ໃນຕອນແລງວັນທີ 21 ທັນວາ 2019 ທີ່ແຄມຂອງ ບໍລິເວນ 3 ແຍກ ແຖວແມ່ຄ້າຂາຍຜັກ ເຫັນຂີ້ເຫຍື້ອຖືກຖີ້ມເປັນຈໍານວນຫລາຍເປັນກອງໃຫຍ່ ແລະ ມີກິ່ນເໝັນ.
ເຮັດໃຫ້ ສ ສະອາດ ຢູ່ຈຸດນັ້ນກໍ່ຄືນະຄອນຫລວງວຽງຈັນຫາຍໄປ ຄວາມບໍ່ສວຍງາມຄວາມບໍ່ສະອາດເຂົ້າມາແທນທີ່ທ່າມກາງນັກທ່ອງທ່ຽວຕ່າງປະເທດ ແລະ ມວນຊົນທຸກເພດໄວຍ່າງກາຍໄປ-ມາ.
ກຸ່ມອາສາດ້ວຍໃຈ ຮັກຄວາມະອາດໄດ້ເຮັດອານາໄມຢູ່ຈຸດນັ້ນແລ້ວ ເກັບຂີ້ເຫຍື້ອໄດ້ 6 ຖົງຢາງໃຫຍ່ຢູ່ຈຸດດຽວ ແລະ ສາມາດເຮັດໃຫ້ຈຸດນັ້ນກັບມາສະອາດສວຍງາມອີກຄັ້ງ.
ສະນັ້ນ ຈຶ່ງຮ້ອງຂໍມາຍັງທຸກພາກສ່ວນມວນຊົນທຸກເພດໄວໃຫ້ຄວາມສົນໃນໃສ່ໃຈຮັກສາຄວາມສະອາດນໍາກັນດ້ວຍ ເພື່ອບ້ານເມືອງປະເທດເຮົາຈະໜ້າຢູ່ຫລາຍຂຶ້ນກາຍເປັນປະເທດປອດຂີ້ເຫຍືອ ແລະ ມີຄວາມສີວິໄລມີຄວາມຈະເລີນທຸກໆດ້ານ
ໂດຍສະເພາະຊັບພະຍາກອນມະນຸດ, ບຸກຄະລາກອນຕ້ອງຈະເລີນພັດທະນາຢ່າງຮອບດ້ານ ຈາກນັ້ນປະເທດຈຶ່ງຈະພັດທະນາຮຸ່ງເຮືອງສີວິໄລເທົ່າທຽມກັບປະເທດທີ່ພັດທະນາແລ້ວ.
ແຫຼ່ງຂໍ້ມູນ: Lao Youth Radio FM 90.0 Mhz