Thursday, July 18, 2024
Lenovo

ກອງປະຊຸມໃຫຍ່ ຄັ້ງທີ X ຂອງຜູ້ແທນຊາວໜຸ່ມເມືອງສີໂຄດຕະບອງ ຈັດຂຶ້ນຢ່າງຍິ່ງໃຫຍ່!

ຄະນະບໍລິຫານງານຊາວໜຸ່ມ ປປລ ເມືອງສີໂຄດຕະບອງ ນະຄອນຫຼວງວຽງຈັນ ຈັດກອງປະຊຸມໃຫຍ່ຄັ້ງທີ X ຂອງຕົນຂຶ້ນ ຢູ່ທີ່ສະໂມສອນເມືອງ ໂດຍເປັນປະ ທານຂອງສະຫາຍ ນາງ ສີສຸດາ ເພັງພົງສະຫວັດ ເລຂາຄະນະບໍລິຫານງານຊາວໜຸ່ມ ປປລ ເມືອງສີໂຄດຕະບອງ ມີສະຫາຍ ນາງ ພູວຽງ ແກ້ວວົງວິຈິດ ເຈົ້າເມືອງສີໂຄດຕະບອງ ສະຫາຍ ນາງ ສຸມາລີ ທໍາມະວົງ ເລຂາຄະນະບໍລິຫານງານຊາວໜຸ່ມ ນະຄອນຫຼວງວຽງຈັນ ພ້ອມດ້ວຍຜູ້ແທນຈາກຮາກຖານຊາວໜຸ່ມເມືອງ ແລະ ແຂກຖືກເຊີນເຂົ້າຮ່ວມ.

ກອງປະຊຸມຍັງໄດ້ຮັບຟັງບົດລາຍງານການເມືອງທັງສອງພາກ ຈາກສະຫາຍເລຂາຄະນະບໍລິຫານງານຊາວໜຸ່ມ ປປລ ໜຸ່ມເມືອງ ໂດຍໄດ້ຕີລາຄາຜົນສຳເລັດການຈັດຕັ້ງປະຕິບັດວຽກງານແຕ່ລະດ້ານໃນ 5 ປີ ຜ່ານມາ ຄະນະບໍລິີຫານງານຊາວໜຸ່ມ ປປລ ເມືອງ ໄດ້ເອົາໃຈໃສ່ສ້າງມະຫາຊົນຜູ້ກ້າວໜ້າເຂົ້າເປັນສະມາຊິກຊາວໜຸ່ມໄດ້ 6.915 ສະຫາຍ ຍິງ 3.515 ສະຫາຍ ແມ່ນລື່ນຄາດໝາຍ 200% ທີ່ໄດ້ກໍານົດໄວ້ໃນມະຕິ IX ຂອງກອງປະຊຸມຜູ້ແທນຊາວໜຸ່ມທົ່ວເມືອງ ຍົກຍ້າຍຊາວໜຸ່ມໄປຂຶ້ນກັບການຄຸ້ມຄອງຂັ້ນສູນກາງ ແລະ ໄປປະຈຳການບ່ອນໃໝ່ 7.388 ສະຫາຍ.

ອະນຸມັດສະມາຊິກຊາວໜຸ່ມຜູ້ທີ່ພົ້ນກະສຽນ 88 ສະຫາຍ ຂະຫຍາຍອະນຸຊົນໃໝ່ 5.536 ນ້ອງ ຍິງ 2.539 ນ້ອງເລື່ອນສະມາຊິກອະນຸຊົນຂຶ້ນເປັນສະມາຊິກເຍົາວະຊົນທັນວາ 2.135 ນ້ອງ ຍິງ 1.078 ນ້ອງ ເລື່ອນອະນຸຊົນເຍົາວະຊົນ ແລະ ຮັບມະຫາຊົນເຂົ້າເປັນສະມາຊິກເຍົາວະຊົນ 6.963 ນ້ອງ ຍິງ 2.721 ນ້ອງ ທຽບໃສ່ຄາດໝາຍ ເທົ່າກັບ 139% ຂອງແຜນການ ທົ່ວເມືອງມີເກນເຍົາວະຊົນ 7.375 ສະຫາຍ ຍິງ 3.794 ສະຫາຍ ໃນນັ້ນ ເປັນສະມາຊິກເຍົາວະຊົນທັນວາ 6.467 ນ້ອງ.

ມີເກນໄວອະນຸຊົນທັງໝົດ 3.905 ນ້ອງ ເປັນສະມາຊິກອະນຸຊົນ 1.653 ນ້ອງ ມີພະນັກງານຮັບຜິດຊອບວຽກເຍົາວະຊົນ 114 ສະຫາຍ ມີກອງເຍົາວະຊົນທັນວາໂຮງຮຽນທັງພາກລັດ ແລະ ເອກະຊົນ 60 ກອງ ເພີ່ມຂຶ້ນ 2 ກອງ ລົບລ້າງໂຮງຮຽນຂາວທົ່ວເມືອງສຳເລັດ 100%.

ນອກນັ້ນ ຍັງໄດ້ນໍາພາສະມາຊິກເຂົ້າຮ່ວມຂະບວນການຊ່ວຍເຫຼືອຜູ້ປະສົບໄພພິບັດນ້ຳຖ້ວມບ້ານໜອງດາ ແລະ ປະກອບສ່ວນຊ່ວຍເຫຼືອຜູ້ປະສົບໄພພິບັດນ້ຳຖ້ວມ ຢູ່ເມືອງສະໜາມໄຊ ແຂວງອັດຕະປື ມີອາສາສະໝັກ 352 ສະຫາຍ ແລະ ເຂົ້າຮ່ວມຂະບວນການວັນສໍາຄັນຕ່າງໆ ໄດ້ຮັບນາມມະຍົດເປັນເມືອງ 4 ບຸກ 5 ປີລຽນຕິດ ມີໜ່ວຍຊາວໜຸ່ມແຂງ 98 ໜ່ວຍ ກວມເອົາ 97% ມີກອງເຍົາວະຊົນ 3 ດີ 4 ຮູ້ ກວມເອົາ 100%.

ເຊິ່ງໄດ້ຮັບຮອງເປັນເມືອງ 4 ບຸກ 5 ປີລຽນຕິດ ແລະ ເມືອງ 3 ດີ 4 ຮູ້ ປີທີ 1 ພ້ອມທັງໄດ້ຮັບທຸງໄຊນຳໜ້າຂະບວນການ 4 ບຸກ ໃນໄລຍະ 5 ປີ ສະມາຊິກຊາວໜຸ່ມທົ່ວເມືອງ ໄດ້ປະກອບເຂົ້າໃນວຽກງານສ້າງສາພັດທະ ນານຄອນຫຼວງວຽງຈັນ ໂດຍສະເພາະເມືອງສີໂຄດຕະບອງ ຕິດພັນກັບຂະບວນການ ຂອງພັກ-ລັດ ເຊິ່ງສາມາດຍາດໄດ້ຜົນງານ ແລະ ການຍ້ອງຍໍຄື:

ຫຼຽນໄຊແຮງງານຊັ້ນ 2 ປະເພດບຸກຄົນ 162 ສະຫາຍ ຫຼຽນໄຊແຮງງານຊັ້ນ 3 ປະເພດບຸກຄົນ 310 ສະຫາຍ ຫຼຽນກາແຮງງານ 393 ສະຫາຍ ໃບຍ້ອງຍໍ-ຊົມເຊີຍຂັ້ນສູນກາງຊາວໜຸ່ມ 139 ສະຫາຍ ໃບຍ້ອງຍໍ-ຊົມເຊີຍນະຄອນຫຼວງວຽງຈັນ 10.855 ສະຫາຍ ໃບຍ້ອງຍໍ-ຊົມເຊີຍເມືອງ 7.753 ສະຫາຍ ໄດ້ຮັບໃບຢັ້ງຢືນ 4 ບຸກຈາກນະຄອນຫຼວງວຽງຈັນ 6 ໃບ ແລະ ໃບຢັ້ງຢືນ 3 ດີ 4 ຮູ້ 1 ໃບໄດ້ຮັບທຸງໄຊ 4 ບຸກ 1 ຜືນ.

ພ້ອມນີ້ ກອງປະຊຸມຍັງໄດ້ຮັບຟັງການປະກອບຄຳເຫັນຈາກຄອບຄົວຕົວແບບ ທາງດ້ານຫັດຖະກໍາລີໄຊໂຄອາດ ແລະ ຄອບຄົວຕົວແບບບໍລິການດີ ທາງດ້ານຄລີນິກປົວແຂ້ວ ຂອງສະມາຊິກຊາວໜຸ່ມ ພ້ອມດຽວກັນນັ້ນຍັງປ່ອນບັດເລືອກຕັ້ງຄະນະບໍລິຫານງານຊາວໜຸ່ມເມືອງຊຸດໃໝ່ ເຊິ່ງມີຜູ້ລົງສະໝັກ 29 ສະຫາຍ ເລືອກເອົາ 25 ສະຫາຍ ໂດຍເລືອກເອົາສະຫາຍ ນາງ ສີສຸດາ ເພັງພົງສະຫວັດ ເປັນເລຂາ ສະຫາຍ ຈິດຕະນະ ຂຸນສີ ເປັນຮອງເລຂາ ທັງເປັນປະທານກວດກາ ແລະ ສະຫາຍ ດາວອນ ວົງສາມະນີ ຮອງເລຂາ ອີກສະໃໝໜຶ່ງ ເພື່ອສຶບຕໍ່ຊີ້ນຳ-ນຳພາວຽກງານຊາວໜຸ່ມທົ່ວເມືອງສີໂຄດຕະບອງ ໃຫ້ມີໂສມໜ້າໃໝ່.

ທີ່ມາ: ຄະນະຊາວໜຸ່ມ ນະຄອນຫຼວງວຽງຈັນ Vientiane Capital Youth Union

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.