ແຈ້ງເຕືອນ ກ່ຽວກັບອຸປະກອນປະຢັດພະລັງງານໄຟຟ້າ ( Power Factor Saver )
ກົມມາດຕະຖານ ແລະ ວັດແທກ ຂໍແຈ້ງເຖິງພໍ່ແມ່ປະຊາຊົນ, ອໍານາດການປົກຄອງທຸກພາກສ່ວນຊາບວ່າ:
ໃນໄລຍະທີ່ຜ່ານມາມີກຸ່ມຄົນຈໍານວນຫນຶ່ງ ໄດ້ໂຄສະນາທາງຊື່ອອນລາຍວ່າມີເຄື່ອງທີ່ປະຢັດໄຟຟ້າ ( Power FactorSaver) ທີ່ສາມາດປະຢັດພະລັງງານໄຟຟ້າໄດ້ເຖິງ 50% ມາຈໍາຫນ່າຍຊຶ່ງເຮັດໃຫ້ປະຊາຊົນຈໍານວນຫນຶ່ງຫຼົງເຊື້ອ ແລະ ຊື້ ເຄື່ອງດັ່ງກ່າວມາຊົມໃຊ້.
ອີງຕາມການແຈ້ງຂອງຜູ້ຊົມໃຊ້ເຄື່ອງດັ່ງກ່າວທາງກົມຈຶ່ງນໍາເອົາເຄື່ອງມາສຶກສາ ແລະ ທົດລອງນໍາໃຊ້ຕົວຈິງເຫັນວ່າເຄື່ອງບໍ່ສາມາດປະຢັດພະລັງງານໄຟຟ້າຕາມທີ່ໂຄສະນາ ແຕ່ກົງກັນຂ້າມອຸປະກອນດັ່ງກ່າວຍັງ ເຮັດໃຫ້ຜູ້ຊົມໃຊ້ເສຍຄ່າໄຟຟ້າເພີ່ມຂຶ້ນຕື່ມອີກ.
ດັ່ງນັ້ນ, ກົມມາດຕະຖານ ແລະ ວັດແທກ ຈຶ່ງຂໍແຈ້ງມາຍັງພໍ່ແມ່ປະຊາຊົນ ແລະ ອໍານາດການປົກຄອງທຸກ ພາກສ່ວນຈົ່ງມີສະຕິບໍ່ໃຫ້ຊົມໃຊ້ ແລະ ຈໍາຫນ່າຍອຸປະກອນເຄື່ອງດັ່ງກ່າວ.
ແຫຼ່ງຂໍ້ມູນ: ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ