ຊົມເຊີຍຜົນສຳເລັດ ການພົບປະສອງຝ່າຍ ສປປລາວ ແລະ ສ.ເກົາຫຼີ

ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປລາວ ພ້ອມຄະນະ ແລະ ທ່ານ ມູນ ແຈອິນ ປະທານາທິບໍດີແຫ່ງ ສ.ເກົາຫຼີ ພ້ອມຄະນະ ທີ່ໄດ້ມີຂຶ້ນຢູ່ສຳນັກງານປະທານປະເທດ ນະຄອນຫຼວງວຽງຈັນ ສປປລາວ.

ໄດ້ມີພິທີລົງນາມເອກະສານຮ່ວມມື ລະຫວ່າງ ສປປລາວ ແລະ ສ.ເກົາຫຼີ ຈຳນວນ 04 ສະບັບ ໃນຂົງເຂດການພັດທະນາເສດຖະກິດ, ກະສິກຳ ອຸດສາຫະກຳ ແລະ ການຄ້າ, ຂໍ້ມູນຂ່າວສານ, ການສື່ສານ ແລະ ເຕັກໂນໂລຊີ ແລະ ເອກະສານທີ່ສອງຝ່າຍຮ່ວມລົງນາມໃນຄັ້ງນີ້, ປະກອບມີ:

1. ສັນຍາຂອບການຮ່ວມມືລະຫວ່າງ ສປປລາວ ແລະ ສ.ເກົາຫຼີ ວ່າດ້ວຍທຶນຮ່ວມມື ເພື່ອການພັດທະນາເສດຖະກິດຂອງ ສ.ເກົາຫຼີ ໄລຍະປີ 2020-2023 ໂດຍການລົງນາມລະຫວ່າງທ່ານ ສະເຫລີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ແຫ່ງ ສປປລາວ ກັບທ່ານນາງ ກັງ ກຽງ ຮວາ ລັດຖະມົນຕີກະຊວງການຕ່າງປະເທດ ສ.ເກົາຫຼີ

2. ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານກະສິກຳ ລົງນາມໂດຍ ທ່ານ ພວງປະຣີສັກ ປຣະວົງວຽງຄຳ ຮອງລັດຖະມົນຕີກະຊວງກະສິກຳ ແລະ ປ່າໄມ້ແຫ່ງ ສປປລາວ ກັບທ່ານ ຊິນ ຊອງ ຊຸນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສ.ເກົາຫຼີ ປະຈຳ ລາວ

3. ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານ ການປະກອບການທຸລະກິດໃໝ່ ແລະ ນະວັດຕະກຳ ລົງນາມໂດຍທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າແຫ່ງ ສປປລາວ ກັບທ່ານ ຊິນ ຊອງ ຊຸນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ.ເກົາຫຼີ ປະຈຳລາວ

4. ບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານຂໍ້ມູນຂ່າວສານ, ການສື່ສານ ແລະ ເຕັກໂນໂລຊີ ລົງນາມໂດຍ ທ່ານ ບຸນສະເຫລີມໄຊ ເຄນນາວົງ ຮອງລັດຖະມົນຕີກະຊວງໄປສະນີ ໂທລະຄົມມະນາຄົມ ແລະ ການສື່ສານແຫ່ງ ສປປລາວ ກັບທ່ານ ຊິນ ຊອງ ຊຸນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ.ເກົາຫລີ ປະຈຳລາວ.

ແຫຼ່ງຂໍ້ມູນ: Sourioudong Sundara