ທີ່ຫ້ອງປະຊຸມລັດວິສາຫະກິດໄຟຟ້າລາວສາຂາ ແຂວງສາລະວັນ ຈັດກອງປະຊຸມປຶກສາຫາລື ແລະ ຄົ້ນຄວ້າຄວາມເປັນໄປໄດ້ຂອງໂຄງການກໍ່ສ້າງສາຍສົ່ງໄຟຟ້າແຮງສູງ 500 ກິໂລໂວນ ແລະໄຟຟ້າແຮງສົ່ງ 500 ກິໂລໂວນ. ໂດຍໃຫ້ກຽດເປັນປະທານຮ່ວມຂອງ ທ່ານ ແພງສີ ເມືອງຈັນ ຫົວໜ້າພະແນກພະລັງງານ ແລະບໍ່ແຮ່ແຂວງ, ທ່ານ ດວງສີ ພາຣະຍົກ ຮອງອໍານວຍການໃຫຍ່ລັດວິສາຫະກິດໄຟຟ້າລາວ, ມີທ່ານຮອງເຈົ້າເມືອງ, ຕາງໜ້າຈາກພະແນກການ-ຫ້ອງການທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ໄດ້ພ້ອມກັນຄົ້ນຄວ້າປຶກສາຫາລືຫຼາຍບັນຫາ ເພື່ອເຮັດໃຫ້ໂຄງການດັ່ງກ່າວກະທົບສິ່ງແວດລ້ອມໜ້ອຍທີ່ສຸດ. ໂດຍສະເພາະແມ່ນແນໃສ່ຄວາມເປັນມາຂອງໂຄງການ, ມາດຕະຖານຄວາມປອດໄພ, ການອອກແບບ ແລະສຶກສາຜົນກະທົບສິ່ງແວດລ້ອມ-ສັງຄົມ, ຜົນກະທົບຕ່າງໆທີ່ອາດຈະເກີດຈາກໂຄງການ, ນະໂຍບາຍລວມກ່ຽວກັບການຈ່າຍທົດແທນ, ຫຼັກຫານຄິດໄລ່ມູນຄ່າທົດແທນ, ຂໍ້ສະເໜີ ແລະເອກະສານອ້າງອີງຕ່າງໆ.
ແຫຼ່ງຂໍ້ມູນ: ທິດລານີ Medialaos