ນາຍົກບອກ ສວນກ້ວຍລາວຕ້ອງປອດສານພິດ ຫາກພົບຢາປາບສັດຕູພືດຕ້ອງຫ້າມ ໃຫ້ຈັບທັນທີ

ພະນະທ່ານ ທອງລຸນ ສີສຸລິດ

ນາຍົກສະແດງຄວາມເປັນຫ່ວງກ່ຽວກັບສານເຄມີຈາກການປູກພືດກະສິກຳບາງຊະນິດໃນລາວອັນຈະສົ່ງຜົນເຮັດໃຫ້ດິນສົດໆທີ່ອຸດົມໄປດ້ວຍຝຸ່ນທຳມະຊາດຈະເຕັມໄປດ້ວຍສານເຄມີໂດຍສະເພາະການປູກກ້ວຍຊຶ່ງໃນຜ່ານມາທ່ານນາຍົກກໍໄດ້ຮັບຮູ້ເຖິງຄວາມອັນຕະລາຍທັງນີ້ໄດ້ເນັ້ນໃຫ້ພາກສ່ວນກ່ຽວຂ້ອງເຂັ້ມງວດກວດກາຫາກພົບເຫັນຢາປາບສັດຕູພືດທີ່ຕ້ອງຫ້າມມີການນຳເຂົ້າແມ່ນໃຫ້ຈັບທັນທີເພື່ອສືບຫາຜູ້ຢູ່ເບື້ອງຫຼັງກໍຄືຜູ້ອະນຸຍາດ ແລະສົມຮູ້ຮ່ວມຄິດມາດຳເນີນຄະດີຕາມລະບຽບກົດໝາຍ.

ໃນກອງປະຊຸມສະພາວາລະຊີ້ແຈງຂອງລັດຖະບານເມື່ອວັນສຸກຜ່ານມາທ່ານສະມາຊິກສະພາແຫ່ງຊາດຈາກເຂດເລືອກຕັ້ງແຂວງຊຽງຂວາງໄດ້ຕັ້ງຄຳຖາມ ທ່ານ ທອງລຸນ ສີສຸລິດ ນາຍົກລັດຖະມົນຕີວ່າ: ປະຈຸບັນລັດສົ່ງເສີມການຜະລິດພືດກະສິກຳປອດສານພິດແຕ່ໃນເດືອນເມສາຜ່ານມາຢູ່ຊຽງຂວາງກວດພົບ ການນຳເຂົ້າສານເຄມີ

ທີ່ຕ້ອງຫ້າມ 180 ໂຕນໃນລົດ 9 ຄັນ ແລະກໍໄດ້ຕິດຕາມກວດກາໂດຍແມ່ນທາງກົມຢູ່ກະຊວງກະສິກຳ ແລະປ່າໄມ້ເປັນຜູ້ອະນຸມັດວ່າມີຄວາມຈຳເປັນນຳ ເຂົ້າມາ ແຕ່ຖາມການນຳຢູ່ກະຊວງພັດວ່າບໍ່ຮູ້ເລື່ອງນຳໂດຍບອກວ່າຜ່ານດ່ານລາວບາວງ່າຍແຕ່ຢູ່ຊຽງຂວາງຍາກອັນນີ້ລັດຖະບານຈະມີມາດຕະການແກ້ໄຂ ເດັດຂາດຄືແນວໃດ?

ຕໍ່ກັບບັນຫາດັ່ງກ່າວທ່ານ ທອງລຸນ ສີສຸລິດ ຕອບວ່າ: ສານເຄມີທີ່ຕ້ອງຫ້າມຫາກມີການພົບເຫັນນຳເຂົ້າມາຜິດກົດໝາຍແມ່ນໃຫ້ຈັບໂລດຜິດແລ້ວມາຂໍອະນຸຍາດໃຫ້ເປັນຖືກແມ່ນບໍ່ໄດ້ເດັດຂາດ ເພາະຈະເປັນພິດໄພໃຫ້ແກ່ສີ່ງແວດລ້ອມກົດໝາຍກໍໄດ້ກຳນົດຈະແຈ້ງຢາທີ່ໃຫ້ນຳເຂົ້າ ແລະຫ້າມນຳເຂົ້າພ້ອມເນັ້ນໃຫ້ພວກສ່ວນກ່ຽວຂ້ອງຈັດຕັ້ງປະຕິບັດເຂັ້ມງວດທັງນີ້ຈັບກໍບໍ່ໝາຍຄວາມວ່າໄປຈັບຄົນເຂົ້າຄຸກໂລດແຕ່ໄປຈັບເອົາສິນຄ້າ ແລະໄປສືບຫາວ່າໃຜອະນຸຍາດໃຜມີສ່ວນຮ່ວມສົມຮູ່ຮ່ວມຄິດແລ້ວຈື່ງເວົ້າຕາມຂະບວນການກົດໝາຍ ແລະລະບຽບການບໍ່ຄວນເຮັດແບບບໍ່ມີຂື່ບໍ່ມີແປອີກຕໍ່ໄປເພາະເປັນການທຳລາຍສຸຂະພາບປະຊາຊົນລາວເຮົາແທ້ໆໃນໄລຍະຍາວ.

ສ່ວນຕໍ່ກັບບັນຫາກ້ວຍທ່ານ ທອງລຸນ ສີສຸລິດ ກ່າວວ່າ: ຄົນລາວກໍຢາກກິນກ້ວຍທີ່ປູກໃນປະຈຸບັນແຕ່ຜ່ານມາພວກເຮົາກໍເຫັນຄວາມອັນຕະລາຍຂອງສານເຄມີ ແລະເຮົາຈະຫັນການປູກກ້ວຍມາເປັນກະສິກຳສະອາດໄດ້ ຫຼື ບໍຄົນລາວເຮົາກໍມີມູນເຊື້ອໃນການປູກກ້ວຍແຕ່ຕ້ອງປູກກ້ວຍຫຼືປູກພືດຊະນິດອື່ນໆທີ່ປອດສານພິດ ແລະມີຕະຫຼາດຮອງຮັບສະນັ້ນກະຊວງກະສິກຳ ແລະ ປ່າໄມ້, ກະຊວງອຸດສະຫະກຳ ແລະ ການຄ້າ ແລະ ພາກສ່ວນກ່ຽວຂ້ອງຕ້ອງເຂັ້ມງວດໃນການຫ້າມນຳເຂົ້າຝຸ່ນເຄມີທີ່ຮ້າຍແຮງ ຢາຂ້າຫຍ້າຫ້າມນຳເຂົ້າແລ້ວແຕ່ຍັງພົບເຫັນນຳເຂົ້າອີກ ແລະມີການນຳເຂົ້າມາຕິກໆບັນຫານີ້ທ້ອງຖີ່ນ, ສະມາຊິກສະພາທ້ອງ ຖີ່ນ ຕ້ອງເຂັ້ມໃນການກວດກາຜູ້ໃດລະເມີດ ຕ້ອງມີມາດຕະການໂທດຢ່າງເດັດ ຂາດອີກບໍ່ດົນດິນຂອງພວກເຮົາທີ່ອຸດົມສົມບູນດ້ວຍຝຸ່ນທຳມະຊາດຍັງເປັນດິນສົດໆ ຈະກາຍເຕັມໄປດ້ວຍດິນເຄມີ ຖ້າພວກເຮົາບໍ່ເອົາໃຈໃສ່ກວດກັນແທ້ໆ ສະນັ້ນຈື່ງຮຽກຮ້ອງທຸກພາກສ່ວນຮ່ວມກັນແກ້ໄຂ.

ອີງຕາມຂໍ້ມູນຈາກກະຊວງກະສິກຳ ແລະປ່າໄມ້ໃຫ້ຮູ້ວ່າ: ປະຈຸບັນສວນກ້ວຍຫອມໃນລາວມີເນື້ອທີ່ທັງໝົດປະມານ 15 ພັນເຮັດຕາ ໃນນັ້ນສ່ວນໃຫຍ່ເປັນຂອງນັກລົງທຶນຈາກ ສປ ຈີນ ຊຶ່ງໃນຊຸມປີຜ່ານມາລັດຖະບານກໍໄດ້ມີການກວດພົບບາງບໍລິສັດປູກກ້ວຍນຳໃຊ້ຢາປາບສັດຕູພືດທີ່ຕ້ອງຫ້າມຂອງທັງ 2 ປະ ເທດເຂົ້າໃນການຜະລິດຄື ຈີນ 42 ຊະນິດ ແລະລາວ 55 ຊະະນິດແມ່ນຫ້າມນຳໃຊ້ເຂົ້າການຜະລິດກ້ວຍ ແລະຕ້ອງທຳລາຍຖີ້ມ.

ແນວໃດກໍດີເພື່ອເປັນການຕັດໄຟແຕ່ຕົ້ນລົມໃຫ້ພໍ່ແມ່ປະຊາຊົນລາວຫ່າງໄກຈາກສານເຄມີຂອງສວນກ້ວຍນອກເໜືອຈາກຫ້າມນຳເຂົ້າຢາປາບສັດຕູພືດທີ່ມີຜົນ ຮ້າຍແຮງມານຳໃຊ້ພາຍໃນປະເທດແລ້ວ ລັດກໍຄວນໄລ່ລຽງເບີ່ງຄັກໆຄືນວ່າ ລາຍຮັບທີ່ໄດ້ຈາກການສົ່ງອອກຈຳນວນເງິນມະຫາສານກັບພິດໄພຂອງເຄມີຕົກຄ້າງທີ່ອາດຈະມີຜົນຄຸກຄາມຕໍ່ສຸຂະພາບ ແລະຊີວິດຂອງປະຊາຊົນລາວເຮົາໄປອີກຫຼາຍ 10 ປີ ວ່າມັນຄຸ້ມຄ່າກັນແລ້ວ ຫຼືບໍ່ຈະໄປຕໍ່ຫຼືພໍເທົ່ານີ້ສຳລັບເນື້ອທີ່ສວນກ້ວຍ ແລະກໍຕ້ອງຈັດຕັ້ງປະຕິບັດຢ່າງເອົາຈິງ ເອົາຈັງ ບໍ່ໃຫ້ເໝືອນກັບຢູ່ນະຄອນ ຫຼວງວຽງຈັນ ທີ່ມີການຫ້າມລັກລອບປູກກ້ວຍໃໝ່ແຕ່ປະຈຸບັນນັກລົງທຶນບາງລາຍໂດຍສະເພາະຢູ່ເຂດນາໜາດແສນດິນ ເມືອງນາຊາທອງ ແມ່ນໄດ້ລົງເບ້ຍກ້ວຍສຳ ເລັດໝົດແລ້ວໂດຍໄຮ້ການລົງຫ້າມຈາກໜ່ວຍງານພາກລັດ.

ແຫຼ່ງຂໍ້ມູນ: ໜັງສືພິມເສດຖະກິດ-ສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ເອັສຊີຈີ ສານຕໍ່ ໂຄງການ “SCG Sharing the Dream 2026”

ມອບທຶນການສຶກສາແກ່ເຍົາວະຊົນ ໃນ ສປປ ລາວ ຕໍ່ເນື່ອງເປັນປີທີ 15 ສ້າງຄົນລຸ້ນໃໝ່ "Green Active Generation" ພັດທະນາປະເທດໃຫ້ຍືນຍົງ 5 ພະຈິກ 2026 - ນະຄອນຫຼວງວຽງຈັນ ສປປ ລາວ: ກະຊວງສຶກສາທິການ ແລະ ກິລາ ສປປ ລາວ ຮ່ວມກັບ ເອັສຊີຈີ...

ຊຳຊຸງ ເປີດໂຕ 3 ຮຸ່ນໃໝ່ ຕ້ອນຮັບທ້າຍປີ ເນັ້ນປະສິດທິພາບດີ ໃນລາຄາທີ່ເຂົ້າເຖິງໄດ້

ຊຳຊຸງວາງຈຳໜ່າຍ Galaxy A18, Galaxy A08 ແລະ Galaxy A07s ແລ້ວໃນ ສປປ ລາວ ຍົກຈຸດເດັ່ນດ້ານປະສິດທິພາບ ດ້ວຍຊິບເຊັດລຸ້ນໃໝ່ MediaTek Helio G99+ ແລະ RAM Plus ທີ່ຊ່ວຍເພີ່ມຄວາມໄວໃນການ ຮັບ-ສົ່ງ ຂໍ້ມູນ ຫຼຸດອາການໜ່ວງ ເປີດແອັບພລິເຄຊັນໄດ້ໄວ,...

ປະຫວັດຄວາມເປັນມາຂອງ “ບຸນຊ່ວງເຮືອ” ປະເພນີລາວ.

ບຸນຊ່ວງເຮືອ ແມ່ນບຸນປະເພນີ ທີ່ໄດ້ປະຕິບັດສືບທອດກັນມາ ແຕ່ບູຮານນະການຈົນເຖິງທຸກວັນນີ້ ແລະ ເປັນກິດຈະກຳແຂ່ງຂັນກັນທາງນໍ້າທີ່ສອດຄ່ອງກັບວິຖີຊີວິດ, ຄວາມເປັນຢູ່ຂອງຄົນລາວ ແລະ ມັກມີການແຂ່ງຂັນເຮືອຄວບຄູ່ໄປກັບການເຮັດບຸນຊ່ວຍສ້າງບັນຍາກາດ ເຮັດໃຫ້ພາຍໃນງານບຸນມີຄວາມຄຶກຄື້ນມ່ວນຊື່ນຍິ່ງຂຶ້ນ.