Wednesday, May 22, 2024
Lenovo

ເບຍລາວ ມອບທຶນການສຶກສາແກ່ມະຫາວິທະຍາໄລຈໍາປາສັກ ແລະວິທະຍາໄລຄູ ປາກເຊ

ໃນສົກຮຽນ 2019-2020 ນີ້, ບໍລິສັດເບຍລາວຈໍາກັດ ໄດ້ສືບຕໍ່ມອບທຶນ ແກ່ນັກສຶກສາມະຫາວິທະຍາໄລ ຈໍາປາສັກ ຈໍານວນ 45 ທຶນ ມູນຄ່າ 118 ລ້ານກີບ ແລະ ນັກສຶກສາວິທະຍາໄລຄູປາກເຊ ຈໍານວນ 26 ທຶນ ມູນຄ່າ 64 ລ້ານກີບ. ພິທີມອບ-ຮັບ ໄດ້ຈັດຂຶ້ນທີ່ສະໂມສອນມະຫາວິທະຍາໄລ ຈໍາປາສັກ.

ເຊິ່ງມອບໂດຍທ່ານ ວຽງເພັດ ພັນທະວົງ ຜູ້ຈັດການຝ່າຍບໍລິຫານ ແລະ ສະຫວັດດີການ ພະນັກງານ ບໍລິສັດ ເບຍລາວ ຈໍາກັດ, ທ່ານ ດຳໝີ ສິງດວງຈັນ ຜູ້ຈັດການຝ່າຍບຸກຄະລາກອນ, ຜູ້ອໍານວຍການໂຮງງານເບຍລາວ ແຂວງຈໍາປາສັກ ແລະ ຮັບໂດຍທ່ານ ຄໍາພາ ຫອມສົມບັດ ຮອງອະທິການບໍດີມະຫາວິທະຍາໄລ ຈໍາປາສັກ, ທ່ານ ສົມໄຊ ເທບສົມບັດ ຮອງຜູ້ອໍານວຍການວິທະຍາໄລຄູປາກເຊ ພ້ອມດ້ວຍຄູອາຈານ ແລະ ນັກສຶກສາທີ່ໄດ້ຮັບທຶນເຂົ້າຮ່ວມ.

ສຳລັບທຶນການສຶກສາ ທີ່ບໍລິສັດ ເບຍລາວ ຈໍາກັດມອບ ໃຫ້ນັກສຶກສາມະຫາວິທະຍາໄລຈໍາປາສັກປີນີ້ ແມ່ນເປັນປີທີ 10 ເຊິ່ງລວມກັບປີຜ່ານມາມີຜູ້ໄດ້ຮັບທຶນແລ້ວ 400 ກ່ວາຄົນ ເປັນເງິນທັງໝົດ 1 ຕື້ກ່ວາກີບ, ສ່ວນວິທະຍາໄລຄູປາກເຊ ເປັນປີທີ 6 ໄດ້ຮັບທຶນແລ້ວ 120 ກ່ວາຄົນ ເປັນເງິນ ເກືອບ 400 ລ້ານກີບ.

ການມອບທຶນການສຶກສາໃຫ້ແກ່ນັກຮຽນເກັ່ງ ແລະ ດ້ອຍໂອກາດແມ່ນນະໂຍບາຍຂອງ ບໍລິສັດເບຍລາວ ໃນການຊ່ວຍເຫລືອສັງຄົມ ໃນແຕ່ລະປີ. ນອກຈາກ 2 ສະຖາບັນການສຶກສາດັ່ງກ່າວແລ້ວ ຍັງມີອີກ 5 ສະຖາບັນ, ລວມເປັນ 7 ສະຖາບັນການສຶກສາ ທົ່ວປະເທດ ທີ່ບໍລິສັດເບຍລາວ ມອບທຶນ ເຊິ່ງມີມູນຄ່າຫລາຍກ່ວາ 7 ຕື້ກີບ.

ຜູ້ບໍລິຫານການສຶກສາທັງສອງສະຖາບັນ ແລະ ນັກສຶກສາທີ່ໄດ້ຮັບທຶນ ໄດ້ສະແດງຄວາມຮູ້ສຶກດີໃຈ ແລະ ຂອບ ໃຈຕໍ່ບໍລິສັດເບຍລາວ ທີ່ສືບຕໍ່ມອບທຶນການສຶກສາໃຫ້ໃນປີນີ້ ພ້ອມສັນຍາວ່າຈະຕັ້ງໃຈຮໍ່າຮຽນ ແລະ ຄຸ້ມຄອງນໍາໃຊ້ທຶນດັ່ງກ່າວໃຫ້ເກີດປະໂຫຍກສູງສຸດ.

ແຫຼ່ງຂໍ້ມູນ: ຂ່າວ:ເກດສະໜາ ພາບ: ຂຽວສົມພອນ

ໃນສົກຮຽນ 2019-2020 ນີ້, ບໍລິສັດເບຍລາວຈໍາກັດ ໄດ້ສືບຕໍ່ມອບທຶນ ແກ່ນັກສຶກສາມະຫາວິທະຍາໄລ ຈໍາປາສັກ ຈໍານວນ 45 ທຶນ ມູນຄ່າ 118 ລ້ານກີບ ແລະ ນັກສຶກສາວິທະຍາໄລຄູປາກເຊ ຈໍານວນ 26 ທຶນ ມູນຄ່າ 64 ລ້ານກີບ. ພິທີມອບ-ຮັບ ໄດ້ຈັດຂຶ້ນທີ່ສະໂມສອນມະຫາວິທະຍາໄລ ຈໍາປາສັກ.

ເຊິ່ງມອບໂດຍທ່ານ ວຽງເພັດ ພັນທະວົງ ຜູ້ຈັດການຝ່າຍບໍລິຫານ ແລະ ສະຫວັດດີການ ພະນັກງານ ບໍລິສັດ ເບຍລາວ ຈໍາກັດ, ທ່ານ ດຳໝີ ສິງດວງຈັນ ຜູ້ຈັດການຝ່າຍບຸກຄະລາກອນ, ຜູ້ອໍານວຍການໂຮງງານເບຍລາວ ແຂວງຈໍາປາສັກ ແລະ ຮັບໂດຍທ່ານ ຄໍາພາ ຫອມສົມບັດ ຮອງອະທິການບໍດີມະຫາວິທະຍາໄລ ຈໍາປາສັກ, ທ່ານ ສົມໄຊ ເທບສົມບັດ ຮອງຜູ້ອໍານວຍການວິທະຍາໄລຄູປາກເຊ ພ້ອມດ້ວຍຄູອາຈານ ແລະ ນັກສຶກສາທີ່ໄດ້ຮັບທຶນເຂົ້າຮ່ວມ.

ສຳລັບທຶນການສຶກສາ ທີ່ບໍລິສັດ ເບຍລາວ ຈໍາກັດມອບ ໃຫ້ນັກສຶກສາມະຫາວິທະຍາໄລຈໍາປາສັກປີນີ້ ແມ່ນເປັນປີທີ 10 ເຊິ່ງລວມກັບປີຜ່ານມາມີຜູ້ໄດ້ຮັບທຶນແລ້ວ 400 ກ່ວາຄົນ ເປັນເງິນທັງໝົດ 1 ຕື້ກ່ວາກີບ, ສ່ວນວິທະຍາໄລຄູປາກເຊ ເປັນປີທີ 6 ໄດ້ຮັບທຶນແລ້ວ 120 ກ່ວາຄົນ ເປັນເງິນ ເກືອບ 400 ລ້ານກີບ.

ການມອບທຶນການສຶກສາໃຫ້ແກ່ນັກຮຽນເກັ່ງ ແລະ ດ້ອຍໂອກາດແມ່ນນະໂຍບາຍຂອງ ບໍລິສັດເບຍລາວ ໃນການຊ່ວຍເຫລືອສັງຄົມ ໃນແຕ່ລະປີ. ນອກຈາກ 2 ສະຖາບັນການສຶກສາດັ່ງກ່າວແລ້ວ ຍັງມີອີກ 5 ສະຖາບັນ, ລວມເປັນ 7 ສະຖາບັນການສຶກສາ ທົ່ວປະເທດ ທີ່ບໍລິສັດເບຍລາວ ມອບທຶນ ເຊິ່ງມີມູນຄ່າຫລາຍກ່ວາ 7 ຕື້ກີບ.

ຜູ້ບໍລິຫານການສຶກສາທັງສອງສະຖາບັນ ແລະ ນັກສຶກສາທີ່ໄດ້ຮັບທຶນ ໄດ້ສະແດງຄວາມຮູ້ສຶກດີໃຈ ແລະ ຂອບ ໃຈຕໍ່ບໍລິສັດເບຍລາວ ທີ່ສືບຕໍ່ມອບທຶນການສຶກສາໃຫ້ໃນປີນີ້ ພ້ອມສັນຍາວ່າຈະຕັ້ງໃຈຮໍ່າຮຽນ ແລະ ຄຸ້ມຄອງນໍາໃຊ້ທຶນດັ່ງກ່າວໃຫ້ເກີດປະໂຫຍກສູງສຸດ.

ແຫຼ່ງຂໍ້ມູນ: ຂ່າວ:ເກດສະໜາ ພາບ: ຂຽວສົມພອນ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ອາຫານທຸກຄາບມີຜົນຕໍ່ການນອນຫຼັບ

ການນອນຫຼັບ ເປັນການພັກຜ່ອນດີທີ່ສຸດສຳລັບຮ່າງກາຍ ເພາະຊ່ວຍເພີ່ມ ແລະຮັກສາປະສິດທິພາບ ການເຮັດວຽກຂອງອະໄວຍະວະຕ່າງໆ ໃຫ້ສົມບູນແຂງແຮງ. ໃນຂະນະດຽວກັນຜົນເສຍຂອງການນອນບໍ່ພຽງພໍ ຈະເຮັດໃຫ້ຈຸລັງຕ່າງໆ ເສື່ອມສະພາບ, ນຳ້ໜັກເພີ່ມ, ບໍ່ສົດຊື່ນ, ອ່ອນເພຍ ແລະອາລົມປ່ຽນແປງງ່າຍ. ໜຶ່ງໃນເຄັດລັບທີ່ເຮັດໃຫ້ທ່ານນອນຫຼັບໄດ້ດີກໍຄື ອາຫານທຸກຄາບທີ່ທ່ານກິນເຂົ້າໄປນັ້ນເອງ.

ເປີດແອ ນອນຫຼັບໃນລົດ “ສ່ຽງເສຍຊີວິດ”

ຖ້າໃຜຮູ້ໂຕວ່າ ໂຕເອງຕ້ອງຂັບລົດໄກໆ ສິ່ງທຳອິດທີ່ຄວນຄຳນຶງ ກໍຄື ການພັກຜ່ອນໃຫ້ພຽງພໍ ເພື່ອໃຫ້ໄດ້ມີສະຕິທີ່ດີ, ບໍ່ຫຼັບໃນ. ຖ້າພັກຜ່ອນມາບໍ່ພຽງພໍ ຮ່າງກາຍຈະອ່ອນເພຍ ຮູ້ສຶກເຫງົານອນຈົນຕ້ອງຢຸດນອນພັກຜ່ອນແຄມທາງ ຊຶ່ງມັນເປັນສິ່ງທີ່ອັນຕະລາຍທີ່ສຸດຂອງການນອນໃນລົດ, ແຕ່ດ້ວຍຄວາມຮັກສະບາຍ ຄົນສ່ວນຫຼາຍຈຶ່ງເລືອກທີ່ຈະເປີດແອລົດປະໄວ້ຂະນະນອນຫຼັບນັ້ນ ຖືເປັນສິ່ງອັນຕະລາຍຕໍ່ຊີວິດ.

ປະໂຫຍດຈາກ “ຜັກຂະ” ຜັກພື້ນບ້ານຂອງລາວ

ຜັກຂະ ຫຼື ຜັກເນົ່າ ເປັນຜັກພື້ນບ້ານຂອງລາວ ປະຊາຊົນຊາວລາວນິຍົມປູກໄວ້ຕາມແຄມຮົ້ວເຮືອນຂອງຕົນເອງ ໂດຍຄຸນລັກສະນະເດັ່ນຂອງ "ຜັກຂະ" ກໍຄື ເປັນພືດຕະກູນຖົ່ວທີ່ມີໜາມແຫຼມຄົມຕາມກິ່ງກ້ານ, ມີກິ່ນຮຸນແຮງ ບາງທ້ອງຖິ່ນເອີ້ນ ຜັກຂະຕາມກິ່ນວ່າ “ຜັກເນົ່າ”.