ເມືອງ ໄຊຍະບູລີໄດ້ຈັດ ງານປະກວດ ສິນລະປະວັນນະຄະດີບັນດາເຜົ່າ, ຂັບລໍາທ້ອງຖີ່ນ, ນັກຮ້ອງສຽງດີຕິດພັນກັບງານຕະຫຼາດນັດຂື້ນທີ່ເດີ່ນທະນາຄານພົງສະຫວັນ ໂດຍການໃຫ້ກຽດເຂົ້າຮ່ວມຂອງທ່ານ ບຸນແທນທີແກ້ວກຳມະການພັກແຂວງ ເລຂາພັກເມືອງ ເຈົ້າເມືອງ ໄຊຍະບູລີ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ ພະນັກງານວິຊາການ ພ້ອມດ້ວຍມວນຊົນຊາວໄຊຍະບູລີເຂົ້າຮ່ວມ.
ທ່ານ ບຸນແທນ ທີແກ້ວ ກຳມະການພັກແຂວງ ເລຂາພັກເມືອງ ເຈົ້າເມືອງ ໄຊຍະບູລີ ໄດ້ກ່າວເຖີງ ຈຸດປະສົງຂອງການຈັດງານໃນຄັ້ງນີ້ກໍ່ແມ່ນເພື່ອເປັນການສືບຕໍ່ອານຸລັກຮັກສາ ແລະ ເສີມຂະຫຍາຍວັດທະນະທຳ, ຮີດຄອງປະເພນີອັນດີງາມທີ່ເປັນເອກະລັກຂອງບັນດາເຜົ່າໃນແຂວງກໍ່ຄືເມືອງ ໄຊຍະບູລີ.
ລາຍການທີ່ສະແດງປະກອບມີບົດຟ້ອນ, ຮ້ອງເພັງ ແລະ ຄັບລໍາທີ່ມາຈາກບ້ານ, ໂຮງຮຽນພາຍໃນເມືອງ ໄຊຍະບູລີ ແລະ ສູນພັດທະນາເດັກຂອງແຂວງ ປະກອບມີ 26 ລາຍການ ໃນນີ້ບົດຟ້ອນມີ 8 ລາຍການ, ຮ້ອງເພັງ 12 ລາຍການ ແລະ ຄັບລຳມີ 4 ລາຍການ.
ແຫຼ່ງຂໍ້ມູນ: ສົມພົງ Medialaos