ໃນວັນທີ່ 14 ພຶດສະພາ 2019 ນີ້ ຫ້ອງເຕັກນິກທະຫານແຂວງອຸດົມໄຊ ໄດ້ຈັດພິທີມອບລົດອູ່ອ໋ອດ 469 ໃຫ້ກອງຮ້ອຍ 141 ທະຫານຊາຍແດນລາວ-ຈີນທີ່ຂື້ນກັບກອງບັນຊາການທະຫານແຂວງອຸດົມໄຊ, ໂດຍການເປັນປະທານຂອງ ພັນໂທ ບຸນເຊີຍ ກອງນະລາດ ຄະນະພັກກອງບັນຊາການ ຫົວໜ້າຫ້ອງເຕັກນິກອງບັນຊາການທະຫານແຂວງອຸດົມໄຊ, ມີພັນຕີ ບຸນນ້ອຍ ຈັນສະໝອນ ຫົວໜ້າກອງຮ້ອຍ 141 ທະຫານຊາຍແດນລາວ-ຈີນ ເປັນກຽດເຂົ້າຮ່ວມພິທີໂດຍມີ ພັນໂທ ຄຳເຜີຍ ໂສມພັນ ຄະນະພັກກອງບັນຊາການ ຫົວໜ້າຫ້ອງເສນາທິການທະຫານແຂວງອຸດົມໄຊ, ມີຄະນະພັກ-ຄະນະບັນຊາຫ້ອງເຕັກນິກ, ກອງຮ້ອຍ 141 ທະຫານຊາຍແດນ ແລະພາກສ່ວນກ່ຽວຂ້ອງເຂົ້າຮ່ວມ.
ໃນພິທີ ພັນໂທ ຄຳພັນ ຈັນຍາລາດ ຫົວໜ້າພະແນກຄຸ້ມຄອງລົດ ຫ້ອງເຕັກນິກ ໄດ້ຂື້ນຜ່ານຂໍ້ຕົກລົງ ຂອງກອງບັນຊາການທະຫານແຂວງອຸດົມໄຊ ວ່າດ້ວຍການປະກອບລົດນ້ອຍໃຫ້ກອງຮ້ອຍ141ທະຫານຊາຍແດນແຂວງອຸດົມໄຊ ຈຳນວນ 1ຄັນ ປະເພດລົດຈີບ ອູ່ອ໋ອດ 469 ທະບຽນ ກທ/ 141 0032 ສີຂຽວ ມູນຄ່າ 17. 565 ໂດລາ.
ເປັນກຽດຂື້ນກ່າວມອບໂດຍ ພັນໂທ ບຸນເຊີຍ ກອງນະລາດ ຄະນະພັກກອງບັນຊາການ ຫົວໜ້າຫ້ອງເຕັກນິກທະຫານແຂວງອຸດົມໄຊ, ຂື້ນກ່າວຮັບໂດຍ ພັນຕີ ບຸນນ້ອຍ ຈັນສະໝອນ ຫົວໜ້າກອງຮ້ອຍ 141.
ໃນຕອນທ້າຍ ພັນໂທ ບຸນເຊີຍ ກອງນະລາດ ໄດ້ໃຫ້ກຽດໂອ້ລົມ ພ້ອມທັງເໜັ້ນໜັກໃຫ້ຄະນະພັກ-ຄະນະບັນຊາກອງຮ້ອຍ 141 ແລະຜູ້ຮັບຜິດຊອບ ເອົາໃຈໃສ່ຄຸ້ມຄອງ, ປົກປັກຮັກສາ, ບົວລະບັດ, ຜັດເຊັດ, ນຳໃຊ້ເຂົ້າໃນໜ້າທີວຽກງານລວມໃຫ້ຖຶກຕາມເປົ້າໝາຍທີ່ໄດ້ກຳນົດໄວ້, ກຳ ແໜ້ນສະພາບເຕັກນິກຂອງລົດໃຫ້ໜັກແໜ້ນ, ມີສະຕິປະຕິບັດກົດລະບຽບຈາລະຈອນໃຫ້ຖຶກຕ້ອງ, ກວດກາພາຫະເຕັກນິກເປັນປະຈຳ, ພ້ອມກັນຈັດຕັ້ງປະຕິບັດນຳໃຊ້ໃຫ້ໄດ້ຍາວນານ.
ທີ່ມາ: ກອງບັນຊາການທະຫານແຂວງອຸດົມໄຊ