ເພື່ອປະຕິບັດຕາມແຈ້ງການຂອງພະແນກກະສິກຳ ແລະ ປ່າໄມ້ແຂວງສະຫວັນນະເຂດ ໃນການເອົາໃຈໃສ່ສະກັດກັ້ນການນຳເຂົ້າຊີ້ນໝູ ໃນຕອນແລງຂອງວັນທີ 15 ກໍລະກົດ 2019 ທີ່ເດີ່ນຫ້ອງການກະສິກຳ ແລະ ປ່າໄມ້ເມືອງເຊໂປນ ແຂວງສະຫວັນນະເຂດ
ໄດ້ຈັດພິທີທຳລາຍຊີ້ນໝູ ທີ່ນຳເຂົ້າບໍ່ຖືກຕ້ອງຈຳນວນ 92 ກິໂລ ທີ່ເຈົ້າໜ້າທີ່ສັດຕະວະແພດກວດກາເຫັນມີການຊຸກເຊື່ອງມາໃນລົດໂດຍສານສອງແຖວ ເຊໂປນ – ແຊນແດນ ໝາຍເລກທະບຽນ 3509 ເຊິ່ງພົບເຫັນ ແລະ ຢຶດເອົາຊີ້ນໝູທີ່ນຳເຂົ້າມາບໍ່ຖືກຕ້ອງເຂດ ບ້ານນາລົມ ເມືອງເຊໂປນ ແຂວງສະຫວັນນະເຂດ
ສະນັ້ນເພື່ອເປັນການສະກັດກັ້ນການລະບາດຂອງພະຍາດອະຫິວາໝູອາຟຣິກາ ທີ່ກຳລັງລະບາດຢູ່ພາກກາງຂອງ ສສຫວຽດນາມ ເຊິ່ງພະຍາດດັ່ງກ່າວບໍ່ສາມາດຮັກສາໄດ້ ແລະ ປິ່ນປົວໄດ້ ແລະ ມີອັດຕາການຕາຍສູງເຖິງ 90% ສະນັ້ນຈຶ່ງໄດ້ຈັດພິທີທຳລາຍຖິ້ມດ້ວຍການເຜົາ ຫຼືຝັງຕາມເຕັກນິກວິຊາການພ້ອມທັງກ່າວເຕືອນ ແລະ ເຮັດບົດບັນທຶກຢຶດຊີ້ນສ່ວນດັ່ງກ່າວ ແລະ ຢາກຝາກເຕືອນມາຍັງພໍ່ແມ່ປະຊາຊົນຈົ່ງເອົາໃຈໃສ່ກ່ອນຈະຊື່ເຄື່ອງບໍລິໂພກຕ່າງໆເພື່ອລີກລ້ຽງບັນຫາຕໍ່ສຸຂະພາບຂອງບັນດາທ່ານທີ່ຈະຕາມມາ.
ແຫຼ່ງຂໍ້ມູນ: Midia Laos