ຄະນະພັກ ຄະນະສະພາປະຊາຊົນ ອົງການປົກຄອງນະຄອນຫຼວງວຽງຈັນ ແລະ ຄະນະປົກຄອງເມືອງໄຊເສດຖາ ແລະ ເມືອງໄຊທານີ ເຂົ້າວາງພວງມາລາ ແລະ ກະຕ່າດອກໄມ້ ເພື່ອລະນຶກເຖິງຄຸນງາມຄວາມດີຂອງນັກຮົບປະຕິວັດ ແລະ ຜູ້ເສຍສະຫຼະຊີວິດເພື່ອປະເທດຊາດ ຢູ່ອະນຸສາວະລີນັກຮົບນິລະນາມ ແລະ ຫໍພິພິທະພັນ ໄກສອນ ພົມວິຫານ ເນື່ອງໃນໂອກາດວັນຢຶດອຳນາດ ຄົບຮອບ 44 ປີ (23/8/1975-23/8/2019).
ການເຂົ້າຄຳນັບວາງພວງມາລາ ແລະ ກະຕ່າດອກໄມ້ຄັ້ງນີ້ ຄະນະອົງການປົກຄອງ ນະຄອນຫຼວງວຽງຈັນ ນຳໂດຍສະຫາຍ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ເລຂາຄະນະພັກ ເຈົ້າຄອງນະຄອນ ຫຼວງວຽງຈັນ ຄະນະປົກຄອງເມືອງໄຊເສດຖາ ນຳໂດຍສະຫາຍ ຖະໜອມ ທຳທອງ ຄະນະພັກນະຄອນຫຼວງວຽງຈັນ ເລຂາພັກເມືອງ ເຈົ້າເມືອງໄຊເສດຖາ ຄະນະປົກຄອງເມືອງໄຊທານີ ນຳໂດຍສະຫາຍ ຄຳປະດິດ ເຂັມມານິດ ຄະນະພັກ ນະຄອນຫຼວງວຽງຈັນ ເລຂາພັກເມືອງ ເຈົ້າເມືອງໄຊທານີ.
ຈູດປະສົງເພື່ອສະແດງຄວາມເຄົາລົບຮັກ ຄວາມກະຕັນຍູ້ ຮູ້ບຸນຄຸນຕໍ່ນັກຮົບປະຕິວັດ ແລະ ຜູ້ເສຍສະຫຼະຊີວິດ ແລະ ຜົນງານອັນໃຫຍ່ຫຼວງທີ່ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ໄດ້ສ້າງໄວ້ໃຫ້ເປັນບົດຮຽນແກ່ການຈັດຕັ້ງພັກ-ລັດ ແລະ ປວງຊົນລາວທັງຊາດ.
ແຫຼ່ງຂໍ້ມູນ: ໜັງສືພິມວຽງຈັນໃໝ່