Monday, May 19, 2025
Kbank Laos โอน รับ จ่าย

ສ ເກົາຫຼີ ປະກອບສ່ວນພັດທະນາດ້ານການແພດແກ່ ສປປ.ລາວ

ພາບປະກອບ

ມູນ​ນິ­ທິ​ສາ­ທາ­ລະ­ນະ​ສຸກ​ສາ­ກົນ ສ ເກົາ­ຫຼີ (KOFIH) ຈັດ​ງານ​ພົບ​ປະ​ສ້າງ­ສັນ​ກັບ​ບັນ­ດາ​ສຳ​ມະ​ນາ​ກອນ​ລາວ ທີ່​ສຳ­ເລັດ​ການ​ເຝິກ­ອົບ­ຮົມ​ຢູ່ ສ ເກົາ­ຫຼີ ຫົວ­ຂໍ້ “ການ​ພົບ​ປະ​ສ້າງ­ສັນ​ໂກ​ຟີ​ລາວ (KOFIH Global Alumni)” ຂຶ້ນ​ຢູ່​ໂຮງ­ແຮມ​ຄຣາວ​ພຣາ​ຊາ ໂດຍ​ມີ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ທ່ານ ເຈ​ວອນ​ອິ່ນ ເລ­ຂາ­ທິ­ການ​ອົງ ການ KOFIH ພ້ອມ​ດ້ວຍ​ທ່ານ​ເອກ​ອັກ​ຄະ​ລັດ​ຖະ​ທູດ ສ ເກົາ­ຫຼີ ປະ­ຈຳ ສປປ ລາວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ໂຄງ­ການ Lee Jong-wook fellowship ເປັນ​ອົງ­ການ​ທຳ​ອິດ​ຂອງ ສ ເກົາ­ຫຼີ ທີ່​ໄດ້​ປະ­ກອບ­ສ່ວນ​ໃນ​ອົງ​ການ­ຈັດ­ຕັ້ງ​ສາ­ກົນ ເຊິ່ງ​ສ້າງ­ຕັ້ງ​ຂຶ້ນ​ໂດຍ​ທ່ານ Lee Jong-wook ອະ­ດີດ​ປະ­ທານ​ອົງ­ການ​ອະ­ນາ­ໄມ​ໂລກ ໂດຍ​ເນັ້ນ​ໃສ່​ການ​ສ້າງ​ບຸ​ຄະ­ລາ​ກອນ​ດ້ານ​ການ​ແພດ​ແກ່​ປະ­ເທດ​ຕ່າງໆ ເຝິກ­ອົບ­ຮົມ​ບຸ​ຄະ­ລາ​ກອນ​ສຳ­ລັບ​ບັນ­ດາ​ປະ­ເທດ​ທີ່​ກຳ­ລັງ​ພັດ­ທະ­ນາ​ທົ່ວ​ໂລກ.

ພາບປະກອບ

ທີ່​ຈັດ​ຂຶ້ນ​ໂດຍ KOFIH ກໍ​ແມ່ນ​ພາກ­ສ່ວນ​ໜຶ່ງ​ຂອງ​ໂຄງ­ການ Lee Jong-wook KOFIH ໄດ້​ເລີ່ມ​ດຳ­ເນີນ​ໂຄງ­ການ​ນີ້​ແຕ່​ປີ 2007 ເປັນ­ຕົ້ນ​ມາ ຮອດ​ປີ 2018 ໄດ້​ຊ່ວຍ­ເຫຼືອ​ສ້າງ​ບຸ​ຄະ­ລາ​ກອນ​ດ້ານ​ການ​ແພດ ໂດຍ​ການ​ເຊີນ​ເອົາ​ແພດ​ໝໍ ພະ­ຍາ­ບານ ຜູ້​ບໍ­ລິ­ຫານ​ວຽກ​ງານ​ສາ­ທາ­ລະ­ນະ​ສຸກ ວິ­ສະ­ວະ­ກອນ​ດ້ານ​ແພດ­ສາດ 840 ຄົນ ຈາກ 29 ປະ­ເທດ​ທົ່ວ​ໂລກ ມາ​ເຝິກ­ອົບ­ຮົມ​ໄລ­ຍະ 2-12 ເດືອນ ຢູ່ ສ ເກົາ­ຫຼີ ເພື່ອ​ຍົກ​ລະ­ດັບ​ຄວາມ​ຮູ້​ໃຫ້​ສູງ​ຂຶ້ນ.

ມາ​ຮອດ​ປີ 2018 ມີ​ສຳ​ມະ​ນາ​ກອນ​ລາວ ທີ່​ສຳ­ເລັດ​ຫຼັກ­ສູດ​ການ​ອົບ­ຮົມ 188 ຄົນ ໃນ​ນີ້ ຜູ້​ສຳ­ເລັດ​ຫຼັກ­ສູດ​ການ​ເບິ່ງ­ແຍງ​ຄົນ​ເຈັບ 116 ຄົນ ຫຼັກ­ສູດ​ນະ­ໂຍ­ບາຍ​ດ້ານ​ສຸ­ຂະ­ພາບ 11 ຄົນ ຫຼັກ­ສູດ​ຄົ້ນ­ຄວ້າ​ພະ­ຍາດ 6 ຄົນ ຫຼັກ­ສູດ​ວິ­ສະ­ວະ­ກອນ​ການ​ແພດ 22 ຄົນ ເປັນ​ປະ­ເທດ​ທີ່​ໄດ້​ຮັບ​ການ​ຊ່ວຍ­ເຫຼືອ​ຫຼາຍ​ກວ່າ​ໝູ່​ໃນ 10 ປະ­ເທດ ທີ່​ໄດ້​ຮັບ​ການ​ຊ່ວຍ­ເຫຼືອ​ຈາກ ສ ເກົາ­ຫຼີ.

ພາບປະກອບ

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ພຣະທາດແມວສີ ເມືອງລອງ ແຂວງຫຼວງນ້ຳທາ

"ພະທາດແມວສີ" ທີ່ຕັ້ງຢູ່ບ້ານສະ, ເມືອງ ລອງ, ແຂວງຫຼວງນໍ້າທາ ຢູ່ຈອມພູສູງ ຫ່າງຈາກລະດັບນໍ້າທະເລ 1,000 ກວ່າແມັດ, ທິດເໜືອ ຕິດກັບປ່າໄມ້ ທິດໃຕ້ຕິດກັບ ທາງໄປບ້ານສະ, ທິດຕາເວັນອອກຕິດກັບປ່າໄມ້ ທິດຕາເວັນຕົກຕິດກັບ ແມ່ນໍ້າຂອງເຊິ່ງເປັນຊາຍແດນຂັ້ນລະຫວ່າງ ລາວ-ມຽນມາ

ວັດສຸວັນນະຄີລີ ນະຄອນຫຼວງພະບາງ

"ວັດສຸວັນນະຄີລີ" ທີ່ຕັ້ງຢູ່ ບ້ານຊຽງທອງ-ຄີລີ ຖະໜົນສັກກະລິນ, ຕິດກັບວັດປາກຄານ ຄໍາມຸງຄຸນ, ເປັນອີກວັດທີ່ຊາວໄທພວນ ຈາກຊຽງຂວາງ ເປັນຜູ້ສ້າງຂຶ້ນ ເພື່ອເປັນອະນຸສອນແກ່ກອງທັບຊາວພວນ ທີ່ສູ້ຮົບ ກັບກອງທັບຂອງພະມ້າ.

ວິທີລົງທະບຽນແຈ້ງເຂົ້າປະເທດໄທຜ່ານ DTAC ເຮັດໄດ້ງ່າຍໆ ດ້ວຍຕົວເອງຜ່ານມືຖື

ພາຍຫຼັງທີ່ໄດ້ມີການແຈ້ງການໃຫ້ຮູ້ກ່ຽວກັບການເດີນທາງເຂົ້າປະເທດໄທ ຕ້ອງໄດ້ລົງທະບຽນຜ່ານ TDAC ລ່ວງໜ້າກ່ອນ ບໍ່ເກີນ 3 ມື້, ຕັ້ງແຕ່ວັນທີ 1 ພຶດສະພາ 2025 ເປັນຕົ້ນມາ, ຫຼາຍຄົນອາດຈະຍັງບໍ່ທັນຮູ້ວິທີລົງທະບຽນເທື່ອ ມື້ນີ້ ອິນໄຊລາວ ຈະມາບອກວິທີລົງທະບຽນໃຫ້ຮູ້ຢ່າງລະອຽດ ພ້ອມລິ້ງລົງທະບຽນ ດັ່ງນີ້