ລາຍງານ 19 ຕຸລາ 2019, ອີງຕາມການລາຍງານຂອງກະຊວງປ້ອງກັນປະເທດລັດເຊຍ ເມື່ອວັນສຸກ 18 ຕຸລາ ທີ່ຜ່ານມາ ໃຫ້ຮູ້ວ່າ:
ກອງປະຊຸມວາງແຜນ ຄັ້ງທີ 3 ຂອງຜູ້ແທນຜູ້ບັນຊາການທະຫານເຂດຕາເວັນອອກຂອງລັດເຊຍ ແລະ ກະຊວງປ້ອງກັນປະເທດຂອງ ສປປ.ລາວ ໄດ້ກໍານົດວັນຊ້ອມຮົບລົດຕັງພາຍໃຕ້ລະຫັດ Laros 2019 ໃນລະຫວ່າງວັນທີ 10-19 ທັນວາ 2019 ນີ້.
ການຊ້ອມຮົບຈະແບ່ງອອກເປັນ 3 ໄລຍະ, ກອງທັບປະຊາຊົນລາວ ຈະສະຫນອງອາວຸດ ແລະ ອຸປະກອນທາງ ການທະຫານໃຫ້ແກ່ ທະຫານລັດເຊຍທີ່ຮ່ວມຊ້ອມຮົບ ທີ່ປະກອບມີລົດຕັງ T-72MS, ລົດຫຸ້ມເກາະ BRDM-2MS, ປືນກົນ PKTM ແລະ ປືນ AKM ເຊິ່ງ ຈະຊ້ອມທີ່ສະຫນາມ Ban Peng (ແຫຼ່ງຂ່າວບໍ່ໄດ້ລະບຸເມືອງ ແລະ ແຂວງ).
ການຊ້ອມຮົບດັ່ງກ່າວ ເພື່ອເປັນການປະກອບສ່ວນເຂົ້າໃນການຂະຫຍາຍການຮ່ວມມືຮອບດ້ານທາງທະຫານ ແລະ ເຕັກນິກທາງການ ທະຫານລະຫວ່າງສອງປະເທດ, ລວມທັງການຕໍ່ຕ້ານການກໍ່ການຮ້າຍສາກົນ.
ໂດຍຈະມີທະຫານລາວ-ລັດເຊຍຫຼາຍກວ່າ 500 ຄົນ ເຂົ້າຮ່ວມການເຝິກຊ້ອມຮົບຄັ້ງທໍາອິດ ແລະ ຄັ້ງປະຫວັດ ສາດລະຫວ່າງ ສປປ.ລາວ-ລັດເຊຍ.
ແຫຼ່ງຂໍ້ມູນ: www.idsala.com
