ທ່ານ ດອນ ປຣາມັດວິໄນ Don Pramudwinai ລັດຖະມົນຕີວ່າການກະຊວງການຕ່າງປະເທດໄທ ເປັນປະທານກອງປະຊຸມລັດຖະມົນຕີຕ່າງປະເທດອາຊຽນ (AMM) ຄັ້ງທີ 52, ເຊິ່ງເປັນສ່ວນໜຶ່ງ ຂອງກອງປະຊຸມລັດຖະມົນຕີກະຊວງການຕ່າງປະເທດ AMM / Post ທີ 52 (PMCs) ທີ່ຈັດຂຶ້ນໃນລະຫວ່າງວັນທີ 27 ກໍລະກົດ – 3 ສິງຫາ 2019 ທີ່ບາງກອກ.
ກອງປະຊຸມໄດ້ສະໜັບສະໜູນການກໍ່ສ້າງປະຊາຄົມອາຊຽນ ໂດຍອີງໃສ່ຫົວຂໍ້ “ຄວາມກ້າວໜ້າຂອງການຮ່ວມ ມືເພື່ອຄວາມຍືນຍົງ” ຕາມການສະເໜີຂອງປະເທດໄທ ໃນລະຫວ່າງການເປັນປະທານອາຊຽນ. ບັນດາລັດຖະ ມົນຕີ ໄດ້ຍົກໃຫ້ເຫັນຄວາມຄືບໜ້າຂອງການຈັດຕັ້ງປະຕິບັດຂໍ້ລິເລີ່ມຕ່າງໆທີ່ໄດ້ຕົກລົງກັນໃນກອງປະຊຸມສຸດຍອດອາຊຽນຄັ້ງທີ 34, ໂດຍສະເພາະ ການຊ່ວຍເຫລືອດ້ານມະນຸດສະທຳຂອງອາຊຽນໃນລັດ Rakhine ແລະ ການຄາດຄະເນຂອງອາຊຽນ ກ່ຽວກັບອິນໂດ – ປາຊີຟິກ.
ໃນກອງປະຊຸມຍັງໄດ້ແລກປ່ຽນ ຄຳຄິດຄຳເຫັນກ່ຽວກັບການພັດທະນາໃນພາກພື້ນເຊັ່ນ: ສະຖານະການໃນທະເລຈີນໃຕ້.
ແຫຼ່ງຂໍ້ມູນ: ສຳນັກຂ່າວສານປະເທດລາວ
Hits: 2
