Saturday, July 19, 2025
Kbank Laos โอน รับ จ่าย

ກອງບັນຊາການທະຫານ ແຂວງຊຽງຂວາງ ແຮກສ່ຽວທະຫານ ແຂວງເຊິນລາ ສສ ຫວຽດນາມ

ເພື່ອເປັນການຮັດແໜ້ນຄວາມ ສາມັກຄີການພົວພັນຮ່ວມມືຮອບ ດ້ານລະຫວ່າງກອງບັນຊາການ ທະຫານແຂວງຊຽງຂວາງ ແລະ ກອງບັນຊາການທະຫານ ແຂວງ ເຊີນລາ ສສ ຫວຽດນາມໄດ້ຈັດ ພິທີແຮກສ່ຽວໃນຢູ່ທີ່ກອງ ບັນຊາການທະຫານແຂວງເຊິນລາ ສສ ຫວຽດນາມ, ຝ່າຍກອງບັນຊາການທະຫານແຂວງຊຽງຂວາງ ນຳໂດຍສະຫາຍ ພັນເອກ ບຸນຊູ ໄຊລາສີ ກຳມະການຄະ ນະປະຈຳພັກແຂວງ, ຫົວໜ້າ ການທະຫານກອງບັນຊາການທະຫານແຂວງ ພ້ອມດ້ວຍຄະນະ

ຝ່າຍກອງບັນຊາການທະຫານແຂວງເຊິນລາ ສສ ຫວຽດນາມ ນຳໂດຍສະຫາຍ ພັນເອກ ຮວ່າງດີງເຕືອງ ຫົວໜ້າການເມືອງກອງບັນຊາການທະຫານ ແຂວງເຊິນລາ ພ້ອມຄະນະ.

ໃນພິທີ ສະຫາຍ ພັນໂທ ເລຮົ່ງ ເຊິນ ຫົວໜ້າຫ້ອງການກອງບັນຊາການທະຫານແຂວງເຊິນລາ ແລະ ສະຫາຍ ພັນໂທ ທອງສີ ໄຊຍະລາດ ຫົວໜ້າຫ້ອງການກອງບັນຊາການທະຫານແຂວງຊຽງຂວາງ ໄດ້ຂຶ້ນຜ່ານກົດລະ ບຽບແຮກສ່ຽວລະຫວ່າງກອງບັນຊາການທະຫານແຂວງເຊິນລາ ທະຫານເຂດ 2 ກອງທັບປະຊາຊົນຫວຽດນາມກັບກອງບັນຊາການທະຫານແຂວງຊຽງຂວາງກອງທັບປະຊາຊົນລາວ

ປະກອບມີ 4 ພາກ 13 ມາດຕາ ເຊິ່ງຈະເພີ່ມທະວີສາຍພົວພັນ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ, ວຽກງານປະສານສົມທົບໂຄສະນາສຶກສາອົບຮົມຕໍ່ກຳລັງປະກອບອາວຸດ ແລະ ປະຊາຊົນສອງແຂວງ, ເພີ່ມທະວີແລກປ່ຽນຂໍ້ມູນກ່ຽວກັບວຽກງານປ້ອງກັນຊາດ-ປ້ອງກັນຄວາມສະຫງົບ, ປະສານສົມທົບໃນວຽກ ງານກໍ່ສ້າງກຳລັງປະກອບອາວຸດ, ວຽກງານຮ່ວມມື, ຊ່ວຍເຫຼືອໃນວຽກງານພະລາທິການ-ເຕັກນິກ.

ຈາກນັ້ນຜູ້ແທນທັງສອງຝ່າຍກໍໄດ້ແລກປ່ຽນ ຄຳຄິດຄຳເຫັນເຊິ່ງກັນ ແລະ ກັນ ຢ່າງກົງໄປກົງມາ ເພື່ອຄວາມເປັນເອກະພາບກັນ.

ໃນພິທີດັ່ງກ່າວຄະນະຜູ້ແທນທັງສອງຝ່າຍກໍໄດ້ເຊັນສັນຍາກົດລະບຽບການເຄື່ອນໄຫວແຮກສ່ຽວ ຝ່າຍລາວເຊັນ ໂດຍ ສະຫາຍ ພັນເອກ ບຸນຊູ ໄຊລາສີ ຫົວໜ້າການທະຫານ ກອງບັນຊາການທະຫານແຂວງ ຊຽງຂວາງ ແລະ ສະຫາຍ ພັນເອກ ຮວ່າງດີງເຕືອງ ຫົວໜ້າການເມືອງກອງບັນຊາການທະຫານແຂວງເຊິນລາ ໂດຍການ ເຂົ້າ ຮ່ວມເປັນສັກຂີພະຍານຂອງ ຄະນະທັງສອງຝ່າຍ.

ແຫຼ່ງຂໍ້ມູນ: ໂດຍ: ສົມຮັກ ຈັນທະວົງສາ Laos Army

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.