Friday, July 19, 2024
Lenovo

ນະຄອນຫຼວງ ທຳລາຍສິນຄ້າເກືອດຫ້າມ ມູນຄ່າ 125 ລ້ານກວ່າກີບ

ພິ­ທີ​ທຳ­ລາຍ​ສິນ­ຄ້າ​ເກືອດ​ຫ້າມ ສິນ­ຄ້າ​ນຳ​ເຂົ້າ​ບໍ່​ຖືກ­ຕ້ອງ ສິນ­ຄ້າ​ໝົດ​ອາ­ຍຸ ຈັດ​ຂຶ້ນ​ຢູ່​ສະ­ໜາມ​ບຳ­ບັດ​ຂີ້​ເຫຍື້ອ (ຫຼັກ 32) ມີ​ທ່ານ ເບີ​ລິນ ເພັດ​ຈັນ­ທະ​ຣາດ ຫົວ­ໜ້າ​ພະ​ແນກ​ອຸດ​ສາ​ຫະ  ກຳ ແລະ ການ​ຄ້າ ນະ­ຄອນ­ຫຼວງ​ວຽງ​ຈັນ ແລະ ຂະ­ແໜງ­ການ​ກ່ຽວ­ຂ້ອງ ເຂົ້າ​ຮ່ວມ.

ເຄື່ອງ​ທີ່​ນຳ​ມາ​ທຳ­ລາຍ​ຄັ້ງ​ນີ້​ປະ­ກອບ​ມີ ໝາກ​ກະ­ໂພກ ດອກ​ໄມ້​ໄຟ ບັ້ງ­ໄຟ​ພຸ ຈຳ­ນວນ 56 ກິ​ໂລ ຢາ­ສູບ​ທີ່​ລັກ­ລອບ​ນຳ​ເຂົ້າ​ຊະ­ນິດ​ຕ່າງໆ​ຈຳ­ນວນ 635 ຕຸດ ເຄື່ອງ​ໃນ​ສັດ​ທີ່​ນຳ​ເຂົ້າ​ບໍ່​ຖືກ­ຕ້ອງ​ຈຳ­ນວນ 192 ກິ​ໂລ ອຸ­ປະ­ກອນ​ຮັບ​ສັນ­ຍານ​ໂທລະ­ພາບ​ຜ່ານ​ດາວ​ທຽມ​ທີ່​ນຳ​ເຂົ້າ​ບໍ່​ຖືກ­ຕ້ອງ​ຈຳ­ນວນ 6 ລາຍ­ການ ສິນ­ຄ້າ​ໝົດ​ອາ­ຍຸ​ປະ­ເພດ​ເຂົ້າ­ໜົມ ກະ​ແລັມ ນ້ຳ​ອັດ​ລົມ ຈຳ­ນວນ 500 ກິ​ໂລ ບັນ­ດາ​ເຄື່ອງ​ເຫຼົ່າ​ນີ້​ແມ່ນ​ຢຶດ​ໄດ້​ຈາກ​ບັນ­ດາ​ຮ້ານ​ຂາຍ​ສົ່ງ-ຂາຍ­ຍ່ອຍ​ພາຍ​ໃນ ນວ ມູນ​ຄ່າ​ທັງ​ໝົດ 125 ລ້ານ​ກວ່າ​ກີບ.

ຕະ­ຫຼອດ​ໄລ­ຍະ​ຜ່ານ​ມາ​ ກໍ​ໄດ້​ຈັດ​ຕັ້ງ​ປະ­ຕິ­ບັດ​ວຽກ​ງານ​ດັ່ງ­ກ່າວ​ຢ່າງ​ເປັນ​ປົກ­ກະ­ຕິ ຖ້າ​ພົບ​ເຫັນ​ບໍ່​ຖືກ­ຕ້ອງ​ກໍ​ໄດ້​ໃຊ້​ມາດ​ຕະ­ການ​ຢ່າງ​ເດັດ­ຂາດ​ເຊັ່ນ:

ຢຶດ ແລະ ທຳ­ລາຍ​ຖິ້ມ​ຕາມ​ລະ­ບຽບ​ຫຼັກ­ການ ທັງ​ນີ້ ກໍ​ເພື່ອ​ເປັນ​ການ​ປົກ​ປ້ອງ​ສິດ­ຜົນ­ປະ­ໂຫຍດ​ອັນ​ຊອບ​ທຳ​ຂອງ​ສັງ­ຄົມ ກໍ​ຄື​ຜູ້​ບໍ­ລິ­ໂພກ​ໄດ້​ຊົມ­ໃຊ້​ສິນ­ຄ້າ​ທີ່​ມີ​ຄຸນ​ນະ​ພາບ ດັ່ງ­ນັ້ນ ຈິ່ງ​ຮຽກ­ຮ້ອງ​ມາ​ຍັງ​ຜູ້​ປະ­ກອບ​ການ ແລະ ປະ­ຊາ­ຊົນ​ເປັນ​ເຈົ້າ​ການ​ຊ່ວຍ​ກັນ​ໃນ​ການ​ປະ­ຕິ­ບັດ​ລະ­ບຽບ​ກົດ­ໝາຍ ເຮັດ​ໃຫ້​ສັງ­ຄົມ​ມີ​ຄວາມ​ສະ­ຫງົບ ແລະ ໄດ້​ຊົມ­ໃຊ້​ສິນ­ຄ້າ​ທີ່​ມີ​ຄຸນ​ນະ​ພາບ.

ແຫຼ່ງຂໍ້ມູນ: ໜັງສືພິມວຽງຈັນໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ