ທະນາຄານໂລກ ໄດ້ໃຫ້ການສະໜັບສະໜູນທຶນຕື່ມອີກ ຈຳນວນ 52 ລ້ານໂດລາສະຫະລັດ ເພື່ອຈັດຕັ້ງປະຕິບັດ 2 ໂຄງການໃໝ່ ຄື:
ໂຄງການຫລຸດຜ່ອນຄວາມທຸກຍາກ ແລະ ການຂາດສານອາຫານໃນຊົນນະບົດ ຂອງຂະແໜງປົກປ້ອງສັງຄົມ ມູນຄ່າ 27 ລ້ານ ໂດລາສະຫະລັດ;
ໂຄງການຂະຫຍາຍນໍ້າປະປາ, ສຸຂະພິບານ ແລະ ອະນາໄມລວມ ມູນຄ່າ 25 ລ້ານໂດລາສະຫະລັດ ໂດຍສະເພາະຢູ່ແຂວງຊຽງຂວາງ, ຫົວພັນ, ຜົ້ງສາລີ ແລະ ແຂວງອຸດົມໄຊ.
ໃນຕອນບ່າຍວັນທີ 9 ພຶດສະພາ 2019, ທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີ ກະຊວງການເງິນ ໄດ້ຮ່ວມລົງນາມໃນສັນຍາ ກັບ ທ່ານ ນິໂກລາ ປອນຕາຣາ ຫົວໜ້າຫ້ອງການທະນາຄານໂລກ ປະຈຳ ສປປ ລາວ, ມີຕາງໜ້າຈາກສອງພາກສ່ວນທີ່ກ່ຽວຂ້ອງເຂົ້າຮ່ວມ.
ທີ່ມາ: ສຳນັກຂ່າວສານປະເທດລາວ
Hits: 45
