Wednesday, April 23, 2025

ທະຫານ ໄດ້ປະຕິບັດໜ້າທີ່ອັນສົມກຽດຂອງຊາດ ຂອງກອງທັບດ້ວຍຄວາມພາກພູມໃຈ

ສະຫາຍ ພັນຕີ ນາງ ສີຫາ ກັນຍາວົງ

ສະຫາຍ ພັນຕີ ນາງ ສີຫາ ກັນຍາວົງ ຮອງຫົວຫນ້າພະແນກຊາວ ໜຸ່ມທະຫານແຂວງ ຈໍາປາສັກ ເຂົ້າຮ່ວມທຸກຂະບວນການເຄື່ອນ ໄຫວຊ່ວຍເຫຼືອຜູ້ປະສົບໄພພິບັດ ນ້ໍາຖ້ວມ ແລະ ປູກຈິດສໍານຶກໃຫ້ ກັບພະນັກງານ-ນັກຮົບ ກໍຄືຊາວ ໜຸ່ມກອງບັນຊາການທະຫານ ແຂວງຈໍາປາສັກ ປະຕິບັດໜ້າທີ່ຊ່ວຍເຫຼືອປະຊາຊົນທີ່ໄດ້ຮັບຄວາມ ເດືອດຮ້ອນພ້ອມຄຽງບ່າຄຽງໄຫຼ່ກັບເພດຊາຍເພື່ອຊ່ວຍເຫຼືອປະ ຊາຊົນໃຫ້ປອດໄພ.

ພໍແຕ່ໄດ້ຊາບຂ່າວຈາກປະຊາຊົນ ແລະ ເຫັນຜ່ານທາງສື່ອອນ ລາຍຈາກເຫດການນ້ໍາຖ້ວມຢູ່ແຂວງຈໍາປາສັກໃນແຕ່ລະເມືອງເຮັດ ໃຫ້ນ້ໍາຖ້ວມສູງຂຶ້ນເລື້ອຍໆ ໂດຍສະເພາະຢູ່ນະຄອນປາກເຊ ເປັນນະຄອນສວຍງາມທີ່ບໍ່ເຄີຍ ຖືກນ້ໍາຖ້ວມໃນລະດັບນີ້ມາ ກ່ອນສົ່ງຜົນກະທົບຕໍ່ພໍ່ແມ່ປະຊາຊົນຫຼາຍພັນຄອບຄົວ, ເຫັນພາບຊີວິດຈິດໃຈໃນການດໍາລົງຊີວິດພົບຄວາມຫຍຸ້ງຍາກລໍາບາກ, ເຮືອນຊານພໍ່ແມ່ປະຊາຊົນ, ບັນດາສໍານັກງານຫ້ອງການ ພາກລັດ ແລະ ເອກະຊົນສະຖານທີ່ທໍາການຜະລິດໂຮງຈັກໂຮງ ງານໄດ້ຮັບຄວາມເສຍຫາຍເປ່ເພ, ຕົນເອງບໍ່ໄດ້ນິ່ງນອນໃຈເຂົ້າ ມີສ່ວນຮ່ວມໃນການຊ່ວຍເຫຼືອ ທັນທີໂດຍໃນເບື້ອງຕົ້ນໃນຖາ ນະເປັນປະຊາຊົນຄົນທໍາມະດາ ໄດ້ເຂົ້າໄປບໍລິຈາກເຄື່ອງຊ່ວຍ ເຫຼືອຕາມຈຸດບໍລິຈາກເຂດບ້ານທີ່ຕົນຢູ່ ແລະ ຮ່ວມກັບປະຊາ ຊົນເຂດດັ່ງກ່າວລະດົມກໍາລັງ ແພັກເຄື່ອງຂອງອາຫານທີ່ໄດ້ ຈາກການບໍລິຈາກຢ່າງຮີບດ່ວນ ເພື່ອນໍາສົ່ງໃຫ້ພາກສ່ວນກ່ຽວ ຂ້ອງສົ່ງຕໍ່ເຖີງມືປະຊາຊົນທີ່ໄດ້ ຮັບຜົນກະທົບໜັກໃຫ້ທົ່ວເຖີງ. 

ຕໍ່ມາສະພາບການນ້ໍາຖ້ວມຍິ່ງ ໜັກຂຶ້ນຂະຫຍາຍອອກເປັນວົງ ກວ້າງເຮັດໃຫ້ນະຄອນປາກເຊ ຈົມຢູ່ໃຕ້ບາດານ, ຄະນະພັກ-ຄະນະບັນຊາກອງບັນຊາການທະຫານແຂວງຈໍາປາສັກ ບ່ອນທີ່ຕົນເຮັດວຽກມີຄວາມເປັນຫ່ວງ ເປັນໃຍຕໍ່ກັບເຫດການດັ່ງກ່າວ.

ຈຶ່ງໄດ້ຈັດຕັ້ງກໍາລັງໃນ ແຕ່ລະກົມກອງຢ່າງຮີບດ່ວນ ເພື່ອລົງຊ່ວຍເຫຼືອປະຊາ ຊົນໃຫ້ວ່ອງໄວທັນການເພື່ອກອບກູ້ເອົາຊີວິດ ແລະ ຮັກສາຊັບສິນຂອງພວກເພິ່ນໄວ້, ໃນນັ້ນເຮົາເອງໃນນາມເປັນຮອງພະແນກ ຊາວໜຸ່ມໄດ້ຮັບການມອບໝາຍ ກໍໄດ້ຮີບຮ້ອນຈັດຕັ້ງປະຕິບັດ ລະດົມອ້າຍເອື້ອຍນ້ອງ ທັງຊາວໜຸ່ມ, ແມ່ຍິງເຂົ້າຊ່ວຍເຫຼືອໄດ້ ຫຼາຍໜ້າວຽກໃນການກອບກູ້ຊ່ວຍເຫືຼອຜູ້ປະສົບໄພ, ນໍາເອົາເຄື່ອງບໍລິຈາກເຂົ້າເຖິງມືປະຊາ ຊົນຢ່າງທົ່ວເຖິງ ແລະເຄື່ອນ ໄຫວປິ່ນປົວປະຊາຊົນທີ່ໄດ້ຮັບບາດເຈັບຕາມແຕ່ລະຈຸດ, ນອກນັ້ນຍັງໄດ້ຊີ້ນໍາບັນດາກໍາ ລັງຊາວໜຸ່ມແມ່ຍິງໃຫ້ມີຄວາມ ໜັກແໜ້ນເຂັ້ມແຂງດ້ານກໍາລັງ ສົມກັບທີ່ເປັນກໍາລັງປະກອບອາ ວຸດຂອງຊາດ ຂອງກອງທັບປະ ກອບສ່ວນເຂົ້າໃນທຸກຂະບວນ ການຂອງອົງການຈັດຕັ້ງ ທັງ ພາກລັດ ແລະ ເອກະຊົນ ພ້ອມ ຄຽງບ່າຄຽງໄລ່ ກັບຜູ້ປະສົບ ໄພຜ່ານພົ້ນວິກິດນີ້ໂດຍປອດໄພ.

ມາຮອດປັດຈຸບັນ, ລະດັບນ້ໍາ ຖ້ວມຫຼຸດລົງເກືອບເປັນປົກກະຕິ ແລ້ວເຮັດໃຫ້ເສັ້ນທາງ, ເຮືອນ ຊານຂອງພໍ່ແມ່ປະຊາຊົນສະ ຖານທີ່ທໍາຜະລິດໂຮງຈັກໂຮງ ງານຂອງພວກເພິ່ນໄດ້ຮັບຄວາມ ເສຍຫາຍ ແລະ ມີຄວາມເປີະ ເປື້ອນ, ຊາວໜຸ່ມພວກເຮົາກໍໄດ້ ຕະລຸມບອນໃນການປົວແປງ, ເຄື່ອນຍ້າຍຊັບສິນມີຄ່າ, ອະນາ ໄມທໍາຄວາມສະອາດທົ່ວເທດສະບານນະຄອນປາກເຊ ແລະ ເມືອງອື່ນໆອີກ ທີ່ຖືກຜົນກະທົບ ເຮັດໃຫ້ພໍ່ແມ່ປະຊົນດໍາລົງຊີວິດ ແລະ ເຮັດທຸລະກິດຄ້າ-ຂາຍກັບ ຄືນສູ່ປົກກະຕິໂດຍໄວ.

ສະຫາຍ ພັນຕີ ນາງສີຫາ ກັນ ຍາວົງ ຍັງບອກກັບຜູ້ຂຽນວ່າ: ໃນຖານະເຮົາເປັນປະຊາຊົນຄົນລາວ ກໍຄືເປັນກໍາລັງປະກອບອາວຸດ ຕໍ່ກັບສະພາບການບ້ານເມືອງ ໃນຕອນນີ້ກໍາລັງປະເຊີນກັບໄພພິບັດທາງທໍາມະຊາດສ້າງຜົນເສຍ ຫາຍຫລາຍດ້ານ.

ດັ່ງນັ້ນ ເຮົາເອງກໍຄືທຸກອົງການຈັດຕັ້ງທາງພາກລັດ ແລະເອກະຊົນ ແລະ ພໍ່ແມ່ປະຊາຊົນລາວບັນດາເຜົ່າ ຂໍເປັນກໍາລັງສ່ວນໜຶ່ງຊ່ວຍເຫຼືອ ດ້ວຍຄວາມຈິງໃຈໂດຍບໍ່ຫວັງຜົນຕອບແທນໃດໆ ແລະ ເຮັດດ້ວຍ ໜ້າທີ່ອັນສົມກຽດ ຂອງຊາດ ຂອງກອງທັບມອບໝາຍໃຫ້.

ແຫຼ່ງຂໍ້ມູນ: Lao people’s Army News ໂດຍ ໂຊເລ້

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.