Monday, April 21, 2025

ສະຫວັນນະເຂດ ກວດພົບສໍ້ລາດບັງຫຼວງຢູ່ 2 ເມືອງ ເສຍຫາຍມູນຄ່າຫຼາຍຕື້ກີບ

ທີ່ຫ້ອງປະຊຸມຫ້ອງວ່າການປົກຄອງ ແຂວງສະຫວັນນະເຂດ ໄດ້ຈັດພິທີສະເຫຼີມສະຫຼອງວັນຕ້ານການສໍ້ລາດບັງຫຼວງສາກົນຄົບຮອບ 16 ປີ (9 ທັນວາ 2003-9 ທັນວາ 2019) ໂດຍການເປັນກຽດເຂົ້າຮ່ວມ ແລະປາຖະກະຖາເອກະສານວັນດັ່ງກ່າວຂອງທ່ານ ນາງ ບຸນເຍື້ອນ ທິດພຸດທະວົງ ປະ ທານກວດກາພັກ-ລັດແຂວງ, ທ່ານ ລຳທອງ ຂອບສີລາວົງ ຮອງປະທານກວດກາພັກແຂວງຈາກນີ້ກໍພະແນກການ, ກົມກອງ, ຂະແໜງການ, ໜ່ວຍງານ ແລະ ພະ ນັກງານລັດຖະກອນທີ່ຮັບຜິດຊອບວຽກງານກວດກາພັກ-ລັດພາຍໃນແຂວງ ແລະນະຄອນໄກສອນ ພົມວິຫານ ເຂົ້າຮ່ວມ.

ໂອກາດນີ້, ທ່ານນາງ ບຸນເຍື້ອນ ທິດພຸດທະວົງ ກໍ່ໄດ້ຍົກໃຫ້ເຫັນເຖິງເງື່ອນໄຂ, ຄວາມຈຳເປັນ ແລະຄວາມສຳຄັນຂອງການສ້າງຕັ້ງວັນຕ້ານການສໍ້ລາດບັງຫຼວງສາກົນ ພ້ອມທັງໄດ້ຍົກໃຫ້ເຫັນເຖິງໄພອັນຕະລາຍຂອງການສໍ້ລາດບັງຫຼວງຊຶ່ງຄຳຂວັນຂອງວັນທີ 9 ທັນວາປີນີ້ຍັງແມ່ນ “ຮ່ວມແຮງຮ່ວມໃຈຕ້ານການສໍ້ລາດບັງຫຼວງ”.

ໃນໜຶ່ງປີຜ່ານມາທົ່ວແຂວງ, ໄດ້ກວດກາປະກົດການຫຍໍ້ທໍ້ ແລະປາກົດການສໍ້ລາດບັງຫຼວງຊຶ່ງກວດກາຕາມຄຳສັ່ງມີ:

ການກວດກາອອກບັດແຮງງານໃຫ້ຄົນຕ່າງປະ ເທດຂອງພະແນກແຮງງານ ແລະສະຫວັດດີການສັງຄົມແຂວງ, ຜ່ານການກວດກາພົບເຫັນການເຮັດບັດແຮງງານນອກລະບົບ 247 ບັດ, ຜົນເສຍຫາຍ 213 ລ້ານກວ່າກີບ, ເກັບກູ້ຄືນໄດ້ 103 ລ້ານກວ່າກີບ, ພົວພັນເຖິງພະນັກງານນຳພາ 10 ຄົນ, ຊຶ່ງປະຈຸບັນຢູ່ໃນຂັ້ນຕອນການພິຈາລະນາແກ້ໄຂຕາມລະບຽບກົດໝາຍ.

ນອກນີ້, ຍັງໄດ້ຕິດຕາມ-ກວດກາປາກົດການຫຍໍ້ທໍ້ທີ່ເປັນພຶດຕິກຳສໍ້ລາດບັງຫຼວງທີ່ເກີດຂຶ້ນ 2 ເມືອງຄື: ການຍັກຍອກຊັບສິນລັດຂອງພະນັກງານການເງິນເມືອງພະລານໄຊຈຳນວນ 2 ຄົນ, ມີຜົນເສຍຫາຍ 297 ລ້ານກວ່າກີບ, ເກັບຄືນໄດ້ 185 ລ້ານກີບ, ຖືກລົງວິໄນຕາມກົດໝາຍວ່າດ້ວຍພະນັກງານ-ລັດຖະກອນຂັ້ນ 3 ມີ 1 ຄົນ ແລະ ຂັ້ນ 4 ມີ 1 ຄົນ;

ເມືອງສອງຄອນກ່ຽວກັບການເອົາເງິນລວມຫ້ອງການໄປນຳໃຊ້ສ່ວນຕົວຈຳນວນ 2 ຄົນ ໃນນີ້ ມີພະນັກງານອາສາສະໝັກ 1 ຄົນ, ຜົນເສຍຫາຍ 567 ລ້ານກວ່າກີບ,

ປະຈຸບັນຍັງຢູ່ໃນຂັ້ນຕອນການພິຈາລະນາປະຕິບັດຕາມລະບຽບກົດໝາຍ,ໄດ້ດຳເນີນການສືບສວນ-ສອບສວນພະນັກງານອາກອນເມືອງໄຊບູລີ 5 ຄົນ ທີ່ຍັກຍອກເງິນຂອງລັດໄປນຳໃຊ້ສ່ວນຕົວເປັນເງິນ 3,3 ຕື້ກວ່າກີບ, ຍັງຄ້າງ 410 ລ້ານກີບ ແລະອື່ນໆ.


ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.