ຫ້ອງວ່າການສຳນັກງານນາຍົກລັດຖະມົນຕີ ຈັດເຜີຍແຜ່ວັນວີລະກຳໂຕນຄຸກຢ່າງມະຫັດສະຈັນຂອງຜູ້ນຳພັກ ແລະ ແນວລາວສ້າງຊາດ ຄົບຮອບ 59 ປີ (24/5/1960-24/5/2019) ຂຶ້ນວັນທີ 20 ພຶດສະພາ 2019 ທີ່ສຳນັກງານນາຍົກລັດຖະມົນຕີ ປາຖະກະຖາໂດຍທ່ານ ບົວສີ ຈະເລີນສຸກ ອະດີດຫົວໜ້າຄະນະຮັບຜິດຊອບຫໍພິພິທະພັນ ໄກສອນ ພົມວິຫານ ມີທ່ານ ຖາວອນ ຈັນທະລາ ຮອງເລຂາໜ່ວຍພັກກົມຈັດຕັ້ງ ແລະ ພະນັກງານເຂົ້າຮ່ວມ.
ໂອກາດນີ້ ທ່ານ ບົວສີ ຈະເລີນສຸກ ໄດ້ຍົກໃຫ້ເຫັນສະພາບ ແລະ ການເຄື່ອນໄຫວປະຕິວັດຂອງບັນດາທ່ານຜູ້ນຳພັກ ແລະ ແນວລາວສ້າງຊາດ ໃນໄລຍະ 1957-1959 ໃນການໃຊ້ໄຫວພິກ ຍຸດທະສາດ ຍຸດໂທບາຍ ກົນລະຍຸດອັນແຫຼມຄົມ ປີຊາສາມາດ ອົງອາດກ້າແກ່ນ ນ້ຳໃຈຮັກຊາດ ຮັກປະຊາຊົນ ແລະ ນ້ຳໃຈເສຍສະຫຼະອັນສູງສົ່ງ ບໍ່ຍອມຈຳນົນເປັນຂ້ອຍຂ້າມ້າໃຊ້ກັບຊາດອື່ນ ເຊິ່ງວີລະກຳອັນລ້ຳເລີດ ມະຫັດສະຈັນຂອງບັນດາຜູ້ນຳໃນການກະກຽມໂຕນອອກຈາກຄຸກ ຕະຫຼອດໄລຍະເວລາຜ່ານໄປເກືອບ 300 ວັນ.
ຜູ້ນຳເຮົາທີ່ຢູ່ໃນຄຸກໄດ້ຂົນຂວາຍພວກສາລະວັດທະຫານ ທີ່ເຂົ້າມາເວນຍາມຄຸກໄດ້ຮັບໝາກຜົນເປັນຢ່າງດີ ການໂຕນຄຸກແບບຮວມໝູ່ຂອງບັນດາຜູ້ນຳພັກ ແລະ ແນວລາວສ້າງຊາດຄັ້ງມະຫັດສະຈັນນີ້ ແມ່ນມີຄວາມສ່ຽງສູງທີ່ສຸດບໍ່ມີຜູ້ໃດຈະຄິດວ່າຈະເປັນໄປໄດ້.
ສາເຫດການໂຕນຄຸກຢ່າງມະຫັດສະຈັນຂອງຜູ້ນຳ ໄປສູ່ເຂດທີ່ໝັ້ນການປະຕິວັດຢ່າງປອດໄພ ແມ່ນຍ້ອນການນຳພາສະຫຼາດສ່ອງໃສ ແລະ ປີຊາສາມາດຂອງປະທານ ໄກສອນ ພົມວິຫານ ແລະ ສູນກາງພັກ ການຊີ້ນຳລະອຽດຕົວຈິງ ບວກກັບນ້ຳໃຈຮັກຊາດ ອັນແຮງກ້າຂອງບັນດາຜູ້ນຳເຮົາ ທີ່ມີຄວາມກ້າຫານຕັດສິນໃຈຕໍ່ສູ້ຍອມເສຍສະຫຼະ ມີຄວາມປີຊາສາມາດໃນການຂົນຂວາຍສຶກສາອົບຮົມສາລະວັດທະຫານ ເຮັດໃຫ້ສັດຕູກາຍເປັນມິດສະຫາຍຮ່ວມຕາຍນຳກັນ ຍ້ອນຄວາມຕື່ນຕົວຮັກຊາດຂອງປະຊາຊົນທຸກຊັ້ນຄົນ ນັບທັງພະສົງອົງເຈົ້ານະຄອນຫຼວງວຽງຈັນ ແຂວງວຽງຈັນ ແລະ ທົ່ວປະເທດ.
ໂດຍປຸກລະດົມກອງໜູນກຳລັງປະຕິວັດທີ່ຫວ່ານລົງທ້ອງຖິ່ນຕ່າງໆ ມີຄວາມຕື່ນຕົວດຳເນີນການຕໍ່ສູ້ເລັ່ງທວງໃຫ້ພວກປະຕິການປ່ອຍຜູ້ນຳ ເມື່ອຜູ້ນຳໂຕນຄຸກເຂົາເຈົ້າກໍຮັກສາຄວາມລັບ ປ້ອງກັນ ແລະ ລ້ຽງດູຜູ້ນຳ ບວກກັບເງື່ອນໄຂສະພາບແວດລ້ອມທີ່ສຸກງອມ ແລະ ເອື້ອອຳນວຍເຮັດໃຫ້ເຫດການໃນຄັ້ງນັ້ນສຳເລັດຜົນ.
ທັງນີ້ ກໍເພື່ອເຮັດໃຫ້ສະມາຊິກພັກ ພະນັກງານ ກໍຄື ປະຊາຊົນບັນດາເຜົ່າໄດ້ຮັບຮູ້ ເຊື່ອມຊຶມ ແລະ ພ້ອມກັນລະນຶກວັນທີ່ມີຄວາມໝາຍ ອັນເປັນປະຫວັດສາດໃນເຫດການວັນໂຕນຄຸກຂອງບັນດາຜູ້ນຳພັກ ແລະ ແນວລາວສ້າງຊາດ ຄົບຮອບ 59 ປີ ໄດ້ຮ່ຳຮຽນເອົາມູນເຊື້ອວີລະກຳ ນ້ຳໃຈເສຍສະຫຼະ ນ້ຳໃຈຮັກຊາດອັນດູດດື່ມຂອງບັນດາທ່ານຜູ້ນຳພັກ ແລະ ແນວລາວສ້າງຊາດ ກາຍເປັນເຂັມຊີ້ທິດ ບົດຮຽນອັນລ້ຳຄ່າ ເພື່ອໝູນໃຊ້ເຂົ້າໃນວິຊາສະເພາະຂອງຕົນໃຫ້ກັບຄົນຮຸ່ນຫຼັງ.
ທີ່ມາ: ໜັງສືພິມວຽງຈັນໃໝ່
ຫ້ອງວ່າການສຳນັກງານນາຍົກລັດຖະມົນຕີ ຈັດເຜີຍແຜ່ວັນວີລະກຳໂຕນຄຸກຢ່າງມະຫັດສະຈັນຂອງຜູ້ນຳພັກ ແລະ ແນວລາວສ້າງຊາດ ຄົບຮອບ 59 ປີ (24/5/1960-24/5/2019) ຂຶ້ນວັນທີ 20 ພຶດສະພາ 2019 ທີ່ສຳນັກງານນາຍົກລັດຖະມົນຕີ ປາຖະກະຖາໂດຍທ່ານ ບົວສີ ຈະເລີນສຸກ ອະດີດຫົວໜ້າຄະນະຮັບຜິດຊອບຫໍພິພິທະພັນ ໄກສອນ ພົມວິຫານ ມີທ່ານ ຖາວອນ ຈັນທະລາ ຮອງເລຂາໜ່ວຍພັກກົມຈັດຕັ້ງ ແລະ ພະນັກງານເຂົ້າຮ່ວມ.
ໂອກາດນີ້ ທ່ານ ບົວສີ ຈະເລີນສຸກ ໄດ້ຍົກໃຫ້ເຫັນສະພາບ ແລະ ການເຄື່ອນໄຫວປະຕິວັດຂອງບັນດາທ່ານຜູ້ນຳພັກ ແລະ ແນວລາວສ້າງຊາດ ໃນໄລຍະ 1957-1959 ໃນການໃຊ້ໄຫວພິກ ຍຸດທະສາດ ຍຸດໂທບາຍ ກົນລະຍຸດອັນແຫຼມຄົມ ປີຊາສາມາດ ອົງອາດກ້າແກ່ນ ນ້ຳໃຈຮັກຊາດ ຮັກປະຊາຊົນ ແລະ ນ້ຳໃຈເສຍສະຫຼະອັນສູງສົ່ງ ບໍ່ຍອມຈຳນົນເປັນຂ້ອຍຂ້າມ້າໃຊ້ກັບຊາດອື່ນ ເຊິ່ງວີລະກຳອັນລ້ຳເລີດ ມະຫັດສະຈັນຂອງບັນດາຜູ້ນຳໃນການກະກຽມໂຕນອອກຈາກຄຸກ ຕະຫຼອດໄລຍະເວລາຜ່ານໄປເກືອບ 300 ວັນ.
ຜູ້ນຳເຮົາທີ່ຢູ່ໃນຄຸກໄດ້ຂົນຂວາຍພວກສາລະວັດທະຫານ ທີ່ເຂົ້າມາເວນຍາມຄຸກໄດ້ຮັບໝາກຜົນເປັນຢ່າງດີ ການໂຕນຄຸກແບບຮວມໝູ່ຂອງບັນດາຜູ້ນຳພັກ ແລະ ແນວລາວສ້າງຊາດຄັ້ງມະຫັດສະຈັນນີ້ ແມ່ນມີຄວາມສ່ຽງສູງທີ່ສຸດບໍ່ມີຜູ້ໃດຈະຄິດວ່າຈະເປັນໄປໄດ້.
ສາເຫດການໂຕນຄຸກຢ່າງມະຫັດສະຈັນຂອງຜູ້ນຳ ໄປສູ່ເຂດທີ່ໝັ້ນການປະຕິວັດຢ່າງປອດໄພ ແມ່ນຍ້ອນການນຳພາສະຫຼາດສ່ອງໃສ ແລະ ປີຊາສາມາດຂອງປະທານ ໄກສອນ ພົມວິຫານ ແລະ ສູນກາງພັກ ການຊີ້ນຳລະອຽດຕົວຈິງ ບວກກັບນ້ຳໃຈຮັກຊາດ ອັນແຮງກ້າຂອງບັນດາຜູ້ນຳເຮົາ ທີ່ມີຄວາມກ້າຫານຕັດສິນໃຈຕໍ່ສູ້ຍອມເສຍສະຫຼະ ມີຄວາມປີຊາສາມາດໃນການຂົນຂວາຍສຶກສາອົບຮົມສາລະວັດທະຫານ ເຮັດໃຫ້ສັດຕູກາຍເປັນມິດສະຫາຍຮ່ວມຕາຍນຳກັນ ຍ້ອນຄວາມຕື່ນຕົວຮັກຊາດຂອງປະຊາຊົນທຸກຊັ້ນຄົນ ນັບທັງພະສົງອົງເຈົ້ານະຄອນຫຼວງວຽງຈັນ ແຂວງວຽງຈັນ ແລະ ທົ່ວປະເທດ.
ໂດຍປຸກລະດົມກອງໜູນກຳລັງປະຕິວັດທີ່ຫວ່ານລົງທ້ອງຖິ່ນຕ່າງໆ ມີຄວາມຕື່ນຕົວດຳເນີນການຕໍ່ສູ້ເລັ່ງທວງໃຫ້ພວກປະຕິການປ່ອຍຜູ້ນຳ ເມື່ອຜູ້ນຳໂຕນຄຸກເຂົາເຈົ້າກໍຮັກສາຄວາມລັບ ປ້ອງກັນ ແລະ ລ້ຽງດູຜູ້ນຳ ບວກກັບເງື່ອນໄຂສະພາບແວດລ້ອມທີ່ສຸກງອມ ແລະ ເອື້ອອຳນວຍເຮັດໃຫ້ເຫດການໃນຄັ້ງນັ້ນສຳເລັດຜົນ.
ທັງນີ້ ກໍເພື່ອເຮັດໃຫ້ສະມາຊິກພັກ ພະນັກງານ ກໍຄື ປະຊາຊົນບັນດາເຜົ່າໄດ້ຮັບຮູ້ ເຊື່ອມຊຶມ ແລະ ພ້ອມກັນລະນຶກວັນທີ່ມີຄວາມໝາຍ ອັນເປັນປະຫວັດສາດໃນເຫດການວັນໂຕນຄຸກຂອງບັນດາຜູ້ນຳພັກ ແລະ ແນວລາວສ້າງຊາດ ຄົບຮອບ 59 ປີ ໄດ້ຮ່ຳຮຽນເອົາມູນເຊື້ອວີລະກຳ ນ້ຳໃຈເສຍສະຫຼະ ນ້ຳໃຈຮັກຊາດອັນດູດດື່ມຂອງບັນດາທ່ານຜູ້ນຳພັກ ແລະ ແນວລາວສ້າງຊາດ ກາຍເປັນເຂັມຊີ້ທິດ ບົດຮຽນອັນລ້ຳຄ່າ ເພື່ອໝູນໃຊ້ເຂົ້າໃນວິຊາສະເພາະຂອງຕົນໃຫ້ກັບຄົນຮຸ່ນຫຼັງ.
ທີ່ມາ: ໜັງສືພິມວຽງຈັນໃໝ່
