັດ ມາເປັນ 10 ໂດລາສະຫະລັດຕໍ່ຄົນ

ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວລາວ ກ່າວສະແດງຄວາມຍິນດີຕ້ອນຮັບອັນອົບອຸ່ນມາຍັງບັນດານັກທ່ອງທ່ຽວຈາກ ສປ ຈີນ ທີ່ມາຢ້ຽມຢາມ ສປປ ລາວ ຊຸດທຳອິດ.

ທ່ານ ບໍ່ແສງຄຳ ວົງດາລາ ຍັງໄດ້ກ່າວເຊີນຊວນບັນດານັກທ່ອງທ່ຽວ ຈາກ ສປ ຈີນ ຢ້ຽມຊົມສະຖານທີ່ທ່ອງທ່ຽວທາງດ້ານປະຫວັດສາດ, ທຳມະຊາດ ແລະ ວັດທະນະທຳ ທີ່ ສປປ ລາວ ຕາມອັດທະຍາໄສ ຊຶ່ງໄດ້ມີຫລາກຫລາຍກິດຈະກຳ ແລະ ບັນດາຜະລິດຕະພັນການທ່ອງທ່ຽວ ທີ່ໜ້າສົນໃຈໄວ້ຄອຍຕ້ອນຮັບດ້ວຍນໍ້າໃຈຮັກຫອມແຂກຄົນຂອງປະຊາຊົນລາວບັນດາເຜົ່າ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.