ກອງປະຊຸມຜ່ານຮ່າງເນື້ອໃນ (ຮ່າງ) ກົດໝາຍວ່າດ້ວຍການສຶກສາຊັ້ນສູງ ໄດ້ຈັດຂື້ນໃນລະຫວ່າງວັນທີ 08-10 ມັງກອນ 2020 ທີ່ ເມືອງ ແກ້ວອຸດົມ, ແຂວງ ວຽງຈັນ ໂດຍການເປັນປະທານຂອງທ່ານ ຮສ. ປອ. ຫຼ້າວັນ ວົງຄຳສານ ຮອງຫົວໜ້າກົມການສຶກສາຊັ້ນສູງ, ກະຊວງສຶກສາທິການ ແລະ ກິລາ ພ້ອມດ້ວຍຜູ້ຕາງຫນ້າຈາກ ມະຫາວິທະຍາໄລ, ສະຖາບັນການສຶກສາຊັ້ນສູງ ແລະ ພາກສ່ວນທີ່ກ່ຽວຂ້ອງກໍ່ໃຫ້ກຽດເຂົ້າຮ່ວມ ຊຶ່ງຈຸດປະສົງໃນການສ້າງກົດໝາຍວ່າດ້ວຍການສຶກສາຊັ້ນສູງແມ່ນ:
– ເພື່ອສ້າງນິຕິກຳຄຸ້ມຄອງວຽກງານການສຶກສາຊັ້ນສູງ ຢ່າງເປັນລະບົບຄົບຊຸດ ແລະ ຖືກນຳໃຊ້ຢ່າງເປັນເອກະພາບໃນທົ່ວປະເທດ.
– ເພື່ອຍົກສູງບົດບາດຄວາມສຳຄັນ ຂອງວຽກງານການສຶກສາຊັ້ນສູງ ໃນການສົ່ງເສີມການພັດທະນາຊັບພະຍາ ກອນມະນຸດຂອງ ສປປ ລາວ ໃຫ້ມີຄຸນນະພາບ ແລະ ປະສິດທິຜົນສູງຂຶ້ນ ແລະ ສາມາດເຊື່ອມໂຍງກັບພາກພື້ນ ແລະ ສາກົນ.
– ເພື່ອປັບປຸງບັນດາມາດຕາໃນດຳລັດວ່າດ້ວຍການສຶກສາຊັ້ນສູງ ໃຫ້ສອດຄ່ອງກັບບັນດານິຕິກຳອື່ນໆ ທີ່ກ່ຽວ ຂ້ອງ ແລະ ເຮັດໃຫ້ການຈັດຕັ້ງປະຕິບັດວຽກງານການສຶກສາຊັ້ນສູງ ແລະ ການຄຸ້ມຄອງການສຶກສາຊັ້ນສູງ ມີຄວາມຮັດກຸມຂຶ້ນກວ່າເກົ່າ.
ແຫຼ່ງຂໍ້ມູນ: Department of higher education Laos
