ທະນາຄານແຫ່ງ ສປປລາວ ພາກເໜືອທີ່ແຂວງອຸດົມໄຊ ໄດ້ນຳເອົາເຄື່ອງຊ່ວຍເຫຼືອມາມອບໃຫ້ແກ່ຫໍພິພິຕະພັນ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງອຸດົມ ໃນຕອນບ່າຍວັນທີ 7 ພຶດສະພານີ້ . 

ເຄື່ອງທີ່ນຳມາມອບຄັ້ງນີ້ລວມມີ: ຄອມພິວເຕີຕັ້ງໂຕະຈຳນວນ 1 ຊຸດ, ປຣິນເຕີ 1 ເຄື່ອງ ແລະ ຕູ້ໃສ່ເຄື່ອງວາງສະແດງຈຳນວນ 1 ໜ່ວຍ ລວມມູນຄ່າທັງໝົດ 7. 350,000 ກີບ. ໃຫ້ກຽດກ່າວມອບເຄື່ອງດັ່ງກ່າວ ໂດຍແມ່ນທ່ານ ບຸນໄທ ສຸພັດທອນ ຫົວໜ້າທະນາຄານແຫ່ງ ສປປລາວພາກເໜືອທີ່ແຂວງອຸດົມໄຊ ແລະ ກ່າວຮັບໂດຍແມ່ນ ທ່ານ ພອນສະຫວັນ ພັນທະວິຈິດ ຄະນະປະຈຳພັກແຂວງ ຫົວໜ້າພະແນກ ຖວທ ແຂວງອຸດົມໄຊ ໂດຍຊ້ອງໜ້າພະນັກງານວິຊາການທັງສອງຝ່າຍເຂົ້າຮ່ວມ.

ໂອກາດດັ່ງກ່າວ ທ່ານ ພອນສະຫວັນ ພັນທະວິຈິດ ຫົວໜ້າພະແນກ ຖວທ ກໍໄດ້ກ່າວສະແດງຄວາມຂອບໃຈຕໍ່ການຊ່ວຍເຫຼືອຂອງທະນາຄານແຫ່ງ ສປປລາວ ພາກເໜືອທີ່ແຂວງອຸດົມໄຊ ພ້ອມທັງໄດ້ມອບໃບຊົມເຊີຍໃຫ້ແກ່ທະນາຄານດັ່ງກ່າວເພື່ອເປັນການຈາລຶກບຸນຄຸນຕໍ່ການຊ່ວຍເຫຼືອໃນຄັ້ງນີ້. ສຳລັບເຄື່ອງຊ່ວຍເຫຼືອໃນຄັ້ງນີ້ ທາງຫໍ ພິພິຕະພັນແມ່ນຈະນຳໃຊ້ເຂົ້າໃນວຽກງານວິຊາສະເພາະໃຫ້ເກີດຜົນປະໂຫຍດສູງສຸດ ແລະ ຈະປົກປັກຮັກສາເພື່ອໃຫ້ໄດ້ຊົມໃຊ້ຍາວນານ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທີ່ມາ: ຂ່າວປະຈຳວັນ Daily News Oudomxay 

Hits: 28

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້