ທ່ານ ນາງ ນາລີ ສີ ສຸລິດ ພັນລະຍາຂອງທ່ານນາຍົກ ລັດຖະມົນຕີແຫ່ງ ສປປ ລາວ ພ້ອມດ້ວຍບັນດາພັນລະຍາຄອບ ຄົວການນຳກະຊວງປ້ອງກັນປະ ເທດ, ຮ່ວມກັບຄະນະສົງ ວັດນາ ໄຊ ນະຄອນຫຼວງວຽງຈັນ ແລະ ບັນດາຫ້າງຮ້ານບໍລິສັດໄດ້ນຳ ເອົາເຄື່ອງອຸປະໂພກ-ບໍລິໂພກ ແລະ ຢາປົວພະຍາດຈຳນວນໜຶ່ງ ເຊິ່ງລວມມູນຄ່າຈຳນວນເງິນທັງ ໝົດ 100.500.000 ກີບ, ນຳ ມາມອບໃຫ້ແກ່ກົມໃຫຍ່ພະລາທິ ການກອງທັບ.
ເຊິ່ງເປັນກຽດ ກ່າວມອບໂດຍທ່ານ ນາງ ນາລີ ສີສຸລິດ ແລະ ຕາງໜ້າກ່າວຮັບ ໂດຍສະຫາຍ ພົນຈັດຕະວາ ຄຳ ເພັດ ສີຊານົນ ກຳມະການຄະນະ ພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ພະລາທິ ການກອງທັບຢ່າງສົມກຽດ.
ສ່ວນເຄື່ອງປະເພດຕ່າງໆທີ່ ນຳມາມອບໃຫ້ໃນຄັ້ງນີ້ແມ່ນຈະ ໄດ້ນຳໄປມອບຕໍ່ໃຫ້ພະນັກງານ, ນັກຮົບ ທີ່ກຳລັງປະຕິບັດໜ້າທີ່ ເຮັດວຽກງານປ້ອງກັນຊາດ- ປ້ອງກັນຄວາມສະຫງົບ ຢູ່ເຂດ ຊົນນະບົດທຸລະກັນດານຫ່າງໄກ ສອກຫຼີກ.
ໂອກາດນີ້ສະຫາຍພົນ ຈັດຕະວາ ຄຳເພັດ ສີຊານົນ ຕາງ ໜ້າໃຫ້ຄະນະນຳກົມໃຫຍ່ພະລາທິການ ກໍໄດ້ກ່າວສະ ແດງຄວາມຍ້ອງຍໍຊົມເຊີຍມາຍັງທ່ານ ນາງ ນາລີ ສີສຸລິດ ພ້ອມດ້ວຍບັນດາພັນ ລະຍາຄອບຄົວການນຳກະຊວງ ປ້ອງກັນປະເທດ ແລະ ຄະນະພະສົງ, ບັນດາຫ້າງຮ້ານບໍລິສັດທີ່ໄດ້ ມີຈິດໃຈສັດທາ, ເອື້ອເຟື້ອເພື່ອແຜ່ ແລະ ໄດ້ໃຫ້ການສະໜັບສະໜູນ ຊ່ວຍເຫຼືອດູແລນາຍ ແລະ ພົນທະຫານ ແລະ ໃຫ້ຄຳໝັ້ນສັນຍາວ່າ ຈະນຳເອົາເຄື່ອງຂອງທຸກສິ່ງທຸກ ຢ່າງເຫຼົ່ານີ້ນຳໄປຈັດຕັ້ງປະຕິບັດ ແລະ ມອບໃຫ້ທຸກພາກສ່ວນໃຫ້ ໄດ້ຢ່າງທົ່ວເຖິງ. ໃນພິທີດັ່ງກ່າວເປັນກຽດເຂົ້າ ຮ່ວມໂດຍສະຫາຍ ພົນຕີ ປອ ວົງຄຳ ພົມມະກອນ ກຳມະການ ຄະນະປະຈຳພັກກະຊວງປ້ອງກັນ ປະເທດ ຫົວໜ້າກົມໃຫຍ່ພະລາທິ ການກອງທັບ ພ້ອມດ້ວຍຄະນະ ນຳກົມໃຫຍ່ພະລາທິການ ແລະ ພະນັກງານພາຍໃນກົມ.
ແຫຼ່ງຂໍ້ມູນ: Lao people’s Army Newsໂດຍ: ຄຳປະສົງ ລາດຊະວົງ