ພັຕ ສີຕານ ສີວິໄລ ແນະນໍາວ່າ:
ເພື່ອຫຼີກລ່ຽງບັນຫາດັ່ງກ່າວ ໄວໜຸ່ມ-ນັກຮຽນ-ນັກສຶກສາ ທັງຫຼາຍຄວນຮູ້ 10 ວິທີໃນການປ້ອງກັນເປັນຕົ້ນແມ່ນ:
1. ຄວນຫຼີກລ່ຽງສະຖານທີ່ໆມີຄວາມສ່ຽງເຊັ່ນ: ຮ້ານບັນເທີງ, ຮ້ານເກມ, ສະໜຸກເກີ ແລະ ບ່ອນທີ່ເຫັນວ່າບໍ່ເໝາະສົມມີຄວາມສ່ຽງ.
2. ໃຊ້ເວລາວ່າງໃຫ້ເປັນປະໂຫຍດເຊັ່ນ: ຫຼິ້ນກິລາ, ຊອກຮູ້ຮໍ່າຮຽນ.
3. ບໍ່ທົດລອງເສບສິ່ງເສບຕິດທຸກປະເພດ.
4. ບໍ່ເອົາຢາເສບຕິດເປັນທີ່ເພິ່ງໃນເວລາເຫງົາ, ການຫຼຸດນໍ້າໜັກ ແລະ ອື່ນໆ.
5. ເຂົ້າຮ່ວມຮັບຟັງການເຜີຍແຜ່ຜົນຮ້າຍໄພອັນຕະລາຍຂອງຢາເສບຕິດທຸກຄັ້ງ.
6. ເຂົ້າຮ່ວມຂະບວນການ ຫຼື ກິດຈະກໍາຕ້ານຢາເສບຕິດທຸກຮູບແບບ.
7. ປຶກສາແພດໝໍ ຫຼື ຜູ້ໃຫ້ຄໍາປຶກສາກ່ຽວກັບພຶດຕິກໍາຂອງຜູ້ຊົມໃຊ້ຢາເສບຕິດ ເພື່ອຫຼີກລ່ຽງບໍ່ເຂົ້າໃກ້.
8. ໃຊ້ເຄື່ອງກວດຫາສານເສບຕິດເມື່ອສົງໃສວ່າມີສານເສບຕິດຢູ່ໃນອາຫານ ຫຼືເຄື່ອງດື່ມ.
9. ແຈ້ງເບາະແສໃຫ້ເຈົ້າໜ້າທີ່ເມື່ອພົບເຫັນມີການມົ້ວສຸມ, ຊື້-ຂາຍ, ຈໍາໜ່າຍ ແລະ ຜະລິດຢາເສບຕິດ ແລະ
10. ປະຕິບັດໃຫ້ໄດ້ຕາມ 4 ບໍ່ຄື: ບໍ່ເສບ, ບໍ່ຊື້, ບໍ່ຂາຍ, ບໍ່ຜະລິດຢາເສບຕິດທຸກປະເພດ.
ແຫຼ່ງຂໍ້ມູນ: ໜັງສືພິມປ້ອງກັນຄວາມສະຫງົບ