Tuesday, July 23, 2024
Lenovo

ວິທີການລ້ຽງລູກໃຫ້ສະຫຼຽວສະຫຼາດ!

1.ສອນ​ລູກ​ໃຫ້​ຮູ້​ເຮັດ​ວຽກ​ເຮືອນ: ການ​ສອນ​ໃຫ້​ລູກ​ເຮັດ​ວຽກ​ເຮືອນ​ເປັນ​ການ​ຝຶກ​​ໃຫ້​ເດັກນ້ອຍ​ມີ​ຄວາມ​ຮັບ ຜິດຊອບ,ຮູ້ຈັກໜ້າທີ່​ຕັ້ງ​ແຕ່​ນ້ອຍ ​ເຊິ່ງຈະ​ເຮັດ​ໃຫ້​​ໃຫຍ່​ຢ່າງ​ມີ​ຄຸນນະ​ພາບ ​ແລະ ​ສາມາດ​ເຮັດ​ວຽກຮ່ວມ​ກັບ​ຄົນ​ອື່ນ​​ໄດ້ ພ້ອມ​ທັງ​ເຮັດ​ວຽກທີ່​ໄດ້​ຮັບ​ມອບໝາຍ​ໄດ້​ໂດຍ​ໂຕ​ເອງ.

2.ໃຊ້​ເວລາ​ຢູ່​ຮ່ວມ​ກັນ​ໃນ​ຄອບຄົວ: ບາງ​ຄອບຄົວ ​ພໍ່​ແມ່ມັກ​ຜິດ​ກັນ,ປະ​ກັນ ຫລື ​ເຮັດ​ວຽກຫລາຍ ​ຈົນບໍ່ມີ​ເວລາ​ໃຫ້​ລູກ ຈະສົ່ງ​ຜົນ​ຕໍ່ສະພາບ​ຈິດ​ໃຈ​​​ ແລະ ພັດທະນາ​ການ​ຂອງ​ລູກ.ດັ່ງ​ນັ້ນ ພໍ່ແມ່​ຄວນ​ຫາ​ເວລາ​​ເຮັດ​ກິດຈະ​ກໍາກັບ​ລູກ​ໃຫ້​ຫລາຍໆ​​ເພື່ອ​ຝຶກ​ທັກ​ສະການ​ຮຽນຮູ້ ​ແຕ່​ນ້ອຍ​ຈົນ​ໃຫຍ່.

3.ສ​ອນ​ເລກ​ແຕ່​ຍັງ​ນ້ອຍ: ສໍາລັບຄອບ​ຄົວ​ໃດທີ່​ສອນ​ເລກ​ໃຫ້​ລູກ​​ແຕ່​ຍັງ​ນ້ອຍຈະ​ເຮັດ​ໃຫ້​ເດັກນ້ອຍ​ຮັບຮູ້​ເລື່ອງ​ອື່ນໆ​ໄດ້​​ໄວ​ຂຶ້ນ ​ແລະ ສົ່ງ​ຜົນ​ດີ​ຕໍ່ລູກ​ໃນ​ການ​ສຶກສາ​ຮໍ່າຮຽນອີກ​ດ້ວຍ.

4.ບໍ່ສະ​ແດງ​ພຶ​ດຕິ​ກໍາ​ບໍ່ດີ​ຕໍ່ໜ້າລູກ:​​ ແນ່ນອນ​ວ່າ​ໃນ​ຊີວິດ​ປະ​ຈໍາ​ວັນ​ຂອງ​ທ່ານ​ອາດ​ມີ​ເລື່ອ​ງ​ຫຍຸ້ງເຫຍີງບໍ່ວ່າ​ຈະ​ເ​ປັນ​ວຽກງານ,ການ​ເງິນ ຫລື ອື່ນໆກໍ​ຕາມບໍ່ຄວນ​ມາສະ​ແດງ​ອາລົມ​ທີ່​ບໍ່ດີຕໍ່ໜ້າລູກໂດຍ​ສະ​ເພາະເດັກນ້ອຍ​ແຕ່​ເກີດ​ໃໝ່ຈົນ​ຮອດ 11 ​ເດືອນ ​​ເພາະ​ໄລ​ຍະ​ນີ້​​ມີ​ຄວາມ​ສໍາຄັນ​ຕໍ່ການ​ຮຽນຮູ້​ຂອງ​ເດັກນ້ອຍ.

5.ທ້ອນ​ເງິນ​ເພື່ອ​ລູກ​ແຕ່​ຍັງ​ນ້ອຍ: ຕົ້ນ​ທຶນ​ຂອງລູກບໍ່​ເທົ່າ​ທຽມກັນ ສະ​ນັ້ນ​ຕ້ອງ​​ທ້ອນ​ໃຫ້​ລູກ​​ແຕ່​ຍັງ​ນ້ອຍ ​ເພື່ອ​ເປັນ​ທຶນ​ການ​ສຶກສາ​ໃຫ້​ໄດ້​ຮຽນດີໆກໍ​ເທົ່າ​ກັບ​ວ່າ​ຊ່ວຍ​​ລູກ​ໃຫ້​ປະສົບ​ຜົນ​ສໍາ​ເລັດ​​​ລະດັບໜຶ່ງ​ແລ້ວ.

ແຫຼ່ງຂໍ້ມູນ: ສຳນັກຂ່າວສານປະເທດລາວ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.