ສະຫະພັນກິລາເພາະກາຍແຫ່ງຊາດລາວ ສົ່ງນັກກີລາ 2 ຄົນ (ຍິງ 1 ຊາຍ 1) ພ້ອມດ້ວຍກໍາມະການຕັດສິນ 2 ທ່ານ ແລະ ຄະນະພ້ອມດ້ວຍຜູ້ຕິດຕາມ 5 ຄົນ ລວມ 9 ຄົນ ເຂົ້າຮ່ວມແຂ່ງຂັນເພາະກາຍ ລາຍການ ຊີງແຊັມອາຊຽນ ຄັ້ງທີ 16 ທີ່ປະເທດມຽນມາ ໃນລະຫວ່າງ 16-21 ພຶດສະພາ 2019 ທີ່ຈະມາເຖີງນີ້ ເຊີ່ງນັກກິລາ 2 ຄົນ ໃນປະເພດຊາຍ-ຍິງ ຫຸ່ນງາມ ປະກອບມີ ທ້າວ ນັນທະລັກ ສຸນາເຄນ ຈາກ happyness fitnesses ຈະລົງທໍາການແຂ່ງຂັນໃນລຸ້ນ men sport physique ລຸ້ນຄວາມສູງບໍ່ເກີນ 165 cm ວັນທີ 18/5/2019 ນາງ ກອງແພງ ຂຸນວິໄນ ຈາກ up2u fitnessesຈະລົງທຳການແຂ່ງຂັນໃນລຸ້ນ model physique ລຸ້ນຄວາມສູງບໍ່ເກີນ 160 cm.
ທ່ານ ຄໍາພະໄພວັນ ວົງໄຊ ຮັກສາການປະທານສະຫະພັນກີລາເພາະກາຍແຫ່ງຊາດລາວ ທັງເປັນຄະນະນໍາພານັກກີລາເຂົ້າຮ່ວມລາຍການດັ່ງກ່າວ ໃຫ້ສໍາພາດກ່ອນອອກເດີນທາງ ໃນວັນທີ 16 ພຶດສະພາ 2019 ຢູ່ສະໜາມ ບິນສາກົນວັດໄຕວ່າ: ສໍາລັບການເຂົ້າຮ່ວມຄັ້ງນີ້ ເພື່ອເສີມສ້າງ ແລະ ປຸກລະດົມໃຫ້ວົງການກີລາເພາະກາຍໃຫ້ມີຂະບວນການຟົດຟື້ນຍິ່ງຂຶ້ນ ເຊິ່ງໄລຍະຜ່ານມາ ພວກເຮົາກໍໄດ້ມີການແຂ່ງຂັນພາຍໃນປະເທດ ລາຍການມິດສະເຕີລາວ ປີ 2015 ປີ 2017 ປີ 2018 ແລະ ມາເຖິງປັດຈຸບັນ ຂ້າພະເຈົ້າຄິດວ່າການແຂ່ງຂັນເພາະກາຍຂອງລາວຍາກຍົກລະດັບຂຶ້ນ ຕ້ອງການພັດທະນານັກກີ ລາຮຸ່ນສືບທອດ ເພື່ອເຂົ້າໄປແຂ່ງຂັນໃນເວທີສາກົນໃຫ້ຫຼາຍຂຶ້ນ.
ໃນການເຂົ້າຮ່ວມແຂ່ງຂັນຄັ້ງນີ້ ພວກເຮົາຈະພະຍາຍາມສູ້ຊົນເຮັດໃຫ້ດີທີ່ສຸດ ແລະ ຫວັງຕິດ 1 ໃນ 4 ພ້ອທັງຫວັງຍາດເອົາຫຼຽນໃດໜຶ່ງມາສູ່ປະເທດຊາດ.
ທີ່ມາ: ໜັງສືພິມວຽງຈັນໃໝ່
Hits: 5
