ທີ່ສະຖານເອກອັກຄະຣາຊະທູດໄທ ທີ່ນະຄອນຫຼວງວຽງຈັນ ໄດ້ຈັດງານພົບປະສຶ່ມວນລາວ ນຳໂດຍທ່ານ ປອ. ສຸວິດ ມັງຄະລະ ອັກຄະຣາຊະທູດທີ່ປຶກສາ ແລະ ທ່ານນາງ ສຸພະສິຣິ ທະນະພູມ ເລຂານຸການເອກ ພ້ອມດ້ວຍບັນດາສື່ມວນຊົນຈາກຫຼາຍສຳນັກຂ່າວໃຫ້ກຽດເຂົ້າຮ່ວມ ເຊັ່ນ: ສຳນັກຂ່າວສານປະເທດລາວ, ໂທລະພາບແຫ່ງຊາດລາວ, ໜັງສືພິມເສດຖະກິດການຄ້າ, ໜັງສືພິມປະຊາຊົນ, ໜັງສືພິມສຶກສາ ແລະ ກີລາ, ວິທະຍຸ ແລະ ໂທລະພາບນະຄອນຫຼວງວຽງຈັນ.
ຈຸດປະສົງການຈັດງານດັ່ງກ່າວ ກໍ່ເພື່ອສ້າງຄວາມຮູ້ຈັກລະຫວ່າງສະຖານເອກອັກຄະຣາຊະທູດໄທກັບສື່ມວນຊົນລາວໃຫ້ຫຼາຍຂຶ້ນ, ສ້າງຄວາມແໜ້ນແຟ້ນສາຍພົວພັນການຮ່ວມມືໃນດ້ານວຽກງານຂ່າວສານ, ລວມເຖິງຂອບການສະໜັບສະໜູນຮ່ວມມືດ້ານຕ່າງໆ ຂອງ ສະຖານເອກອັກຄະຣາຊະທູດໄທ ກັບ ສື່ມວນຊົນລາວໃນອະນາຄົດ.
