ທີ່ອ່າງເກັບນໍ້າຫ້ວຍສາງເຂົ້າ ເມືອງສອງຄອນ ແຂວງສະຫວັນະເຂດ,ໄດ້ຈັດງານແຂ່ງຂັນປະເພນີເຮືອຊ່ວງປະຈຳປີ 2019 ຂື້ນຢ່າງເປັນຂະບວນຟົດຟື້ນ ແລະ ເຕັມໄປດ້ວຍບັນຍາກາດເບີກບານມ່ວນຊື່ນ ໂດຍການເຂົ້າຮ່ວມ ຂອງ ທ່ານ ນັນ ສິດສານຸພາບ ເຈົ້າເມືອງສອງຄອນ ມີບັນດາຂະແໜງການອອ້ມຂ້າງເມືອງ,ກຳລັງ ປກຊ, ປກສ ເມືອງ ຕະຫຼອດພໍ່ແມ່ປະຊາຊົນບ້ານອອ້ມຂ້າງເຂົ້າຮ່ວມ.
ເຮືອທີ່ເຂົ້າຮ່ວມແຂ່ງຂັນປະກອບມີ 24 ລຳ,ແບ່ງອອກເປັນ 2 ປະເພດ ຄື ປະເພດ 1 ມີ 4 – 5 ສີພາຍ,ປະເພດ 2 ມີ 8 – 10 ສີພາຍ ,ໃນນັ້ນເຮືອກອງບັນຊາການທະຫານເມືອງສອງຄອນກໍ່ໄດ້ສົ່ງນັກກິລາເຂົ້າຮ່ວມແຂ່ງຂັນ 2 ປະເພດ ຄືລຸ້ນ 4 – 5 ສີພາຍ.
ຜ່ານການແຂ່ງຂັນເຮືອປະເພດ 4-5 ສີພາຍທະຫານເມືອງສອງຄອນສາມາດຍາດໄດ້ລາງວັນທີ 1 ໄດ້ຮັບຂັນລາງວັນ1 ໜ່ວຍ ພ້ອມເງິນສົດ 800.000 ກີບ,ຮອງຊະນະເລີດ ປກສ ເມືອງ,ເຮືອລຸ້ນ 8-10 ສີພາຍ ເຮືອໜຸ່ມນ້ອຍທັດສະພອນ1 ມາຈາກບ້ານຄືມສະຫວາງ,ໄດ້ຮັບຂັນລາງວັນ 1 ໜ່ວຍ ພ້ອມເງິນສົດ 800.000 ກີບ ຮອງຊະນະເລີດເຮືອໜຸ່ມນ້ອຍທັດສະພອນ2 .
ການຈັດງານແຂ່ງຂັນເຮືອຊ່ວງປີນີ້ນອກຈາກເຮັດຕາມຮີດຄອງປະເພນີທີ່ໄດ້ເຮັດມາໃນແຕ່ລະປີແລ້ວຍັງເປັນການຮັດແໜ້ນຄວາມສາມັກຄີພາຍໃນກົມກອງ ແລະ ສາມັກຄີລະຫວ່າງບ້ານຕໍ່ບ້ານອີກ ແລະ ທັງເປັນການສ້າງຂະບວນການຕ້ອນຮັບວັນສຳຄັນຂອງຊາດໂດຍສະເພາະວັນຊາດທີ 2 ທັນວາ 1975 ຄົບຮອບ 44 ປີ ວັນສ້າງຕັ້ງກອງທັບປະຊາຊົນລາວຄົບຮອບ 71 ປີ ແລະ ຂໍ່ານັບຮັບຕ້ອນກອງປະຊຸມໃຫ່ຍຂອງອົງຄະນະພັກເມືອງສອງຄອນທີ່ຈະໄດ້ໄຂຂື້ນໃນຕໍ່ໜ້ານີ້ໃຫ້ເຕັມໄປດ້ວຍຄວາມໝາຍຄວາມສຳຄັນເລີກເຊິ່ງ.
ແຫຼ່ງຂໍ້ມູນ: ມີເດຍລາວ