Thursday, July 18, 2024
Lenovo

ການລະເບີດຫີນ ຢູ່ເມືອງນໍ້າບາກ ອາດບໍ່ຖືກຕ້ອງຕາມເຕັກນິກ ສ້າງຄວາມເສຍຫາຍຕໍ່ຊັບສິນ-ຊີວິດປະຊາຊົນ

ໃນໄລຍະຜ່ານມາການລະເບີດຫີນ ເພື່ອເອົາຫີນປູນເຂົ້າເປັນວັດຖຸດິບ ຂອງ ໂຮງງານຊີມັງຫລວງພະບາງ ຈຳກັດ ຕັ້ງຢູ່ເຂດພັດທະນານ້ຳຖ້ວມ ເມືອງນ້ຳບາກ ແຂວງ ຫລວງພະບາງ ແມ່ນດຳເນີນມາເປັນປົກກະຕິ ແລະ ຕໍ່ເນື່ອງ ແຕ່ການລະເບີດຫີນຄັ້ງຫລ້າສຸດ ໃນຕອນແລງຂອງວັນທີ 5 ຕຸລາ 2019 ນີ້.

ອາດແມ່ນຍ້ອນວິຊາການຜູ້ຮັບເໝົາ ທ້າວ ລາວເຈົ່າ ບໍ່ປະຕິບັດຕາມຫລັກການເຕັກນິກ-ວິຊາການ ຢ່າງເຂັ້ມງວດ ອັນໄດ້ສ້າງຄວາມເສຍຫາຍທາງດ້ານຊີວິດ ແລະ ຊັບສິນຂອງປະຊາຊົນ ຢູ່ບ້ານໂພນມະນີ ມີ ເຮືອນເປ່ເພ 81 ຫລັງ ແລະ 2 ຫລັງ ໄດ້ຮັບຄວາມເສຍຫາຍໜັກ, ບາດເຈັບສົມຄວນ 23 ຄົນ, ບາດເຈັບສາຫັດ 8 ຄົນ ແລະ ເສຍຊີວິດ 1 ຄົນ.

ທ່ານ ຄຳວອນ ແກ້ວລຸນໜູນ ຮອງເຈົ້າເມືອງນ້ຳບາກ ໄດ້ໃຫ້ສຳພາດວ່າ: ທຸກຄັ້ງກ່ອນຈະມີການລະເບີດຫີນ ອົງການປົກຄອງເມືອງ ໄດ້ແຕ່ງຕັ້ງຄະນະຮັບຜິດຊອບ ເພື່ອລົງຕິດຕາມ-ກວດກາ ຢ່າງໃກ້ຊິດ ທັງໄດ້ຊີ້ນຳໃຫ້ມີການປະກອບພິທາງສາສະໜາທຸກຄັ້ງ ກ່ອນການລະເບີດຫີນ, ຕາມປົກກະຕິຄວາມແຮງຂອງລະເບີດ ຈະບໍ່ມີຜົນກະທົບມາຮອດເຮືອນປະຊາຊົນ ເຖິງວ່າຈະໃຊ້ດິນລະເບີດຄັ້ງລະ 10-20 ໂຕນ.

ແຕ່ເທື່ອນີ້ ອາດມີຄວາມຜິດພາດດ້ານເຕັກນິກ ເພາະເຂົາເຈົ້າໄດ້ໃຊ້ດິນລະເບີດປະມານ 14 ໂຕນ ປະກົດວ່າລະເບີີດມີຄວາມຮຸນແຮງກວ່າທຸກຄັ້ງ ແລະ ໄດ້ທະລຸອອກທາງຂ້າງຂອງໜ້າຜາຫີນ ແລະ ຟົ້ງມາຮອດບ້ານຂອງປະຊາຊົນ ເຊິ່ງໄດ້ສົ່ງຜົນກະທົບ ແລະ ສ້າງຄວາມເສຍຫາຍດັ່ງກ່າວ ຫລາຍສົມຄວນ.

ທ່ານ ຄຳວອນ ແກ້ວລຸນໜູນ ຍັງໃຫ້ຮູ້ຕື່ມວ່າ:

ຕໍ່ກັບບັນຫາດັງກ່າວ, ເຈົ້າໜ້າທີ່ ໄດ້ກັກຕົວຜູ້ສ້າງຄວາມເສຍຫາຍ ແລະ ດຳເນີນການສືບສວນ-ສອບສວນ ຕາມກົດໝາຍ.

ພ້ອມທັງເລັ່ງເກັບກຳຂໍ້ມູນຜົນເສຍຫາຍຕົວຈິງ ເພື່ອຊອກວິທາງແກ້ໄຂ ທັງວາງມາດຕະການໃຫ້ເຂັ້ມງວດຕື່ມ ເພື່ອບໍ່ໃຫ້ເຫດການທີ່ສ້າງຄວາມເສຍຫາຍເກີດຂຶ້ນອີກ. ສ່ວນປະຊາຊົນຜູ້ໄດ້ຮັບເຄາະຮ້າຍເສຍຊີວິດ ແລະ ບາດເຈັບ ທາງເມືອງໄດ້ມອບໃຫ້ໂຮງງານຊີມັງ ເປັນຜູ້ຮັບຜິດຊອບໃນການໃຊ້ຈ່າຍ ຈົນກວ່າຈະສຳເລັດຂະບວນຍຸຕິທຳ ຕາມລະ ບຽບກົດໝາຍຂອງ ສປປ ລາວ.

ຂ່າວ: ອາພຸດເດດ, ຂປລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.