ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງທ່ານ ລູ້ ຕົ່ງຝູ ປະທານສະພາບໍລິຫານກຸ່ມລັດວິສາຫະກິດລົດ ໄຟແຫ່ງຊາດຈີນ ພ້ອມຄະນະ ທີ່ສໍານັກງານນາຍົກລັດຖະມົນຕີ.
ໃນໂອກາດດັ່ງກ່າວ, ທ່ານ ນາຍົກລັດຖະມົນຕີໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງທ່ານ ລູ້ ຕົ່ງຝູ ຊຶ່ງໄດ້ສະແດງຄວາມຊົມເຊີຍຕໍ່ຄວາມຄືບໜ້າຂອງການກໍ່ສ້າງເສັ້ນທາງ ລົດໄຟລາວ-ຈີນ ຊຶ່ງເປັນການ ເສີມຂະຫຍາຍສາຍພົວພັນຄວາມສາມັກຄີ ແລະ ການຮ່ວມມືລະຫວ່າງສອງພັກ-ສອງລັດ.
ໂດຍສະເພາະການຮ່ວມມືວຽກງານການກໍ່ສ້າງເສັ້ນທາງລົດໄຟລາວ-ຈີນ ທີ່ເປັນໜຶ່ງໃນວຽກງານຂອງການປະຕິບັດຕາມແນວທາງນະໂຍບາຍ “ໜຶ່ງແລວໜຶ່ງເສັ້ນທາງ” ຂອງທ່ານ ສີ ຈິ້ນຜິງ ປະທານປະເທດ ສປ ຈີນ.
ຊຶ່ງເປັນການປະກອບສ່ວນອັນສໍາຄັນເຂົ້າໃນການພັດທະນາເສດຖະກິດ-ສັງຄົມ ກໍຄື ເພີ່ມເສັ້ນທາງຄົມມະນາຄົມຂົນສົ່ງລະຫວ່າງ ສອງປະເທດລາວ-ຈີນ ໃຫ້ມີບາດກ້າວຂະຫຍາຍຕົວຍິ່ງໆຂຶ້ນ.
ໂອກາດເຂົ້າຢ້ຽມຂ່ຳນັບ, ທ່ານ ລູ້ ຕົ່ງຝູ ໄດ້ສະແດງຄວາມຂອບໃຈຕໍ່ການຕ້ອນຮັບ ພ້ອມທັງ ລາຍງານກ່ຽວກັບໂຄງ ການກໍ່ສ້າງທາງລົດໄຟລາວ-ຈີນ ແລະ ຂໍຄໍາເຫັນຊີ້ນໍາ ຈາກທ່ານນາຍົກກ່ຽວກັບແຜນວຽກໃນ ຕໍ່ໜ້າ ໂດຍສະເພາະການໃຫ້ບໍລິການພາຍຫຼັງໂຄງການທາງລົດໄຟລາວ-ຈີນສໍາເລັດ, ການຊຸກຍູ້ໃຫ້ ສປປ ລາວ ເຂົ້າເປັນສະມາຊິກອົງການຮ່ວມມືລົດໄຟສາກົນ ແລະ ການຄົ້ນ ຄວ້າຮູບແບບການຜ່ານດ່ານລະຫວ່າງສອງປະເທດ, ການພັດທະນາໂຄງການປິ່ນອ້ອມໂຄງການທາງລົດໄຟລາວ-ຈີນ ແລະ ການສ້າງນິຕິກໍາສະເພາະ ເພື່ອຮັບປະກັນຄວາມສະຫງົບໃນໄລຍະໃຫ້ບໍລິການເດີນລົດ ໄຟ ລາວ - ຈີນ ອີກດ້ວຍ.
ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ປະທານກວດກາອົງການລັດຖະບານ ກໍໄດ້ໃຫ້ການຕ້ອນຮັບທ່ານ ລູ້ ຕົ່ງຝູ ປະທານສະພາບໍລິຫານກຸ່ມລັດວິສາຫະກິດລົດໄຟແຫ່ງຊາດຈີນ ພ້ອມຄະນະເຊັ່ນດຽວກັນ.
ແຫຼ່ງຂໍ້ມຸນ: ໜັງສືພິມປະຊາຊົນ
ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງທ່ານ ລູ້ ຕົ່ງຝູ ປະທານສະພາບໍລິຫານກຸ່ມລັດວິສາຫະກິດລົດ ໄຟແຫ່ງຊາດຈີນ ພ້ອມຄະນະ ທີ່ສໍານັກງານນາຍົກລັດຖະມົນຕີ.
ໃນໂອກາດດັ່ງກ່າວ, ທ່ານ ນາຍົກລັດຖະມົນຕີໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງທ່ານ ລູ້ ຕົ່ງຝູ ຊຶ່ງໄດ້ສະແດງຄວາມຊົມເຊີຍຕໍ່ຄວາມຄືບໜ້າຂອງການກໍ່ສ້າງເສັ້ນທາງ ລົດໄຟລາວ-ຈີນ ຊຶ່ງເປັນການ ເສີມຂະຫຍາຍສາຍພົວພັນຄວາມສາມັກຄີ ແລະ ການຮ່ວມມືລະຫວ່າງສອງພັກ-ສອງລັດ.
ໂດຍສະເພາະການຮ່ວມມືວຽກງານການກໍ່ສ້າງເສັ້ນທາງລົດໄຟລາວ-ຈີນ ທີ່ເປັນໜຶ່ງໃນວຽກງານຂອງການປະຕິບັດຕາມແນວທາງນະໂຍບາຍ “ໜຶ່ງແລວໜຶ່ງເສັ້ນທາງ” ຂອງທ່ານ ສີ ຈິ້ນຜິງ ປະທານປະເທດ ສປ ຈີນ.
ຊຶ່ງເປັນການປະກອບສ່ວນອັນສໍາຄັນເຂົ້າໃນການພັດທະນາເສດຖະກິດ-ສັງຄົມ ກໍຄື ເພີ່ມເສັ້ນທາງຄົມມະນາຄົມຂົນສົ່ງລະຫວ່າງ ສອງປະເທດລາວ-ຈີນ ໃຫ້ມີບາດກ້າວຂະຫຍາຍຕົວຍິ່ງໆຂຶ້ນ.
ໂອກາດເຂົ້າຢ້ຽມຂ່ຳນັບ, ທ່ານ ລູ້ ຕົ່ງຝູ ໄດ້ສະແດງຄວາມຂອບໃຈຕໍ່ການຕ້ອນຮັບ ພ້ອມທັງ ລາຍງານກ່ຽວກັບໂຄງ ການກໍ່ສ້າງທາງລົດໄຟລາວ-ຈີນ ແລະ ຂໍຄໍາເຫັນຊີ້ນໍາ ຈາກທ່ານນາຍົກກ່ຽວກັບແຜນວຽກໃນ ຕໍ່ໜ້າ ໂດຍສະເພາະການໃຫ້ບໍລິການພາຍຫຼັງໂຄງການທາງລົດໄຟລາວ-ຈີນສໍາເລັດ, ການຊຸກຍູ້ໃຫ້ ສປປ ລາວ ເຂົ້າເປັນສະມາຊິກອົງການຮ່ວມມືລົດໄຟສາກົນ ແລະ ການຄົ້ນ ຄວ້າຮູບແບບການຜ່ານດ່ານລະຫວ່າງສອງປະເທດ, ການພັດທະນາໂຄງການປິ່ນອ້ອມໂຄງການທາງລົດໄຟລາວ-ຈີນ ແລະ ການສ້າງນິຕິກໍາສະເພາະ ເພື່ອຮັບປະກັນຄວາມສະຫງົບໃນໄລຍະໃຫ້ບໍລິການເດີນລົດ ໄຟ ລາວ - ຈີນ ອີກດ້ວຍ.
ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ປະທານກວດກາອົງການລັດຖະບານ ກໍໄດ້ໃຫ້ການຕ້ອນຮັບທ່ານ ລູ້ ຕົ່ງຝູ ປະທານສະພາບໍລິຫານກຸ່ມລັດວິສາຫະກິດລົດໄຟແຫ່ງຊາດຈີນ ພ້ອມຄະນະເຊັ່ນດຽວກັນ.
ແຫຼ່ງຂໍ້ມຸນ: ໜັງສືພິມປະຊາຊົນ
