Monday, July 22, 2024
Lenovo

ຄະນະຜູ້ແທນລາວ ຈະເຂົ້າຮ່ວມກອງປະຊຸມອະລິຍະທໍາອາຊີຢູ່ປັກກິ່ງ

ກອງປະຊຸມອະລິຍະທໍາອາຊີ (CDAC) ຈະໄຂຂຶ້ນຢ່າງເປັນທາງການໃນວັນທີ 15 ພຶດສະພາ 2019 ທີ່ນະຄອນ ຫລວງປັກກິ່ງ ສປ ຈີນ, ຄາດວ່າຈະມີບັນດາປະມຸກລັດ, ອົງການຈັດຕັ້ງພາກລັດ-ສາກົນ ແລະ ສື່ມວນຊົນເຂົ້າ ຮ່ວມຫລາຍກວ່າ 2.000 ຄົນຈາກ 47 ປະເທດ ລວມທັງປະເທດກ່ຽວຂ້ອງທົ່ວໂລກ ຂະນະທີ່ ຄະນະຜູ້ແທນລາວຢືນຢັນວ່າຈະເດີນທາງເຂົ້າກອງປະຊຸມດັ່ງກ່າວ.

ທ່ານ ຊຸຍ ຫລິນ ຮອງປະທານກໍາມະການບໍລິຫານ ແລະ ຈັດການງານຂອງ (CDAC)ໄດ້ແຈ້ງຕໍ່ມວນຊົນລະຫວ່າງກອງປະຊຸມຖະແຫລງຂ່າວຂອງການຈັດກອງປະຊຸມປຶກສາຫາລືກ່ຽວກັບອະລິຍະທໍາອາຊີໃນອາທິດຜ່ານມານີ້ວ່າ ສປ ຈີນຈະເປັນເຈົ້າກອງປະຊຸມດັ່ງກ່າວໂດຍມີຈຸດປຶກສາຫາລື ແລະ ແລກປ່ຽນດ້ານອະລິຍະທໍາໃນແຕ່ລະປະເທດທີ່ກ່ຽວຂ້ອງເພື່ອການຢູ່ຮ່ວມກັນ, ແບ່ງປັນປະສົບການກ່ຽວກັບຂະນົບທໍານຽມຮີດຄອງປະເພນີ ແລະ ວັດທະນະທໍາດັ້ງເດີມ, ການສຶກສາ ແລະ ອື່ນໆ ເຊິ່ງຈະເປັນການສ້າງຄວາມເຂົ້າອົກເຂົ້າໃຈ ແລະ ເສີມສົງເວທີແລກປ່ຽນຄວາມຮູ້ຄວາມເຂົ້າໃຈເຊິ່ງກັນ ແລະ ກັນລະຫວ່າງອະລິຍະທໍາຕ່າງໆ. ລະຫວ່າງດໍາເນີນກອງປະຊຸມຍັງມີ 6 ກອງປະຊຸມຍ່ອຍປິ່ນອອ້ມ ແລະ ມີການຈັດກິດຈະກໍາຫລາຍຢ່າງເຊັ່ນ: ເທສະການບຸນວັດທະນະທໍາອາຊີ, ວາງສະແດງສີນຄ້າ, ການແລກປ່ຽນວັດທະນະທໍາ, ວາງສະແດງຜະລິດຕະພັນວັດທະນະທໍາ-ການທ່ອງທ່ຽວ, ສາຍຮູບເງົາ,ສະແດງສິລະປະວັນນະຄະດີຂອງແຕ່ລະຊາດ ແລະ ອື່ນໆຄາດວ່າຈະມີຜູ້ເຂົ້າຮ່ວມຢ່າງໜ້ອຍ 30 ພັນຄົນ.

ທ່ານ ຊຸຍ ຫລິນຍັງກ່າວວ່າ: ໜຶ່ງແລວໜຶ່ງເສັ້ນທາງບໍ່ພຽງແຕ່ມຸ່ງເນັ້ນໃສ່ການພັດທະນາພື້ນຖານໂຄງລ່າງ ແລະ ຍົກລະດັບການພັດທະນາເສດຖະກິດ-ສັງຄົມເທົ່ານັ້ນ ແຕ່ມັນຍັງຕິດພັນກັບວຽກງານທຸກດ້ານທີ່ກ່ຽວຂ້ອງໂດຍສະເພາະການຮ່ວມມືດ້ານທ່ອງທ່ຽວ,ສິລະປະວັດທະນະທໍາ, ອະນຸລັກ-ປົກປັກຮັກສາມໍລະດົກດັ້ງເດີມທີ່ມີຄຸນຄ່າຂອງຊາດ ແລະ ສາກົນ, ການສຶກສາ ແລະ ອື່ນໆ.

ແນວໃດກໍດີ ເຈົ້າໜ້າທີ່ຈາກ ສປປ ລາວເປີດເຜີຍວ່າກອງປະຊຸມຄັ້ງນີ້ ແມ່ນມີຄວາມໝາຍຄວາມສໍາຄັນບໍ່ໜ້ອຍເພື່ອສືບຕໍ່ເພີ່ມທະວີການຮັດແໜ້ນສາຍພົວພັນການຮ່ວມມື ແລະ ເສີມຂະຫຍາຍຄຸນຄ່າດ້ານວັດທະນະທໍາ ຂະນົບທໍານຽມຮີດຮອງປະເພນີອັນດີງາມ ຄວາມຮູ້, ບົດຮຽນ ແລະ ແລກປ່ຽນປະສົບການເຊິ່ງກັນ ແລະ ກັນລະຫວ່າງອາຊີ ລວມທັງສາກົນ. ສປປ ລາວມີວັດທະນະທໍາ ແລະ ຮີດຄອງປະເພນີອັນດີງາມແຕ່ບູຮານນະການ ໃນນັ້ນມີສະສະຖານທີ່ມໍລະດົກໂລກ 2 ແຫ່ງ, ມີສະຖານທີ່ທທ່ອງທ່ຽວດ້ານປະຫວັດສາດ, ວັດທະນະທໍາ, ທໍາມະຊາດ, ວິຖີດໍາລົງຊີວິດທີ່ເປັນເອກະລັກສະເພາະ ແລະ ອື່ນໆຈະກາຍເປັນທ່າແຮງບໍ່ໜ້ອຍໃນການດຶງດູດນັກທ່ອງທ່ຽວໃນອະນາຄົດ. ນອກນີ້ ເມືອງມໍລະດົກໂລກ ແຂວງຫລວງພະບາງຍັງຢູ່ລຽບຕາມເສັ້ນທາງລົດໄຟລາວ-ຈີນພາຍໃຕ້ໜຶ່ງແລວໜຶ່ງເສັ້ນທາງ ຄາດວ່າຈະສໍາເລັດພາຍໃນປີ 2021 ເຊິ່ງຈະກາຍເປັນຈຸດສົນໃຈໃຫ້ແກ່ການລົງທຶນ, ການຄ້າ, ການທ່ອງທ່ຽວ ແລະ ອື່ນໆ.

ທີ່​ມາ: ຂ່າ​ວ​ສານ​ປະ​ເທດ​ລາວ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.