ເຈົ້າໜ້າທີ່ຕຳຫຼວດກອງບັນຊາການ ປກສ ແຂວງສະຫວັນນະເຂດ ໄດ້ລົງທຳລາຍ ຕົ້ນກັນຊາທີ່ເປັນສານເສບຕິດ ຢູ່ຂອບເຂດ ບ້ານສົມສະອາດ ນະຄອນໄກສອນພົມວິຫານ ແຂວງສະຫວັນນະເຂດ ທີ່ປະຊາຊົນຈໍານວນໜຶ່ງ ທີ່ມີການລັກລອບ ປູກໄວ້ຢູ່ໃນສວນຜັກ ແລະ ສວນຢາງ ເຊິ່ງມີຈຳນວນທັງໝົດ 320 ຕົ້ນ.
ໃນນີ້ມີຕົ້ນຊາດິບ166ຕົ້ນແລະຊາແຫ້ງ154ຕົ້ນ ເຊິ່ງໃນການລົງທຳລາຍຄັ້ງນີ້ມີ ທ່ານ ພັທ ບຸນຍູ້ ສາຍຄຳສຸລິຍະວົງສາ ຮອງຫົວໜ້າຫ້ອງຕຳຫລວດ ປກສ ແຂວງພ້ອມດ້ວຍຄະນະ, ມີພະນັກງານວິຊາສະເພາະ, ກອງພັນເຄື່ອນ ທີ່ ປກສ ແຂວງ , ປກສ ນະຄອນໄກສອນພົມວິຫານ, ອົງການໄອຍະການ ເຂດໜື່ງ , ອຳນາດການປົກຄອງບ້ານ,ປກຊ-ປກສ ບ້ານສົມສະອາດ ເຂົ້າຮ່ວມທຳລາຍ.
ເຊິ່ງການຊາທີ່ໄດ້ລົງໄປທໍາລາຍໃນຄັ້ງນີ້ ແມ່ນທາງເຈົ້າໜ້າທີ່ຕຳຫຼວດປກສແຂວງສະຫວັນນະເຂດພ້ອມດ້ວຍພາກສ່ວນທີ່ກ່ຽວຂ້ອງແມ່ນໄດ້ນຳພາກັນກວດຄົ້ນສ່ວນດັ່ງກ່າວ ແລະຕັດຕົ້ນກັນຊາດິບແລະຊາແຫ້ງຈໍານວນ 320 ຕົ້ນທີ່ເປັນສານເສບຕິດແລະຜິດລະບຽບກົດໝາຍບ້ານເມືອງ ແລະທັງເປັນການສະກັດກັ້ນບໍ່ໃຫ້ມີການລັກລອບຄ້າຂາຍສິ່ງເສບຕິດແລະການປູກກັນຊາຂອງພໍ່ແມ່ປະຊາຊົນ,ພໍ່ຄ້າຊາວຂາຍໃຫ້ຫຼຸດໜ້ອຍຖອຍລົງ.
ສະນັ້ນຈີ່ງຮຽກຮ້ອງມາຍັງທຸກພາກສ່ວນ ຈົ່ງພ້ອມກັນຢຸດເຊົາໃນການປູກຕົ້ນກັນຊາ,ການຄ້າຂາຍຢາເສບຕິດ ແລະ ສີ່ງຜິດກົດໝາຍ ແລະເພື່ອລີກລ້ຽງບັນຫາທີ່ພາໃຫ້ເກີດ ປະກົດການຫຍໍ້ທໍ້ຕ່າງໆ ທີ່ເກີດຂຶ້ນຢູ່ໃນສັງຄົມ ຂີ່ລັກ, ງັດແງະ, ຂ້າເຈົ້າເອົາຂອງ ແລະອື່ນໆ.
ແຫຼ່ງຂໍ້ມູນ: Midia Laos
