ບໍ່ດົນຜ່ານມາ, ໄດ້ມີກອງປະຊຸມ ຄະນະປະສານງານປາບປາມຢາເສບຕິດຊາຍແດນລາວ-ໄທ ຄັ້ງທີ 3 ລະຫວ່າງ ເມືອງໄຊພູທອງແຂວງ ສະຫວັນນເຂດ ກັບ ຄະນະປະສານງານປາບປາມຢາເສບຕິດຊາຍແດນ ອໍາເພີດອນຕານ ຣາຊະອານາຈັກໄທ.
ເພື່ອທົບທວນການພົວພັນຮ່ວມມືປາບປາມຢາເສບຕິດຕາມແນວຊາຍແດນ, ລວມເຖິງຜົນສໍາເລັດຂອງການປະຕິບັດຄວາມຮ່ວມມືໃນການປ້ອງກັນ ແລະ ແກ້ໄຂບັນຫາຢາເສບຕິດຕາມແນວຊາຍແດນ ແລະ ການແລກປ່ຽນຂໍ້ມູນຂ່າວສານທີ່ເປັນປະໂຫຍດໃນການປ້ອງກັນ ແລະ ປາມປາມຢາເສບຕິດ.
ສອງຝ່າຍຕົກລົງຮ່ວມກັນທີ່ຈະແລກປ່ຽນຂໍ້ມູນທີ່ກ່ຽວຂ້ອງກັບຢາເສບຕິດ ລະຫວ່າງເມືອງໄຊພູທອງ ກັບອໍາເພີດອນຕານ ໂດຍຜ່ານໜ່ວຍງານປ້ອງກັນ ແລະ ປາບປາມຢາເສບຕິດ ເມືອງໄຊພູທອງ ກັບສໍານັກງານປະສານງານປາບປາມຢາເສບຕິດຊາຍແດນ ຂອງອໍາເພີດອນຕານ.
ພ້ອມນີ້, ສອງຝ່າຍຍັງໄດ້ຕົກລົງຮ່ວມກັນໃນການດໍາເນີນການປ້ອງກັນ ບັນດາເຍົາວະຊົນ, ຊາວໝຸ່ມ ແລະ ພໍ່ແມ່ປະຊາຊົນບໍ່ໃຫ້ກ່ຽວຂ້ອງກັບຢາເສບຕິດ, ສ່ວນຝ່າຍອໍາເພີດອນຕານສະເໜີໃຫ້ມີການຮ່ວມກັນລາດຕະເວນຕາມລໍາແມ່ນໍ້າຂອງທາງເຮືອເດືອນລະ 1 ຄັ້ງ ໂດຍຝ່າຍອຳເພີດອນຕານ ເປັນຜູ້ຮັບຜິດຊອບເລື່ອງການໃຊ້ຈ່າຍງົບປະ ມານ ແລະ ອື່ນໆ.
ທີ່ມາ: ສຳນັກຂ່າວສານປະເທດລາວ