Monday, February 10, 2025

ລະວັງ! ອີກສອງເດືອນຕໍ່ໜ້າ ໄຂ້ຍຸງອາດລະບາດກວ່າເກົ່າ ທຸກພາກສ່ວນຕ້ອງປ້ອງກັນຮ່ວມກັນ!

ຈາກສະຖິຕິນັບແຕ່ທ້າຍປີ 2018 ມາຮອດເດືອນກໍລະກົດນີ້, ໃນຂອບເຂດທົ່ວປະເທດມີຜູ້ເປັນພະຍາດໄຂ້ຍຸງລາຍແລ້ວ 10,77 ພັນກໍລະນີ ແລະ ຕາຍແລ້ວ 25 ກໍ ລະນີຊຶ່ງຄາດວ່າໃນລະຫວ່າງເດືອນສິງຫາ, ກັນຍາທີ່ຈະມາເຖິງນີ້ພະຍາດດັ່ງກ່າວຍັງຈະສືບຕໍ່ເພີ່ມຫຼາຍຂຶ້ນຢູ່, ຫາກທົ່ວສັງຄົມບໍ່ເປັນເຈົ້າການຮ່ວມກັນໃນການປະຕິບັດ 5 ປໍແລະຖ້າຫາກຮູ້ວ່າເປັນໄຂ້ໃຫ້ເຂົ້າມາກວດທັນທີເພື່ອປ້ອງກັນບໍ່ໃຫ້ເຖິງຂັ້ນອັນຕະລາຍ.

ທ່ານ ຮສ ດຣ ວາລີ ແກ້ວຫຼວງໂຄດ ຫົວໜ້າພະແນກສູນຊຶມເຊື້ອພະຍາດເຂດຮ້ອນໂຮງໝໍມະໂຫສົດ, ທັງເປັນຮອງພາກວິຊາອະຍຸຣະສາດຄະນະແພດສາດໃຫ້ສຳພາດກັບສື່ມວນຊົນວັນທີ 4 ກໍລະ ກົດ 2019 ຮູ້ວ່າ:

ສະເພາະພະແນກສູນຊຶມເຊື້ອຂອງໂຮງໝໍມະໂຫສົດນັບແຕ່ກາງເດືອນພຶດສະພາເປັນຕົ້ນມາເຫັ ນວ່າຈຳນວນຕົວເລກຂອງຜູ້ເປັນພະຍາດໄຂ້ຍຸງລາຍມີທ່າອ່ຽງເພີ່ມຂຶ້ນເລື້ອຍໆໂດຍສະເພາະໃນເດືອນເມສາມີ 27 ຄົນ ແລະ ເດືອນພຶດສະພາມີ 60 ຄົນ, ແຕ່ພໍຮອດເດືອນມິຖຸນາມີເຖິງ 114 ຄົນ ທີ່ເປັນໄຂ້ຍຸງລາຍຊຶ່ງຈາກສະຖິຕິນັບແຕ່ ວັນທີ 28 ທັນວາ 2018 ມາຮອດວັນທີ 3 ກໍລະກົດ 2019 ທົ່ວປະ ເທດມີຜູ້ເປັນໄຂ້ຍຸງລາຍແລ້ວ 10,77 ພັນກໍລະນີ, ໃນນັ້ນຫຼາຍກວ່າໝູ່ແມ່ນແຂວງຈຳປາສັກມີແລ້ວ 2 ພັນກວ່າຄົນ, ຮອງມາແມ່ນນະຄອນຫຼວງວຽງຈັນ, ແຂວງສະຫວັນນະເຂດ,ສາລະວັນ ແລະຄຳມ່ວນແຂວງລະ 1 ພັນກວ່າຄົນ ແລະ ເສຍຊີວິດແລ້ວ 25 ຄົນ, ແຕ່ສະເພາະໃນພະແນກສູນຊຶມເຊື້ອໄລຍະ 6 ເດື ອນຕົ້ນປີມານີ້ພົບຜູ້ເປັນໄຂ້ເລືອດອອກແລ້ວທັງໝົດ 251 ກໍລະ ນີ, ໃນນີ້ 63% ແມ່ນໄຂ້ຍຸງທີ່ມີອາການກຽມຮ້າຍແຮງ ແລະອີກ 11% ແມ່ນໄຂ້ຍຸງທີ່ຮ້າ ຍແຮງຊຶ່ງຖ້າທຽບກັບປີຜ່ານມາຖືວ່າເພີ່ມຂຶ້ນຫຼາຍສົມຄວນຈາກທີ່ເກັບກຳໄດ້ໝົດປີມີແຕ່ 382 ກໍລະນີ.

ຄືຮູ້ແລ້ວວ່າໂຮງໝໍມະໂຫສົດກໍຄືພະແນກພວມມີການສ້າງຕຶກໃໝ່ພາຍໃຕ້ການຮ່ວມມືຂອງສອງປະເທດລາວ-ຈີນ ຜ່ານໂຄງການໜຶ່ງແລວໜຶ່ງເສັ້ນທາງ ແລະນັບແຕ່ປີ 2018 ເປັນຕົ້ນມາບາງຕຶກຂອງພະແນກໄດ້ຖືກມ້າງເຮັດໃຫ້ທົ່ວພະແນກມີຕຽງຮອງຮັບຄົນເຈັບພຽງ 12 ຕຽງ, ແຕ່ຕົກມາໃນກາງເດືອນມິຖຸນາມານີ້ເຫັນວ່າຄົນເຈັບເພີ່ມຂຶ້ນຫຼາຍສະເລ່ຍ 30 ຄົນຕໍ່ມື້, ຈຶ່ງເຮັດໃຫ້ການຮອງຮັບຂອງພະແນກບໍ່ພຽງພໍກັບຄົນເຈັບ ແລະເພື່ອເປັນການແກ້ໄຂສະເພາະໜ້າ ພະແນກໄດ້ມີການຍ້າຍຄົນເຈັບເຂດນອກໄປຮັກສາຕໍ່ຢູ່ຫ້ອງປະຊຸມ ແລະສ່ວນໜຶ່ງແມ່ນລະດົມການຊ່ວຍເຫຼືອຈາກສັງຄົມຈຶ່ງມາໄດ້ຕຽງເພີ່ມອີກ 22 ຕຽງລວມກັນເປັນ 34 ຕຽງ ແລະຄົນເຈັບທີ່ເຂົ້າມາປິ່ນປົວຢູ່ພາຍໃນພະແນກປະມານ 80-90% ແມ່ນໄຂ້ຍຸງລາຍທີ່ມາຈາກບັນດາເມືອງຕ່າງໆ ແລະຮ້າຍແຮງກວ່າໝູ່ແມ່ນຢູ່ເມືອງໄຊທານີ ຊຶ່ງນອກຈາກໂຮງໝໍມະໂຫສົດແລ້ວບັນດາໂຮງໝໍໃຫຍ່ໆຄືໂຮງໝໍ 150 ຕຽງ ແລະ ໂຮງໝໍເສດຖາຄົນເຈັບທີ່ເປັນໄຂ້ຍຸງລາຍເກືອບຈະລົ້ນແລ້ວ ແລະຫາກວ່າທຸກພາກສ່ວນໃນສັງຄົມບໍ່ຊ່ວຍກັນປະຕິບັດ 5 ປໍ ໃຫ້ເຄັ່ງຂັດ, ຄາດວ່າອີກປະມານເດືອນ 8-9 ທີ່ຈະມາເຖິງນີ້ຈຳນວນຜູ້ເປັນໄຂ້ຍຸງລາຍອາດຈະເພີ່ມຫຼາຍຂຶ້ນອີກ.

ທ່ານ ຮສ ດຣ ວາລີ ແກ້ວຫຼວງໂຄດ ໃຫ້ຮູ້ອີກວ່າ: ປະຈຸບັນພະຍາດໄຂ້ຍຸງລາຍພວມມີການລະບາດຫຼາຍໃນທຸກແຂວງທົ່ວປະເທດ ແລະສະເພາະໃນພະແນກສູນຊຶມເຊື້ອແມ່ນໄດ້ເອົາໃຈໃສ່ຕິດຕາມເຝົ້າລະວັງຢ່າງໃກ້ສິດກັບຄົນໄຂ້ທີ່ເປັນໄຂ້ຍຸງລາຍເພື່ອເຮັດແນວໃດບໍ່ໃຫ້ຄົນເຈັບເຖິງຂັ້ນຮ້າຍແຮງແກ່ຊີວິດ ແລະ ສິ່ງທີ່ເຮັດໄດ້ດຽວນີ້ແມ່ນຈັດເວນຍາມ 24 ຊົ່ວໂມງເພື່ອຕິດຕາມອາການຂອງຄົນເຈັບ, ແຕ່ເນື່ອງຈາກວ່າພະນັກງານແພດໝໍມີນ້ອຍອາດບໍ່ພຽງພໍກັບຄວາມຕ້ອງການຂອງສັງຄົມ, ສະນັ້ນເພື່ອບໍ່ໃຫ້ພະຍາດດັ່ງກ່າວມີຈຳນວນເພີ່ມຂຶ້ນຈຶ່ງຢາກຮຽກຮ້ອງໃຫ້ທົ່ວສັງຄົມຈົ່ງເປັນເຈົ້າການໃນການປະຕິບັດ 5ປໍ ຢ່າງເຄັ່ງຂັດ, ພ້ອມດຽວກັນນັ້ນຫາກພົບວ່າຕົນເອງ ຫຼື ຄົນໃນຄອບຄົວເປັນໄຂ້ໃຫ້ຮີບຟ້າວໄປກວດຢູ່ໂຮງໝໍ ຫຼື ສຸກສາລາທີ່ໃກ້ບ້ານ, ທັງນີ້ກໍເພື່ອເປັນການຢັບຢັ້ງບໍ່ໃຫ້ໄຂ້ດັ່ງກ່າວໄປເຖິງຂັ້ນອັນຕະລາຍ ແລະທີ່ສຳຄັນຮູ້ວ່າເປັນໄຂ້ບໍ່ຄວນໄປຊື້ຢາມາກິນເອງ, ນອກຈາກພະຍາດໄຂ້ຍຸງລາຍຈະລະບາດໃນຊ່ວງລະດູຝົນນີ້ແລ້ວຍັງຈະມີອີກຫຼາຍໆພະຍາດຕາມມາເປັນຕົ້ນແມ່ນພະຍາດຖອດທ້ອງ, ອັກ ເສບປອດ, ອັກເສບລະບົບຫາຍໃຈ, ໄຂ້ຍ່ຽວໜູ,ໄຂ້ມາເລເລຍ,ໄຂ້ທໍລະພິດ, ຊຶມເຊື້ອເລືອດ, ພະຍາດໄຂ້ແມງມັດແມງແດງ ແລະພະຍາດອື່ນໆທີ່ຈະມາຕາມນຳອີກດ້ວຍ.

ຂຽນໂດຍ: ພິມພອນ

ພາບ ແລະຂ່າວຈາກ: ໜັງສືພີມເສດຖະກິດ-ສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

VietJet ລາຍງານຜົນປະກອບການທຸລະກິດສູງສຸດນັບແຕ່ Covid-19 ໃນປີ 2024

(ນະຄອນຫຼວງວຽງຈັນ, ວັນທີ 07 ກຸມພາ 2025) – VietJet ສໍາເລັດການເຕີບໂຕທາງທຸລະກິດທີ່ໜ້າປະທັບໃຈໃນປີ 2024, ຂະຫຍາຍເຄື່ອຂ່າຍການບິນສາກົນ ແລະ ຝູງເຮືອບິນທີ່ທັນສະໄໝ ຂະນະດຽວກັນກໍ່ຍັງສ້າງລາຍໄດ້ ແລະ ກໍາໄລໃນລະດັບສູງສຸດເປັນປະຫວັດສາດ. ຄວາມສໍາເລັດຢ່າງຕໍ່ເນື່ອງຂອງສາຍການບິນແມ່ນ ບາດກ້າວອັນສໍາຄັນໃນການຟື້ນຕົວ ແລະ ຂະຫຍາຍໂຕຫຼັງຈາກໂລກລະບາດ Covid-19.

ເລີ່ມຕົ້ນປີດ້ວຍການປ່ຽນແປງຕົນເອງ ເພື່ອເປັນຄົນໃໝ່ທີ່ດີກວ່າ

ໃນຊ່ວງປີໃໝ່ແບບນີ້ຫຼາຍຄົນກໍມັກຈະຖືໂອກາດຕັ້ງເປົ້າໝາຍໃຫ້ຕົນເອງ ເພື່ອການປ່ຽນແປງທີ່ດີກວ່າປີທີ່ຜ່ານມາບໍ່ວ່າຈະເປັນດ້ານຄວາມຄິດ, ຄວາມສຳພັນ ແລະ ສັກກາຍະພາບ ຄວາມຮູ້ ຄວາມສາມດຂອງຕົນເອງ ຖ້າໃຜຍັງບໍ່ຮູ້ຈະຕັ້ງເປົ້າໝາຍໃຫ້ກັບຕົນເອງແນວໃດລອງມາເບິ່ງ 10 ວິທີງ່າຍໆໃນການພັດທະນາຕົນເອງທີ່ໃຜໆກໍເຮັດໄດ້:

ເປັນຫຍັງ? ຜົມຈຶ່ງຫງອກກ່ອນໄວ

ມັນເປັນເລື່ອງປົກກະຕິທີ່ເຮົາອາຍຸຫຼາຍຂຶ້ນຜົມຈະຫງອກຂາວໄປຕາມທຳມະຊາດຂອງການເຕີບໂຕ ແຕ່ຖ້າອາຍຸຍັງນ້ອຍແຕ່ຊ້ຳພັດມີຜົມຂາວແລ້ວ ມັນເປັນຍ້ອນຫຍັງແທ້? ປັດຈຸບັນ ໄວໜຸ່ມບາງຄົນອາຍຸຍັງບໍ່ຮອດເລກສາມເທື່ອ ແຕ່ມີຜົມຂາວເປັນຈຳນວນຫຼາຍ ລອງມາເບິ່ງສາເຫດທີ່ພົບເຫັນໄດ້ຫຼາຍນຳກັນ: