ເມື່ອບໍ່ດົນມານີ້, ກອງ ກວດກາປ່າໄມ້, ພະແນກກະ ສິກໍາ ແລະ ປ່າໄມ້ ແຂວງ ໄຊ ຍະບູລີ ໄດ້ນໍາເອົາສັດປ່າທີ່ ຢຶດໄດ້ຈາກແມ່ຄ້າ ປະກອບມີ ເຕົ່າ, ແລນ ແລະ ອົ້ນ ລວມມູນ ຄ່າ 2 ລ້ານກວ່າກີບໄປປ່ອຍ ຄືນສູ່ທໍາມະຊາດເຂດອະນຸລັກຊ້າງລາວອ່າງນໍ້າຕຽນ ເມືອງ ແລະ ແຂວງໄຊຍະບູລີ, ເພື່ອ ເປັນການອະນຸລັກຮັກສາເຮັດໃຫ້ສັດທີ່ຫາຍາກດັ່ງກ່າວໄດ້ມີການແຜ່ຂະຫຍາຍພັນຕໍ່ໄປ, ໂດຍການເຂົ້າຮ່ວມຂອງທ່ານ ກອງທຽນ ວິໄລພອນ ຮອງ ຫົວໜ້າກອງກວດກາປ່າໄມ້ ແຂວງ ແລະ ທ່ານ ເດວິດຕາງ ໜ້າສູນອະນຸລັກຊ້າງລາວ ອ່າງນໍ້າຕຽນ, ພ້ອມພາກ ສ່ວນກ່ຽວຂ້ອງເຂົ້າຮ່ວມ.
ທ່ານ ຮອງຫົວໜ້າກອງ ກວດກາປ່າໄມ້ແຂວງກ່າວ ວ່າ: ທ້າຍເດືອນມິຖຸນາຜ່ານມາ ເຈົ້າໜ້າທີ່ຂອງຕົນໄດ້ສົມທົບກັບເຈົ້າໜ້າທີ່ປ່າໄມ້ເມືອງ ລົງກວດກາສະກັດກັ້ນການ ຊື້-ຂາຍສັດປ່າຢູ່ຕະຫລາດ ເທສະບານເມືອ ໄຊຍະບູລີ, ຈຶ່ງ ໄດ້ຍຶດສັດປ່າດັ່ງກ່າວ ແລະ ນໍາມາປ່ອຍຄືນສູ່ທໍາມະຊາດ. ຄັ້ງນີ້ເຊິ່ງການກະທຳດັ່ງ ກ່າວແມ່ນຜິດຕໍ່ກົດໝາຍວ່າ ດ້ວຍສັດນໍ້າ ແລະ ສັດປ່າ ສະບັບເລກທີ 07/ສພຊ, ລົງໃນວັນທີ 24 ທັນວາ 2007.
ທ່ານໃຫ້ຮູ້ຕື່ມວ່າ: ໃນ ໄລຍະຜ່ານມາເຈົ້າໜ້າທີ່ໄດ້ ຈັດຕັ້ງພະນັກງານລົງເຜີຍ ແຜ່ກົດໝາຍກ່ຽວກັບການ ຄຸ້ມຄອງສັດນໍ້າ ແລະ ສັດປ່າ ໃຫ້ປະຊາຊົນຢູ່ບັນດາເມືອງ- ບ້ານທີ່ຫລໍ່ແຫລມ ແລະ ມີ ຄວາມສ່ຽງສູງຕໍ່ການລ່າສັດ ນໍ້າ-ສັດປ່າ, ເຊິ່ງໄດ້ຕິດປ້າຍ ໂຄສະນາ ເພື່ອໃຫ້ປະຊາຊົນ ບັນດາເຜົ່າມີຄວາມເຂົ້າໃຈ, ຮັບຮູ້ຕໍ່ລະບຽບກົດໝາຍສັດ ນໍ້າ-ສັດປ່າ. ພ້ອມທັງລົງຕິດ ຕາມກວດກາ, ເກັບກໍາຂໍ້ມູນ ບຸກຄົນເປົ້າໝາຍຕ່າງໆ ເຂົ້າ ມາສຶກສາອົບຮົມ ແລະ ເຮັດ ບົດບັນທຶກເພື່ອບໍ່ໃຫ້ກັບມາ ເຄື່ອນໄຫວທີ່ຜິດຕໍ່ລະບຽບ ກົດໝາຍອີກ.
ແຫຼ່ງຂໍ້ມູນ: ໜັງສືພິມລາວພັດທະນາ