ໃຜທີ່ໃຊ້ມືຖືລະບົບແອນດອຍ ຊ່ວງນີ້ອາດຈະຖືກ Spam ເຂົ້າມາໃນຕາຕະລາງປະຈຳວັນ ວ່າເຮົາໄດ້ຮັບເຄື່ອງໄອໂຟນລຸ້ນນັ້ນລຸ້ນນີ້ ທັງທີ່ແທ້ຈິງແລ້ວ ເຮົາບໍ່ເຄີຍໄປຮ່ວມລາຍການຫຍັງເລີຍ
ບັນຫານີ້ເກີດຈາກຊ່ອງຫວ່າງໃນລະບົບຕາຕະລາງວຽກອັດຕະໂນມັດໃນ Google Calendar ຜ່ານທາງ Gmail ຂອງເຮົາ ໂດຍເກີດຈາກຜົນແບບທີ່ເຫັນ ກໍຕໍ່ເມື່ອລະບົບເຫັນວ່າອີເມວຂີ້ເຫຍື້ອເຫລົ່ານີ້ເປັນ Spam ເທົ່ານັ້ນ
ເລື່ອງນີ້ ຕ້ອງຖືວ່າເປັນເລື່ອງທີ່ຂັດໃຈ Google ແທ້ໆ ເພາະໂຕຈິງແລ້ວ ອີເມວພວກນີ້ຄວນຖືກເກັບໄວ້ໃນ ແຟັມ Spam ໂດຍທີ່ບໍ່ປະກົດໃຫ້ເຮົາເຫັນ ແຕ່ Google ພັດປ່ອຍໃຫ້ອີເມວ ຂີ້ເຫຍື້ອ “Your iPhone Xs Max is ready for PickUp” และ “iPhone X s Free Giveaway.” ຫຼຸດຕາມຊ່ອງຫວ່າງຂອງລະບົບ ຈົນມາປະກົດໃນປະຕິທິນຂອງເຮົາໄດ້ໂດຍບໍ່ບອກບໍ່ກ່າວ
ລະຫວ່າງ ທີ່ Google ກຳລັງຫາວິທິແກ້ (ຫວັງວ່າເດີ້) ເຮົາມີວິທີແກ້ມາຝາກ
1.ໂຫລດແອບ Google Calendar ມາປິດ ຟີເຈີ Event ອອກ ເຊິ່ງເປັນວິທີແກ້ບັນຫາສະເພາະໜ້າແບບງ່າຍໆ ໂດຍເຂົ້າໄປ Google Play ແລ້ວໂຫລດແອບ Google Calendar ມາຕິດຕັ້ງ. ຫຼັງຈາກນັ້ນ ເຂົ້າໄປໃນ Setting ແລ້ວກົດໜ້າກ່ອງ 4 ຫຼ່ຽມ ທີ່ເປັນ Event ເທົ່ານັ້ນ
ວິທິນີ້ ໃຊ້ໄດ້ກໍຕໍ່ເມື່ອ ທ່ານບໍ່ຄ່ອຍໄດ້ໃຊ້ Google Calendar ເທົ່າໃດ ເພາະມັນຈະເທົ່າກັບປິດຄຸນສົມບັດການສະແດງຕາຕະລາງວຽກໃນປະຕິທິນອອກ ເຖິງວ່າການເຮັດວຽກຂອງປະຕິທິນຈະຍັງຢູ່ ແຕ່ກໍສາມາດເຊື່ອງ Spam ກວນໃຈໃຫ້ອອກໄປຈາກສາຍຕາທ່ານ
2. ເຂົ້າເວັບ ຕັ້ງຄ່າ Setting ໃໝ່ ໂດຍກົດທີ່ຮູບເບື້ອງດ້ານຂວາຂອງໜ້າປະຕິທິນ ແລ້ວເລືອກ Setting ຫຼັງຈາກນັ້ນ ເບິ່ງທີ່ຄໍລໍາ General ດ້ານຊ້າຍມື ແລ້ວຄ່ອຍໆ ໄລ່ຕັ້ງຄ່າໃໝ່ ຕາມຮູບພາບນີ້.
2.1 ໃນ Event Setting ໃຫ້ປ່ຽນຕົວເລືອກໃນຊ່ອງ “Automatically add invitations” ຈາກ “Yes” ເປັນ “No, only show invitations to which I have responded”
2.2 ໃນ View Options ໃຫ້ກົດເອົາເຄື່ອງໝາຍຖືກ ໜ້າ “Show declined events” ອອກ
2.3 ທີ່ Events from Gmail ໃຫ້ກົດເອົາເຄື່ອງໝາຍຖືກ ໜ້າ “Automatically add events from Gmail to my calendar” ອອກ
ຫຼັງຈາກເຮັດຄົບ 3 ຂໍ້ຕາມຮູບພາບແລ້ວ ຈຶ່ງຄ່ອຍໄປລົບຫົວຂໍ້ກິດຈະກຳໃນປະຕິທີນຂອງເຮົາອອກ ກໍຈະບໍ່ມີ Spam ເຫຼົ່ານີ້ມາກວນໃຈເຮົາອີກ ແລະ ຫວັງວ່າ Google ຈະຈັດການກັບເລື່ອງນີ້ໃຫ້ສຳເລັດໂດຍໄວນໍ້