ພິທີມອບຮັບຈັດຂຶ້ນທີ່ສະໂມສອນຫລັກ 4 ໂດຍການມອບຂອງທ່ານ ໜູເຄືອບ ຜູ້ອໍານວຍການສະຖາບັນເງິນຝາກຈຸລະພາກຈໍາປາສັກ ຈໍາກັດ,ໃຫ້ກຽດຮັບຂອງທ່ານ ປອ ບຸນຖອງ ດີວິໄຊ ເຈົ້າແຂວງໆຈໍາປາສັກ ພ້ອມທັງໄດ້ກ່າວວ່າ:
ດ້ວຍຄວາມເຫັນອົກເຫັນໃຈປະຊາຊົນຜູ້ປະສົບໄພ ນໍ້າຖ້ວມ ໃນຄັ້ງນີ້ ຊຶ່ງມີຄວາມຮ້າຍແຮງໜັກໜ່ວງ ກ່ວາທຸກໆປີຜ່ານມາ,ໃນນາມສະຖາບັນເງິນຝາກຈຸລະພາກ ຈິ່ງໄດ້ ນໍາເງິນມາມອບໃຫ້ ເພື່ອເປັນກໍາລັງ ແຮງໜຶ່ງໃນການຊ່ວຍເຫລືອບັນເທົາທຸກໃຫ້ແກ່ປະຊາຊົນ ເພື່ອຫວັງໃຫ້ປະຊາຊົນຫລຸດພົ້ນຈາກຄວາມຫຍຸ້ງຍາກ ຜານຜ່າວິກິດການຈາກນໍ້າຖ້ວມ ແລະເຮັດໃຫ້ຊີວິດການ ເປັນຢູ່ທີ່ດີຂຶ້ນ.
ໂອກາດຮັບເງິນຊ່ວຍເຫລືອຄັ້ງນີ້, ທ່ານ ປອ ບຸນຖອງ ດີວິໄຊ ຍັງໄດ້ຕາງໜ້າການນໍາແຂວງກໍຄື ປະຊາຊົນ ຜູ້ປະ ສົບໄພນໍ້າຖ້ວມສະແດງຄວາມຂອບໃຈຕໍ່ສະຖາ ບັນເງິນຝາກຈຸລະພາກຈໍາປາສັກ ຈໍາກັດ ແລະ ພາກສ່ວນອື່ນໆ ທີ່ມີນໍ້າໃຈອັນປະເສີດ ປະກອບສ່ວນບັນເທົາທຸກໃຫ້ປະຊາຊົນຜູ້ຕົກທຸກໄດ້ຍາກ ແລະ ອວຍພອນໃຫ້ການດຳ ເນີນທຸລະກິດຂອງ ສະຖາບັນເງິນຝາກຈຸລະພາກມີຄວາມກ້າວໜ້າຂະຫຍາຍຕົວ ແລະ ສືບຕໍ່ໃຫ້ການສະໜັບ ສະໜູນຊ່ວຍເຫລືອ ສັງຄົມໃນຕໍ່ໆໄປ.
ແຫຼ່ງຂໍ້ມູນ: ເກດສະໜາ ແກ້ວສຸວັນນະແສງ, ສຳນັກຂ່າວສານປະເທດລາວ
Hits: 4
