ຈາກເຫດການເກີດພະຍາດໄຂ້ເລືອດອອກ ທີ່ກໍາລັງເກີດຂຶ້ນໃນປັດຈຸບັນ ໄດ້ສົ່ງຜົນກະທົບໃນການຕອບສະໜອງເລືອດໃຫ້ແກ່ຄົນເຈັບໃນແຕ່ລະວັນ ສະເລ່ຍໃນແຕ່ລະວັນທີ່ສູນເລືອດແຫ່ງ ຊາດມີຄົນເຈັບຕ້ອງການນໍາໃຊ້ເລືອດສະເລ່ຍ 80-100 ຖົງຕໍ່ວັນ ຂະນະຜູ້ບໍລິຈາກແຕ່ລະວັນບໍ່ເຖິງ 20 ຄົນ.
ຕໍ່ໜ້າສະພາບການດັ່ງກ່າວ ທາງສູນເລືອດກໍ່ອອກແຮງຂົນຂວາຍຜູ້ບໍລິຈາກເລືອດຢ່າງຕໍ່ເນື່ອງ ໃນຫຼາຍຮູບແບບ ໂດຍສະເພາະໃນວັນທີ 6 ກໍລະກົດ 2019 ຈະຈັດກິດຈະກໍາຮັບບໍລິຈາກເລືອດຢູ່ໂຮງງານສີລິວັດທະນາ ແລະ ບໍລິສັດ Tkl ຄາດວ່າຈະມີຜູ້ບໍລິຈາກເລືອດ ປະມານ 400 ກວ່າຄົນ ແລະ ໃນວັນທີ 10 ກໍລະກົດ ຮັບບໍລິຈາກເລືອດຢູ່ສູນກາງແນວລາວສ່າງຊາດ ເນື່ອງໃນໂອກາດວັນຄ້າຍວັນເກີດທ່ານປະທານ ສຸພານຸວົງ ແລະ ວັນທີ 11 ກໍລະ ກົດ ຈັດຢູ່ສູນການຄ້າວຽງຈັນເຊັນເຕີ ເນື່ອງໃນໂອກາດວັນສ້າງຕັ້ງສະຫະພັນແມ່ຍິງລາວ.
ໂອກາດນີ້ ຂໍເຊີນຊວນທ່ານຜູ້ໃຈບຸນທັງຫຼາຍຈົ່ງພ້ອມກັນປະກອບສ່ວນບໍລິຈາກເລືອດ ໃນຄັ້ງນີ້ ຕາມສະຖານທີ່ຕ່າງໆ ຫຼື ຈະມາບໍລິຈາກເລືອດຢູ່ສູນເລືອດແຫ່ງຊາດໄດ້ທຸກເວລາ ເພື່ອພ້ອມກັນຜ່ານຜ່າວິກິດການຄັ້ງນີ້ ແລະ ເພື່ອກອບກູ້ເອົາຊີວິດເພື່ອນມະນຸດດ້ວຍກັນ.
ແຫຼ່ງຂໍ້ມູນ: vientianemai
Hits: 5
