Friday, July 19, 2024
Lenovo

ເມືອງໄຊທານີຍອມຮັບ ການແກ້ໄຂລະບຽບຕາມເສັ້ນທາງ ເຮັດໄດ້ຊ້າບໍ່ເປັນລະບຽບ

ພາບປະກອບ

ຫົວຫນ້າຫ້ອງການໂຍທາທິການ ແລະ ຂົນສົ່ງ ເມືອງໄຊທານີ້ນະຄອນຫລວງວຽງຈັນ, ທັງເປັນຮອງຄະນະຈັດສັນຄວາມບໍ່ເປັນ ລະບຽບຮຽບຮ້ອຍຂັ້ນເມືອງໄດ້ ໃຫ້ສໍາພາດຕໍ່ສື່ມວນຊົນໃນໂອກາດລົງກວດກາ ແລະ ຊຸກຍູ້ການປະຕິບັດວຽກງານຈັດສັນຄວາມ ບໍ່ເປັນລະບຽບຮ້ອຍຕາມເສັ້ນທາງສາຍຫລັກພາຍໃນເມືອງຂອງຕົນວ່າ:

ການຈັດຕັ້ງປະຕິບັດວຽກງານດັ່ງກ່າວແມ່ນເຮັດໄດ້ຊ້າ ແລະ ພົບຄວາມຫຍຸ້ງຍາກຫລາຍດ້ານ, ເນື່ອງຈາກປະຊາຊົນຜູ້ເປັນເຈົ້າຂອງເຮືອນ, ຕຶກອາຄານ ຫລື ເຈົ້າຂອງວັດຖຸຕ່າງໆທີ່ຕິດຕັ້ງ ຕາມແຄມທາງບໍ່ເປັນລະບຽບນັ້ນບໍ່ໃຫ້ການຮ່ວມມືໃນການແກ້ໄຂບັນຫາ, ເຊິ່ງສະແດງອອກຄື:

ພາບປະກອບ

ນັບແຕ່ຄະນະຈັດສັນຄວາມເປັນລະບຽບໄດ້ລົງກວດກາຕາມເສັ້ນທາງສາຍສໍາຄັນຄື: ດົງໂດກ-ຕານມີໄຊ, ຖະ ຫນົນໄກສອນພົມວິຫານ, ຖະຫນົນເລກ 13 ໃຕ້ ແລະ ່ຖະຫນົນເລກ 10 ນັບແຕ່ຕົ້ນປີຜ່ານມາເຫັນວ່າໄດ້ເຮັດບົດບັນທຶກແກ້ໄຂຄວາມບໍ່ເປັນລະບຽບຂອງຕຶກອາຄານ, ເທີບ-ເງີບ, ຕູບ,ຮົ້ວ-ກໍາແພງ, ໂຕະວາງຂາຍສິນຄ້າ ແລະ ປ້າຍໂຄສະນາຕ່າງໆພຽງ 156 ເປົ້າຫມາຍໃນ 368 ກໍລະນີ, ມາຮອດປັດຈຸບັນສາມາດ ແກ້ໄຂໄດ້ພຽງແຕ່ 39 ກໍລະນີ, ໂດຍສາເຫດຕົ້ນຕໍທີ່ພາໃຫ້ການແກ້ໄຂໄດ້ຫນ້ອຍ ແລະ ລ້າຊ້ານັ້ນຕົ້ນຕໍ ແມ່ນມາຈາກເຊັ່ນ:

ປະຊາຊົນສ່ວນຫລາຍຍັງບໍ່ເຂົ້າໃຈແຈ້ງຕໍ່ຄວາມສໍາຄັນຂອງຄວາມເປັນລະບຽບຈົບງາມຂອງຕົວເມືອງ, ບາງຈຸດເມື່ອເວລາ ເຈົ້າຫນ້າທີ່ລົງໄປກວດກາກໍໄດ້ຫຍັບສິ່ງກີດຂວາງ ຫລື ໂຕະວາງສິນຄ້າຕາມທາງຍ່າງເຂົ້າໄປໃນຮ້ານ ແລະ ເມື່ອເຈົ້າຫນ້າທີ່ໄປແລ້ວ ກໍເອົາອອກມາວາງຄືເກົ່າ ແລະ ບາງເທື່ອເມື່ອເຈົ້າຫນ້າທີ່ໃຊ້ມາດຕະການເຂັ້ມງວດຫລາຍ ກໍມີຫາງສຽງຕໍ່ວ່າເຮັດເກີນຫນ້າທີ່ຕ່າງໆ.

ດັ່ງນັ້ນ ເພື່ອແນໃສ່ເຮັດໃຫ້ຕົວເມືອງມີຄວາມເປັນລະ ບຽບຮຽບຮ້ອຍ ແລະ ຈົບງາມ ຈຶ່ງຂໍຮຽກຮ້ອງໃຫ້ປະຊາ ຊົນໃຫ້ການຮ່ວມມື ຫລາຍຂຶ້ນ.

ແຫຼ່ງຂໍ້ມູນ: ໜັງສືພິມລາວພັດທະນາ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ