Tuesday, July 23, 2024
Lenovo

ເມືອງນາຊາຍທອງ ເປີດສັບປະດາປ່ອຍປາຫາງນົກຍຸງ ເພື່ອກິນໜອນນ້ຳ

ຫ້ອງ­ການ​ສາ­ທາ­ລະ­ນະ​ສຸກ ເມືອງ​ນາ​ຊາຍ​ທອງ ນະ­ຄອນ­ຫຼວງ​ວຽງ​ຈັນ ສົມ­ທົບ​ກັບ​ຫ້ອງ­ການ​ກ່ຽວ­ຂ້ອງ ແລະ ອຳ­ນາດ​ການ​ປົກ­ຄອງ​ບ້ານ​ນາ​ຊັບ ໄຂ​ສັບ­ປະ­ດາ​ປ່ອຍ​ປາ​ຫາງ​ນົກ​ຍຸງ ຂຶ້ນ​ວັນ​ທີ 6 ມິ­ຖຸ­ນາ 2019 ຢູ່​ວັດ​ບ້ານ​ນາ​ຊັບ ໂດຍ​ມີ​ທ່ານ ຄຳ​ພັນ ຂັນ​ທິ​ລາດ ຮອງ​ຫົວ­ໜ້າ​ຫ້ອງ­ການ​ສາ­ທາ­ລະ­ນະ​ສຸກ​ເມືອງ​ນາ​ຊາຍ​ທອງ ມີ​ຕາງ­ໜ້າ​ບັນ­ດາ​ຫ້ອງ­ການ​ອ້ອມ​ຂ້າງ ອຳ­ນາດ​ການ​ປົກ­ຄອງ 54 ບ້ານ ເຂົ້າ​ຮ່ວມ.

ທ່ານ ຄຳ​ພັນ ຂັນ​ທິ​ລາດ ໃຫ້​ສຳ­ພາດ​ວ່າ: ສັບ­ປະ­ດາ​ປ່ອຍ​ປາ​ຫາງ​ນົກ​ຍຸງ ໄດ້​ຈັດ​ຂຶ້ນ​ທຸກ​ປີ ເພື່ອ​ແນ­ໃສ່​ຈັດ​ຕັ້ງ​ປະ­ຕິ­ບັດ​ວຽກ​ງານ 5ປ ໂດຍ​ສະ­ເພາະ ປ ທີ 3 (ປ່ອຍ​ປາ​ຫາງ​ນົກ​ຍຸງ ເພື່ອ​ກິນ​ໜອນ​ນ້ຳ) ພ້ອມ​ນີ້ ຍັງ​ໄດ້​ເອົາ­ໃຈ­ໃສ່​ໂຄ­ສະ­ນາ​ສຸ​ຂະ​ສຶກ​ສາ​ໃຫ້​ປະ­ຊາ­ຊົນ​ເປັນ​ເຈົ້າ​ການ ໃນ​ການ​ປະ­ກອບ­ສ່ວນ​ຈັດ​ຕັ້ງ​ປະ­ຕິ­ບັດ​ວຽກ​ງານ 5ປ ເພື່ອ​ເຮັດ​ໃຫ້​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ປ້ອງ​ກັນ ແລະ ຄວບ​ຄຸມ​ໄຂ້­ຍຸງ​ລາຍ ມີ​ປະ​ສິດ­ທິ​ຜົນ​ຍິ່ງ​ຂຶ້ນ.

ການ​ເລືອກ​ເອົາ​ບ້ານ​ນາ​ຊັບ ຈັດ​ກິດ­ຈະ­ກຳ​ຄັ້ງ​ນີ້ ເນື່ອງ​ຈາກ​ບ້ານ​ດັ່ງ­ກ່າວ ມີ​ການ​ລະ­ບາດ​ຂອງ​ພະ­ຍາດ​ໄຂ້­ຍຸງ​ລາຍ​ຫຼາຍ​ກວ່າ​ໝູ່​ໃນ​ກຸ່ມ​ນ້ຳ­ກ້ຽງ ເຊິ່ງ​ມີ​ຜູ້​ຕິດ­ເຊື້ອ 21 ຄົນ ປັດ­ຈຸ­ບັນ​ເມືອງ​ນາ​ຊາຍ​ທອງ ມີ​ຜູ້​ຕິດ­ເຊື້ອ​ໄຂ້­ຍຸງ​ລາຍ 89 ກໍ­ລະ­ນີ ໃນ​ນີ້ ໄດ້​ຮັບ​ແຈ້ງ​ຈາກ​ໂຮງ­ໝໍ​ໃຫຍ່ 48 ກໍ­ລະ­ນີ ແລະ ເສຍ​ຊີ­ວິດ 1 ກໍ­ລະ­ນີ.

ສຳ­ລັບ​ສັບ­ປະ­ດາ​ປ່ອຍ​ປາ​ຫາງ​ນົກ​ຍຸງ ປະ­ກອບ​ມີ​ການ­ແຈກ­ຢາຍ​ປາ​ຫາງ​ນົກ​ຍຸງ ເພື່ອ​ນຳ­ໄປ​ປ່ອຍ​ຕາມ​ແຕ່​ລະ​ບ້ານ ແຕ່​ລະ​ຄອບ­ຄົວ ພ້ອມ​ນີ້ ຍັງ​ມີ​ການ​ໂຄ­ສະ­ນາ​ສຸ​ຂະ​ສຶກ​ສາ ເພື່ອ​ປຸກ­ລະ­ດົມ​ບັນ­ດາ​ຊັ້ນ​ຄົນ​ໃນ​ສັງ­ຄົມ ເປັນ​ເຈົ້າ​ການ​ໃນ​ການ​ປ້ອງ​ກັນ ແລະ ຄວບ​ຄຸມ​ໄຂ້­ຍຸງ​ລາຍ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.